ਤੂਫਾਨ ਕਾਰਨ ਹੋਇਆ ਬਲੈਕਆਊਟ, 150 ਤੋਂ ਵੱਧ ਖੰਭੇ ਤੇ ਦਰੱਖਤ ਟੁੱਟਣ ਦਾ ਅਨੁਮਾਨ
ਹਰਿਆਣਾ ‘ਚ ਤੂਫਾਨ ਨੇ ਤਬਾਹੀ ਮਚਾਈ ਹੋਈ ਹੈ। ਦੇਰ ਰਾਤ ਆਏ ਤੂਫਾਨ ਕਾਰਨ ਹਿਸਾਰ ‘ਚ ਬਲੈਕਆਊਟ ਹੋ ਗਿਆ ਹੈ। ਸਵੇਰ ਤੱਕ ਬਿਜਲੀ ਸਪਲਾਈ ਬਹਾਲ ਨਾ ਹੋਣ ਕਾਰਨ ਪ੍ਰੇਸ਼ਾਨ ਲੋਕਾਂ ਨੇ ਸੋਸ਼ਲ ਮੀਡੀਆ ‘ਤੇ ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੂੰ ਸ਼ਿਕਾਇਤ ਕਰਨੀ ਸ਼ੁਰੂ ਕਰ ਦਿੱਤੀ ਹੈ। ਲੋਕਾਂ ਦਾ ਦੋਸ਼ ਹੈ ਕਿ ਬਿਜਲੀ ਨਿਗਮ ਜਾਣਬੁੱਝ ਕੇ ਬਿਜਲੀ ਕੱਟਦਾ ਹੈ।
ਇਹ ਵੀ ਪੜ੍ਹੋ: ਕੰਗਨਾ ਰਣੌਤ ਘਟਨਾ: ਕੁਲਵਿੰਦਰ ਕੌਰ ਦੇ ਹੱਕ ‘ਚ ਖੜ੍ਹ ਗਏ ਕਿਸਾਨ ਆਗੂ ਡੱਲੇਵਾਲ
ਇੱਥੇ ਤੂਫਾਨ ਕਾਰਨ 150 ਤੋਂ ਵੱਧ ਬਿਜਲੀ ਦੇ ਖੰਭੇ ਅਤੇ ਦਰੱਖਤ ਟੁੱਟਣ ਦਾ ਅਨੁਮਾਨ ਹੈ। ਦੱਸ ਦੇਈਏ ਕਿ ਜ਼ਿਲ੍ਹੇ ਵਿੱਚ ਕਰੀਬ ਚਾਰ ਲੱਖ ਬਿਜਲੀ ਖਪਤਕਾਰ ਦੋ ਦਿਨਾਂ ਤੋਂ ਪ੍ਰੇਸ਼ਾਨ ਹਨ। ਝੱਖੜ ਕਾਰਨ ਸ਼ਹਿਰ ਦੀਆਂ ਮੁੱਖ ਸੜਕਾਂ ਦੇ ਨਾਲ-ਨਾਲ ਪੇਂਡੂ ਸੜਕਾਂ ’ਤੇ ਵੀ ਦਰੱਖਤ ਡਿੱਗ ਪਏ। ਅਰਬਨ ਅਸਟੇਟ, ਸਾਊਥ ਬਾਈਪਾਸ, ਆਰੀਆਨਗਰ ਤੋਂ ਲੁਦਾਸ ਰੋਡ, ਸਿਵਾਨੀ, ਇੰਡਸਟਰੀਅਲ ਏਰੀਆ ਸਮੇਤ ਜ਼ਿਲ੍ਹੇ ਵਿੱਚ ਕਈ ਥਾਵਾਂ ’ਤੇ ਸੜਕਾਂ ਬੰਦ ਰਹੀਆਂ।
ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਹਵਾਵਾਂ ਚੱਲਣ ਦੀ ਭਵਿੱਖਬਾਣੀ
