Tuesday, September 27, 2022
spot_img

ਚੀਨ ਨੇ 90 ਦਿਨਾਂ ਲਈ ਪੁਲਾੜ ਯਾਤਰਾ ‘ਤੇ ਭੇਜੇ 3 ਪੁਲਾੜ ਯਾਤਰੀ

ਸੰਬੰਧਿਤ

ਪਟਿਆਲਾ ਪੁਲਿਸ ਨੇ ਅਸਲੇ ਸਮੇਤ ਗੈਂਗਸਟਰ ਕੀਤੇ ਕਾਬੂ

ਪਟਿਆਲਾ ਪੁਲਿਸ ਨੇ ਤਿੰਨ ਗੈਂਗਸਟਰਾਂ ਨੂੰ ਵਿਦੇਸ਼ੀ ਪਿਸਟਲ, ਰਾਇਫਲ...

ਪੰਜਾਬ ਦੇ ਸਰਕਾਰੀ ਸਕੂਲਾਂ ਨੂੰ ਜਲਦ ਮਿਲਣਗੇ ਸੁਰੱਖਿਆ ਗਾਰਡ: ਹਰਜੋਤ ਬੈਂਸ

ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਅਗਵਾਈ ਵਾਲੀ ਪੰਜਾਬ ਸਰਕਾਰ...

‘ਆਪ’ ਵਿਧਾਇਕ ਲਾਭ ਸਿੰਘ ਉਗੋਕੇ ਦੇ ਪਿਤਾ ਦਾ ਹੋਇਆ ਦੇਹਾਂਤ

ਵਿਧਾਨ ਸਭਾ ਹਲਕਾ ਭਦੌੜ ਤੋਂ ਆਮ ਆਦਮੀ ਪਾਰਟੀ ਦੇ...

Share

ਚੀਨ ਨੇ ਤਿੰਨ ਪੁਲਾੜ ਯਾਤਰੀਆਂ ਨੂੰ ਵੀਰਵਾਰ ਨੂੰ ਆਪਣੇ ਉਸਾਰੀ ਅਧੀਨ ਪੁਲਾੜ ਸਟੇਸ਼ਨ ਦੀ ਮੁਰੰਮਤ ਲਈ ਰਵਾਨਾ ਕਰ ਦਿੱਤਾ। ਇਹ ਪੁਲਾੜ ਯਾਤਰੀ ਉੱਥੇ ਤਿੰਨ ਮਹੀਨੇ ਤੱਕ ਉਸ ਦੇ ਕੋਰ ਮੋਡਿਊਲ ਤਿਆਨਹੇ ਵਿਚ ਰਹਿਣਗੇ। ਪੰਜ ਸਾਲ ਵਿਚ ਚੀਨ ਦਾ ਇਹ ਪਹਿਲਾ ਮਿਸ਼ਨ ਹੈ ਜਿਸ ਵਿਚ ਉਸ ਨੇ ਕਿਸੇ ਇਨਸਾਨ ਨੂੰ ਪੁਲਾੜ ਵਿਚ ਭੇਜਿਆ ਹੈ। ‘ਤਿਆਨਹੇ’ ਚੀਨ ਵੱਲੋਂ ਭੇਜਿਆ ਗਿਆ ਤੀਜਾ ਅਤੇ ਸਭ ਤੋਂ ਵੱਡਾ ਪੁਲਾੜ ਸਟੇਸ਼ਨ ਹੈ।

ਇਸ ਦੇ ਕੋਰ ਮੋਡਿਊਲ ਨੂੰ 29 ਅਪ੍ਰੈਲ ਨੂੰ ਆਰਬਿਟ ਵਿਚ ਸਥਾਪਿਤ ਕੀਤਾ ਗਿਆ ਸੀ। ਇਹ ਪੁਲਾੜ ਯਾਤਰੀ ਪੁਲਾੜ ਗੱਡੀ ‘ਸ਼ੇਨਝੇਉ-12’ ਵਿਚ ਸਵਾਰ ਹਨ ਜਿਸ ਨੂੰ ਉੱਤਰੀ-ਪੱਛਮੀ ਜਿਯੁਕਵਾਨ ਲਾਂਚ ਕੇਂਦਰ ਤੋਂ ਲੌਂਗ ਮਾਰਚ-2 ਐੱਫ ਰਾਕੇਟ ਜ਼ਰੀਏ ਲਾਂਚ ਕੀਤਾ ਗਿਆ। ਇਹ ਤਿੰਨੇ ਯਾਤਰੀ ਹੈਸ਼ੇਂਗ, ਲਿਯੂ ਬੋਮਿੰਗ ਅਤੇ ਤਾਂਗ ਹੋਂਗਬੋ ਹਨ। ਲਾਂਚ ਦੇ ਕੁਝ ਮਿੰਟ ਬਾਅਦ ਹੀ ਇਸ ਨੂੰ ਸਫਲ ਐਲਾਨ ਕਰ ਦਿੱਤਾ ਗਿਆ।

ਚੀਨ ਨੇ ਕਰੀਬ ਪੰਜ ਸਾਲ ਪਹਿਲਾਂ 2016 ਵਿਚ ਆਖਰੀ ਵਾਰ ਕਿਸੇ ਇਨਸਾਨ ਨੂੰ ਪੁਲਾੜ ਵਿਚ ਭੇਜਿਆ ਸੀ। 2016 ਵਿਚ ਦੋ ਪੁਰਸ਼ ਪੁਲਾੜ ਯਾਤਰੀ ਸ਼ੇਨਝੋਊ-11 ਵਿਚ ਪੁਲਾੜ ਗਏ ਸਨ ਅਤੇ 33 ਦਿਨ ਉੱਥੇ ਰਹੇ। ਅੱਜ ਗਏ ਤਿੰਨ ਮੈਂਬਰੀ ਦਲ ਦੇ ਉਸ ਰਿਕਾਰਡ ਨੂੰ ਤੋੜਨ ਦੀ ਆਸ ਹੈ। ਇਹ ਪੁਲਾੜ ਯਾਤਰੀ ਤਿੰਨ ਮਹੀਨੇ ਤੱਕ ਪੁਲਾੜ ਵਿਚ ਰਹਿਣਗੇ ਅਤੇ ਇਸ ਦੌਰਾਨ ਉਹ ਮੁਰੰਮਤ ਅਤੇ ਨਿਗਰਾਨੀ ਜਿਹੇ ਕੰਮ ਕਰਨਗੇ। ਇਹ ਪੁਲਾੜ ਸਟੇਸ਼ਨ ਆਸਾਮਾਨ ਤੋਂ ਚੀਨ ਲਈ ਦੁਨੀਆ ‘ਤੇ ਨਜ਼ਰ ਰੱਖੇਗਾ ਅਤੇ ਪੁਰਾਣੇ ਹੁੰਦੇ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ (ੀਸ਼ਸ਼) ਨਾਲ ਮੁਕਾਬਲਾ ਕਰੇਗਾ।

 

spot_img