ਨਵੀਂ ਦਿੱਲੀ, 6 ਦਸੰਬਰ 2025 : ਸਰਕਾਰ ਨੇ ਸੰਸਦ ਨੂੰ ਦੱਸਿਆ ਕਿ ਭਾਰਤ `ਚ ਸੜਕ ਹਾਦਸਿਆਂ (Road accidents) `ਚ ਮਰਨ ਵਾਲਿਆਂ ਦੀ ਗਿਣਤੀ 2024 `ਚ 2.3 ਫ਼ੀਸਦੀ ਵਧ ਕੇ 1.77 ਲੱਖ ਤੋਂ ਵੱਧ ਹੋ ਗਈ, ਜਿਸ ਦਾ ਮਤਲਬ ਹੈ ਕਿ ਹਰ ਦਿਨ 485 ਲੋਕਾਂ ਦੀ ਮੌਤ (485 people die every day) ਸੜਕ ਹਾਦਸਿਆਂ `ਚ ਹੋਈ ।
ਕੀ ਆਖਿਆ ਕੇਂਦਰੀ ਸੜਕ ਟ੍ਰਾਂਸਪੋਰਟ ਅਤੇ ਰਾਜਮਾਰਗ ਮੰਤਰੀ ਨਿਤਿਨ ਗਡਕਰੀ ਨੇ
ਕੇਂਦਰੀ ਸੜਕ ਟ੍ਰਾਂਸਪੋਰਟ ਅਤੇ ਰਾਜਮਾਰਗ ਮੰਤਰੀ (Union Minister for Road Transport and Highways) ਨਿਤਿਨ ਗਡਕਰੀ ਨੇ ਲੋਕ ਸਭਾ `ਚ ਇਕ ਸਵਾਲ ਦੇ ਲਿਖਤੀ ਜਵਾਬ `ਚ ਇਹ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਫਰਵਰੀ 2020 `ਚ ਸੜਕ ਸੁਰੱਖਿਆ `ਤੇ ਤੀਸਰੇ ਗਲੋਬਲ ਮੰਤਰੀ ਪੱਧਰੀ ਸੰਮੇਲਨ `ਚ ਅਪਣਾਏ ਗਏ `ਸੜਕ ਸੁਰੱਖਿਆ `ਤੇ ਸਟਾਕਹੋਮ ਐਲਾਨ-ਪੱਤਰ` `ਚ 2030 ਤੱਕ ਸੜਕ ਹਾਦਸਿਆਂ ਵਿਚ ਹੋਣ ਵਾਲੀਆਂ ਮੌਤਾਂ ਅਤੇ ਜ਼ਖਮੀਆਂ ਦੀ ਗਿਣਤੀ ਨੂੰ 50 ਫ਼ੀਸਦੀ ਤੱਕ ਘੱਟ ਕਰਨ ਦਾ ਇਕ ਨਵਾਂ ਗਲੋਬਲ ਟੀਚਾ ਰੱਖਿਆ ਗਿਆ ਹੈ । ਨਿਤਿਨ ਗਡਕਰੀ (Nitin Gadkari) ਨੇ ਕਿਹਾ ਕਿ `ਵਰਲਡ ਰੋਡ ਸਟੈਟਿਸਟਿਕਸ 2024` ਅਨੁਸਾਰ ਚੀਨ ਵਿਚ ਪ੍ਰਤੀ ਲੱਖ ਆਬਾਦੀ `ਤੇ ਸੜਕ ਹਾਦਸਿਆਂ `ਚ ਮੌਤ ਦੀ ਦਰ 4.3 ਅਤੇ ਅਮਰੀਕਾ `ਚ 12.76 ਹੈ, ਜਦੋਂ ਕਿ ਭਾਰਤ `ਚ ਇਹ ਅੰਕੜਾ 11.89 ਹੈ ।
Read More : ਕੇਂਦਰੀ ਮੰਤਰੀ ਨਿਤਿਨ ਗਡਕਰੀ ਨੇ ਪੰਜਾਬ ‘ਚ ਕਈ ਵੱਡੇ ਪ੍ਰੋਜੈਕਟਾਂ ਦਾ ਕੀਤਾ ਐਲਾਨ
