ਹਾਥਰਸ ਸਤਿਸੰਗ ਹਾਦਸਾ – ਮੁੱਖ ਦੋਸ਼ੀ 14 ਦਿਨਾਂ ਲਈ ਭੇਜਿਆ ਅਲੀਗੜ੍ਹ ਜੇਲ੍ਹ
ਹਾਥਰਸ ਭਗਦੜ ਦੇ ਮੁੱਖ ਦੋਸ਼ੀ ਦੇਵ ਪ੍ਰਕਾਸ਼ ਮਧੁਕਰ ਨੂੰ ਸੀਜੇਐਮ ਅਦਾਲਤ ਨੇ 14 ਦਿਨਾਂ ਲਈ ਨਿਆਂਇਕ ਹਿਰਾਸਤ ਵਿੱਚ ਭੇਜ ਦਿੱਤਾ ਹੈ। ਅਦਾਲਤ ਵਿੱਚ ਮੀਡੀਆ ਦਾ ਇਕੱਠ ਸੀ। ਮੀਡੀਆ ਤੋਂ ਬਚਣ ਲਈ ਪੁਲਿਸ ਨੇ ਮਧੁਕਰ ਨੂੰ ਪਿਛਲੇ ਦਰਵਾਜ਼ੇ ਤੋਂ ਬਾਹਰ ਦੀ ਕੱਢਿਆ ਅਤੇ ਫਿਰ ਉਹ ਮੂੰਹ ਦੇ ਭਾਰ ਡਿੱਗ ਪਿਆ। ਪੁਲਿਸ ਵਾਲਿਆਂ ਨੇ ਉਸ ਨੂੰ ਜਲਦੀ ਸੰਭਾਲਿਆ ਅਤੇ ਫਿਰ ਜੀਪ ਵਿੱਚ ਬਿਠਾ ਕੇ ਲੈ ਗਏ।
ਹਾਥਰਸ ਭਗਦੜ ਦੇ ਮੁੱਖ ਦੋਸ਼ੀ ਭੇਜਿਆ ਜੇਲ੍ਹ
ਮਧੁਕਰ ਅਤੇ ਉਸ ਦੇ ਇੱਕ ਹੋਰ ਸਾਥੀ ਸੰਜੀਵ ਯਾਦਵ ਨੂੰ ਅਲੀਗੜ੍ਹ ਜੇਲ੍ਹ ਭੇਜ ਦਿੱਤਾ ਗਿਆ ਹੈ। ਸਵੇਰੇ 11 ਵਜੇ ਪੁਲਿਸ ਨੇ ਮਧੁਕਰ ਨੂੰ ਜ਼ਿਲਾ ਹਸਪਤਾਲ ‘ਚ ਮੈਡੀਕਲ ਭਰਤੀ ਕਰਵਾਇਆ। ਜਦੋਂ ਉਹ ਬਾਹਰ ਆਇਆ ਤਾਂ ਉਸ ਦਾ ਮੂੰਹ ਕੱਪੜੇ ਨਾਲ ਬੰਨ੍ਹਿਆ ਹੋਇਆ ਸੀ। ਮੀਡੀਆ ਕਰਮੀਆਂ ਨੇ ਉਨ੍ਹਾਂ ਨੂੰ ਕਈ ਸਵਾਲ ਪੁੱਛੇ ਪਰ ਦੇਵ ਪ੍ਰਕਾਸ਼ ਮਧੁਕਰ ਨੇ ਕੋਈ ਜਵਾਬ ਨਹੀਂ ਦਿੱਤਾ। ਦੇਵ ਪ੍ਰਕਾਸ਼ ਨੂੰ ਸ਼ੁੱਕਰਵਾਰ ਰਾਤ ਦਿੱਲੀ ਦੇ ਨਜਫਗੜ੍ਹ ਤੋਂ ਗ੍ਰਿਫਤਾਰ ਕੀਤਾ ਗਿਆ ਸੀ।
ਇਹ ਵੀ ਪੜ੍ਹੋ: ਗੁਰਦਾਸਪੁਰ- ਖੇਤ ‘ਚੋਂ ਬਰਾਮਦ ਹੋਈ ਨਸ਼ੇ ਦੀ ਵੱਡੀ ਖੇਪ, ਖੇਤ ਮਾਲਕ ਨੇ ਬੀਐੱਸਐੱਫ ਨੂੰ ਕੀਤਾ ਸੂਚਿਤ
ਐਸਪੀ ਨਿਪੁਨ ਅਗਰਵਾਲ ਨੇ ਕਿਹਾ- ਮਧੁਕਰ ਫੰਡ ਇਕੱਠਾ ਕਰਦਾ ਸੀ। ਕੁਝ ਸਮਾਂ ਪਹਿਲਾਂ ਸਿਆਸੀ ਪਾਰਟੀਆਂ ਨੇ ਉਸ ਨਾਲ ਸੰਪਰਕ ਕੀਤਾ ਸੀ। ਹੁਣ ਇਸ ਗੱਲ ਦੀ ਜਾਂਚ ਕੀਤੀ ਜਾਵੇਗੀ ਕਿ ਪਾਰਟੀਆਂ ਨੇ ਕੋਈ ਫੰਡਿੰਗ ਕੀਤੀ ਸੀ ਜਾਂ ਨਹੀਂ। ਦੂਜੇ ਪਾਸੇ ਬਿਹਾਰ ਦੇ ਪਟਨਾ ‘ਚ ਹੋਏ ਹਾਦਸੇ ਨੂੰ ਲੈ ਕੇ ਭਾਜਪਾ ਦੇ ਇਕ ਨੇਤਾ ਨੇ ਭੋਲੇ ਬਾਬਾ ‘ਤੇ ਮਾਮਲਾ ਦਰਜ ਕਰਵਾਇਆ ਹੈ।
ਭੋਲੇ ਬਾਬਾ ਹਾਦਸੇ ਤੋਂ ਬਾਅਦ ਪਹਿਲੀ ਵਾਰ ਆਇਆ ਸਾਹਮਣੇ
ਭੋਲੇ ਬਾਬਾ ਸ਼ਨੀਵਾਰ ਸਵੇਰੇ ਹਾਦਸੇ ਤੋਂ ਬਾਅਦ ਪਹਿਲੀ ਵਾਰ ਸਾਹਮਣੇ ਆਇਆ। ਨਿਊਜ਼ ਏਜੰਸੀ ਨਾਲ ਗੱਲ ਕਰਦਿਆਂ ਉਨ੍ਹਾਂ ਕਿਹਾ- 2 ਜੁਲਾਈ ਦੀ ਭਗਦੜ ਦੀ ਘਟਨਾ ਤੋਂ ਅਸੀਂ ਬਹੁਤ ਦੁਖੀ ਹਾਂ। ਸਾਨੂੰ ਭਰੋਸਾ ਹੈ ਕਿ ਸ਼ਰਾਰਤੀ ਅਨਸਰਾਂ ਨੂੰ ਬਖਸ਼ਿਆ ਨਹੀਂ ਜਾਵੇਗਾ।
