ਜੇਕਰ ਤੁਸੀਂ ਵੀ ਦੇਖਣਾ ਚਾਹੁੰਦੇ ਹੋ Aero India 2025 ਸ਼ੋਅ, ਤਾਂ ਘਰ ਬੈਠੇ ਇਸ ਤਰਾਂ ਕਰੋ ਟਿਕਟ ਬੁੱਕ
ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਐਰੋ ਇੰਡੀਆ 2025 ਸ਼ੋਅ ਜਲਦ ਹੀ ਬੈਂਗਲੁਰੂ ‘ਚ ਸ਼ੁਰੂ ਹੋਣ ਜਾ ਰਿਹਾ ਹੈ। ਹਰ ਸਾਲ ਕਰਵਾਏ ਜਾਣ ਵਾਲੇ ਇਸ ਸ਼ੋਅ ਨੂੰ ਦੇਖਣ ਲਈ ਪੂਰੇ ਭਾਰਤ ਦੇ ਲੋਕ ਕਾਫੀ ਉਤਸ਼ਾਹਿਤ ਹਨ। ਇਸ ਵਾਰ ਤੁਸੀਂ ਇਸ ਸ਼ੋਅ ਨੂੰ 10 ਤੋਂ 14 ਫਰਵਰੀ ਤੱਕ ਦੇਖ ਸਕੋਗੇ। ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਰੱਖਿਆ ਮੰਤਰਾਲਾ ਭਾਰਤੀ ਹਵਾਈ ਸੈਨਾ ਦੀ ਤਾਕਤ ਦਾ ਪ੍ਰਦਰਸ਼ਨ ਕਰੇਗਾ।
ਕੀ ਤੁਸੀਂ ਵੀ ਭਾਰਤ ਦੀ ਫੌਜੀ ਤਾਕਤ ਨੂੰ ਦੇਖਣ ਲਈ ਉਤਸ਼ਾਹਿਤ ਹੋ ਅਤੇ ਏਅਰੋ ਇੰਡੀਆ 2025 ਸ਼ੋਅ ਨੂੰ ਲਾਈਵ ਦੇਖਣਾ ਚਾਹੁੰਦੇ ਹੋ, ਤਾਂ ਤੁਸੀਂ ਘਰ ਬੈਠੇ ਇਸ ਦੀਆਂ ਟਿਕਟਾਂ ਪ੍ਰਾਪਤ ਕਰ ਸਕਦੇ ਹੋ। ਏਅਰ ਸ਼ੋਅ ਰੋਜ਼ਾਨਾ ਸਵੇਰੇ 9 ਵਜੇ ਸ਼ੁਰੂ ਹੋਵੇਗਾ ਅਤੇ ਸ਼ਾਮ 6 ਵਜੇ ਤੱਕ ਜਾਰੀ ਰਹੇਗਾ। ਇਸ ਸ਼ੋਅ ‘ਚ ਤੁਸੀਂ ਫੌਜ ਦੇ ਹਵਾਈ ਜਹਾਜ਼, ਹੈਲੀਕਾਪਟਰ, ਡਰੋਨ ਉਡਦੇ ਦੇਖ ਸਕੋਗੇ।
ਟਿਕਟਾਂ ਕਿਵੇਂ ਬੁੱਕ ਕਰੀਏ
ਜੇਕਰ ਤੁਸੀਂ ਇਸ ਸ਼ੋਅ ‘ਚ ਜਾਣਾ ਚਾਹੁੰਦੇ ਹੋ ਤਾਂ ਤੁਸੀਂ ਘਰ ਬੈਠੇ ਆਰਾਮ ਨਾਲ ਟਿਕਟ ਬੁੱਕ ਕਰ ਸਕਦੇ ਹੋ। ਇਸ ਦੇ ਲਈ ਸਭ ਤੋਂ ਪਹਿਲਾਂ ਤੁਹਾਨੂੰ ਇਸ ਲਿੰਕ https://www.aeroindia.gov.in/visitor-registration ‘ਤੇ ਕਲਿੱਕ ਕਰਨਾ ਹੋਵੇਗਾ। ਇਸ ਤੋਂ ਬਾਅਦ ਤੁਹਾਨੂੰ ਇਸ ਪੇਜ ‘ਤੇ ਦਿਖਾਈ ਦੇਣ ਵਾਲੇ ਸਾਰੇ ਵੇਰਵੇ ਦਰਜ ਕਰਨੇ ਹੋਣਗੇ। ਜਿਸ ਵਿੱਚ ਤੁਹਾਨੂੰ ਆਪਣਾ ਨਾਮ, ਪਤਾ, ਨੰਬਰ, ਈ-ਮੇਲ ਦਰਜ ਕਰਨਾ ਹੋਵੇਗਾ ਅਤੇ ਪਾਸਵਰਡ ਐਂਟਰ ਕਰਕੇ ਤੁਹਾਡਾ ਖਾਤਾ ਜਨਰੇਟ ਹੋ ਜਾਵੇਗਾ।
ਹੁਣ ਇਸ ਖਾਤੇ ‘ਤੇ ਆਉਣ ਤੋਂ ਬਾਅਦ, ਤੁਹਾਨੂੰ ਖੱਬੇ ਪਾਸੇ ਤਿੰਨ ਚੀਜ਼ਾਂ ਦਿਖਾਈ ਦੇਣਗੀਆਂ: ਮਾਈ ਪ੍ਰੋਫਾਈਲ, ਮੇਰੀ ਬੁਕਿੰਗ, ਪਾਸ। ਇਸ ਪੇਜ ‘ਤੇ ਆਉਣ ਤੋਂ ਬਾਅਦ ਤੁਹਾਨੂੰ Pass ‘ਤੇ ਜਾਣਾ ਹੋਵੇਗਾ। ਇੱਥੇ, ਜੇਕਰ ਤੁਸੀਂ ਜਨਰਲ ਪਾਸ ਲੈਣਾ ਚਾਹੁੰਦੇ ਹੋ, ਤਾਂ ਪਹਿਲਾਂ ਇਸ ‘ਤੇ ਕਲਿੱਕ ਕਰੋ ਅਤੇ ਫਿਰ ਸਾਈਡ ਕਾਲਮ ਵਿੱਚ ਟਿਕਟਾਂ ਦੀ ਗਿਣਤੀ ‘ਤੇ ਕਲਿੱਕ ਕਰੋ। ਇਸ ਤੋਂ ਬਾਅਦ, ਜਦੋਂ ਤੁਸੀਂ ਪੈਸੇ ਦਾ ਭੁਗਤਾਨ ਕਰ ਦਿੰਦੇ ਹੋ, ਤਾਂ ਤੁਹਾਡੀ ਟਿਕਟ ਬੁੱਕ ਹੋ ਜਾਵੇਗੀ ਅਤੇ ਇਹ ਇਸ ਵੈਬਸਾਈਟ ‘ਤੇ ਦਿਖਾਈ ਦੇਵੇਗੀ।
ਭਾਰਤੀ-ਅਮਰੀਕੀ ਚੰਦਰਿਕਾ ਟੰਡਨ ਨੇ ਜਿੱਤਿਆ ਗ੍ਰੈਮੀ ਅਵਾਰਡ, ਇਸ ਸ਼੍ਰੇਣੀ ‘ਚ Grammy ਕੀਤਾ ਆਪਣੇ ਨਾਮ
