ਗੌਤਮ ਅਡਾਨੀ ਵੱਲੋਂ ਵੱਡਾ ਐਲਾਨ, ਦੇਸ਼ਭਰ ‘ਚ 20 ਸਕੂਲ ਖੋਲ੍ਹਣ ਲਈ ਦੇਣਗੇ 2000 ਕਰੋੜ ਰੁਪਏ
ਨਵੀ ਦਿੱਲੀ : ਅਡਾਨੀ ਸਮੂਹ ਨੇ ਦੇਸ਼ ਭਰ ਵਿੱਚ ਲਗਭਗ 20 ਸਕੂਲ ਖੋਲ੍ਹਣ ਲਈ 2,000 ਕਰੋੜ ਰੁਪਏ ਦੇ ਦਾਨ ਦਾ ਐਲਾਨ ਕੀਤਾ ਹੈ। ਅਡਾਨੀ ਗਰੁੱਪ ਦੇ ਚੇਅਰਮੈਨ ਗੌਤਮ ਅਡਾਨੀ ਨੇ ਆਪਣੇ ਛੋਟੇ ਬੇਟੇ ਜੀਤ ਅਡਾਨੀ ਦੇ ਵਿਆਹ ਦੇ ਸਮੇਂ ਚੈਰੀਟੇਬਲ ਕੰਮਾਂ ਲਈ 10,000 ਕਰੋੜ ਰੁਪਏ ਦੇ ਵੱਡੇ ਦਾਨ ਦਾ ਐਲਾਨ ਕੀਤਾ ਸੀ। ਸਕੂਲਾਂ ਤੋਂ ਪਹਿਲਾਂ ਅਡਾਨੀ ਗਰੁੱਪ ਨੇ ਹਸਪਤਾਲਾਂ ਦੀ ਉਸਾਰੀ ਲਈ ਛੇ ਹਜ਼ਾਰ ਕਰੋੜ ਰੁਪਏ ਅਤੇ ਹੁਨਰ ਵਿਕਾਸ ਲਈ ਦੋ ਹਜ਼ਾਰ ਕਰੋੜ ਰੁਪਏ ਦੇਣ ਦਾ ਐਲਾਨ ਕੀਤਾ ਸੀ।
ਜੇਮਸ ਐਜੂਕੇਸ਼ਨ ਨਾਲ ਕੀਤਾ ਸਮਝੌਤਾ
ਅਡਾਨੀ ਫਾਊਂਡੇਸ਼ਨ ਨੇ ਕਿਹਾ ਕਿ ਉਨ੍ਹਾਂ ਦੇਸ਼ ਭਰ ਵਿੱਚ ਸਿੱਖਿਆ ਦੇ ਮੰਦਰ ਸਥਾਪਤ ਕਰਨ ਲਈ ਕੇ-12 ਤੱਕ ਸਿੱਖਿਆ ਦੇ ਖੇਤਰ ਵਿੱਚ ਇੱਕ ਪ੍ਰਮੁੱਖ ਨਿੱਜੀ ਸੰਸਥਾ ਜੇਮਸ ਐਜੂਕੇਸ਼ਨ ਨਾਲ ਸਮਝੌਤਾ ਕੀਤਾ ਹੈ। ਫਾਊਂਡੇਸ਼ਨ ਦੁਆਰਾ ਜਾਰੀ ਬਿਆਨ ਵਿੱਚ ਕਿਹਾ ਗਿਆ ਹੈ, “ਅਡਾਨੀ ਪਰਿਵਾਰ ਦੇ 2,000 ਕਰੋੜ ਰੁਪਏ ਦੇ ਸ਼ੁਰੂਆਤੀ ਯੋਗਦਾਨ ਦੇ ਨਾਲ ਸਾਂਝੇਦਾਰੀ ਸਮਾਜ ਦੇ ਸਾਰੇ ਵਰਗਾਂ ਦੇ ਲੋਕਾਂ ਲਈ ਵਿਸ਼ਵ ਪੱਧਰੀ ਸਿੱਖਿਆ ਅਤੇ ਸਿੱਖਣ ਦੇ ਬੁਨਿਆਦੀ ਢਾਂਚੇ ਨੂੰ ਕਿਫਾਇਤੀ ਬਣਾਉਣ ਨੂੰ ਤਰਜੀਹ ਦੇਵੇਗੀ।” ਅਡਾਨੀ ਫਾਊਂਡੇਸ਼ਨ ਨੇ ਜੇਮਸ ਐਜੂਕੇਸ਼ਨ ਦੇ ਨਾਲ ਮਿਲ ਕੇ ਦੇਸ਼ ਭਰ ਵਿੱਚ ਸਿੱਖਿਆ ਦੇ ਮੰਦਰ ਸਥਾਪਤ ਕਰਨ ਦੀ ਯੋਜਨਾ ਬਣਾਈ ਹੈ। ਪਹਿਲਾ ਅਡਾਨੀ ਜੇਮਸ ਸਕੂਲ ਆਫ ਐਕਸੀਲੈਂਸ ਅਕਾਦਮਿਕ ਸਾਲ 2025-26 ਵਿੱਚ ਲਖਨਊ ਵਿੱਚ ਸ਼ੁਰੂ ਹੋਵੇਗਾ।
ਵੱਡਾ ਹਾਦਸਾ; ਡੰਪਰ ਟਰੱਕ ਅਤੇ ਵੈਨ ਵਿਚਾਲੇ ਟੱਕਰ ‘ਚ 5 ਦੀ ਮੌਤ, 13 ਜ਼ਖਮੀ
