ਤਿਰੂਵਨੰਤਪੁਰਮ, 21 ਅਪ੍ਰੈਲ 2026 : ਭਾਰਤ ਦੇਸ਼ ਦੇੇ ਸੂਬੇ ਕੇਰਲ (Kerala) ਵਿਖੇ ਭਾਜਪਾ ਤੇ ਮਾਰਕਸੀ ਵਰਕਰਾਂ ਵਿਚਕਾਰ ਕਿਸੇ ਮਾਮਲੇ ਨੂੰ ਲੈ ਕੇ ਝੜੱਪ (Clashes) ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ ।
ਕੀ ਹੈ ਪੂਰਾ ਮਾਮਲਾ
ਕੇਰਲ ਦੇ ਨੇਟਯਮ ‘ਚ 2 ਰਿਸ਼ਤੇਦਾਰਾਂ ਦਰਮਿਆਨ ਜਾਇਦਾਦ ਦੇ ਵਿਵਾਦ ਨੂੰ ਲੈ ਕੇ ਭਾਜਪਾ ਤੇ ਮਾਰਕਸੀ ਵਰਕਰਾਂ ਦਰਮਿਆਨ ਝੜਪ ਹੋ ਗਈ । ਅਧਿਕਾਰੀਆਂ ਨੇ ਸੋਮਵਾਰ ਦੱਸਿਆ ਕਿ ਇਹ ਝੜਪ ਐਤਵਾਰ ਰਾਤ ਨੇਟਯਮ ਦੇ ਮਾਲਾਮੁਕਲ ‘ਚ ਹੋਈ । ਇਸ ਸਬੰਧੀ ਭਾਜਪਾ ਤੇ ਮਾਰਕਸੀ ਪਾਰਟੀ ਦੇ 94 ਵਰਕਰਾਂ ਵਿਰੁੱਧ ਮਾਮਲਾ ਦਰਜ (Case registered) ਕੀਤਾ ਗਿਆ ਹੈ ।
ਕੀ ਆਖਿਆ ਗਿਆ ਹੈ ਐਫ. ਆਈ. ਆਰ. ਵਿਚ
ਐੱਫ. ਆਈ. ਆਰ. ‘ਚ ਕਿਹਾ ਗਿਆ ਹੈ ਕਿ ਝੜਪ ਦੀ ਸੂਚਨਾ ਮਿਲਣ ਤੋਂ ਬਾਅਦ ਪੁਲਸ ਦੀ ਇਕ ਟੀਮ ਰਾਤ 8:30 ਵਜੇ ਮਾਲਾਮੁਕਲ ‘ਚ ਸੇਂਟ ਸੇਬੇਸਟੀਅਨ ਚਰਚ ਨੇੜੇ ਪਹੁੰਚੀ । ਇਹ ਘਟਨਾ 2 ਰਿਸ਼ਤੇਦਾਰ ਜਿਨ੍ਹਾਂ ‘ਚੋਂ ਇਕ ਭਾਜਪਾ ਵਰਕਰ ਤੇ ਦੂਜਾ ਮਾਰਕਸੀ ਹਮਾਇਤੀ ਹੈ, ਦਰਮਿਆਨ ਜ਼ਮੀਨੀ ਵਿਵਾਦ (Land dispute) ਕਾਰਨ ਹੋਈ । ਦੋਹਾਂ ਧਿਰਾਂ ਨੇ ਇਕ-ਦੂਜੇ ਵਿਰੁੱਧ ਸ਼ਿਕਾਇਤਾਂ ਤੇ ਜਵਾਬੀ ਸ਼ਿਕਾਇਤਾਂ ਦਰਜ ਕਰਵਾਈਆਂ ਹੋਈਆਂ ਹਨ ।