ਕਈ ਥਾਵਾਂ ‘ਤੇ ਲੋਕਾਂ ਨੇ ਖੁਦ ਹੀ ਦਰੱਖਤ ਚੁੱਕ ਕੇ ਰਸਤੇ ਖੋਲ੍ਹ ਦਿੱਤੇ। ਹਰਿਆਣਾ ਖੇਤੀਬਾੜੀ ਮੌਸਮ ਵਿਭਾਗ ਨੇ 50 ਤੋਂ 60 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਹਵਾਵਾਂ ਚੱਲਣ ਦੀ ਭਵਿੱਖਬਾਣੀ ਕੀਤੀ ਸੀ। ਰਾਜਸਥਾਨ ਤੋਂ ਆ ਰਹੀਆਂ ਤੇਜ਼ ਹਵਾਵਾਂ ਆਪਣੇ ਨਾਲ ਧੂੜ ਦੇ ਬੱਦਲ ਲੈ ਕੇ ਆਈਆਂ। ਮੌਸਮ ਵਿਗਿਆਨੀ ਡਾ: ਮਦਨ ਖਿਚੜ ਨੇ ਦੱਸਿਆ ਕਿ ਅੱਜ ਵੀ ਧੂੜ ਭਰੀ ਹਨੇਰੀ ਆਉਣ ਦੀ ਸੰਭਾਵਨਾ ਹੈ | ਪਰ ਇਸ ਤੋਂ ਬਾਅਦ ਸ਼ਨੀਵਾਰ ਦੁਪਹਿਰ ਤੋਂ ਬਾਅਦ ਪੱਛਮੀ ਗੜਬੜੀ ਦਾ ਪ੍ਰਭਾਵ ਖਤਮ ਹੋ ਜਾਵੇਗਾ।
ਦੱਸ ਦੇਈਏ ਕਿ ਹਿਸਾਰ ਵਿਚ ਬੁੱਧਵਾਰ ਰਾਤ ਨੂੰ ਆਏ ਤੂਫਾਨ ਵਿਚ 77 ਬਿਜਲੀ ਦੇ ਖੰਭੇ ਅਤੇ 11 ਟਰਾਂਸਫਾਰਮਰ ਨੁਕਸਾਨੇ ਗਏ ਸਨ। ਇਸ ਕਾਰਨ ਬਿਜਲੀ ਨਿਗਮ ਦੇ ਕਰਮਚਾਰੀ ਰਾਤ ਤੋਂ ਹੀ ਬਿਜਲੀ ਬਹਾਲ ਕਰਨ ਦੀ ਕੋਸ਼ਿਸ਼ ਕਰਦੇ ਰਹੇ। ਇਸ ਦੇ ਨਾਲ ਹੀ ਸਵੇਰੇ ਹਲਕੀ ਬਾਰਿਸ਼ ਹੋਣ ਨਾਲ ਲੋਕਾਂ ਨੂੰ ਗਰਮੀ ਤੋਂ ਕੁਝ ਰਾਹਤ ਮਿਲੀ।
ਹਨੇਰੀ ਕਾਰਨ ਹੋਇਆ ਕਾਫੀ ਨੁਕਸਾਨ
ਬਿਜਲੀ ਨਿਗਮ ਦੀਆਂ ਟੀਮਾਂ ਸਵੇਰੇ ਖੇਤਾਂ ਵਿੱਚ ਦਾਖ਼ਲ ਹੋਈਆਂ ਅਤੇ ਦੁਪਹਿਰ ਤੱਕ ਤੂਫ਼ਾਨ ਕਾਰਨ ਹੋਏ ਨੁਕਸਾਨ ਦਾ ਜਾਇਜ਼ਾ ਲੈਣ ਵਿੱਚ ਰੁੱਝੀਆਂ ਰਹੀਆਂ। ਬਿਜਲੀ ਨਿਗਮ ਵੱਲੋਂ ਦੁਪਹਿਰ ਬਾਅਦ ਇੱਕ ਰਿਪੋਰਟ ਜਾਰੀ ਕੀਤੀ ਗਈ ਹੈ ਜਿਸ ਵਿੱਚ ਦੱਸਿਆ ਗਿਆ ਹੈ ਕਿ ਹਨੇਰੀ ਕਾਰਨ ਕਾਫੀ ਨੁਕਸਾਨ ਹੋਇਆ ਹੈ। ਕਈ ਥਾਵਾਂ ‘ਤੇ ਅਜੇ ਵੀ ਬਿਜਲੀ ਸਪਲਾਈ ਬਹਾਲ ਨਹੀਂ ਹੋ ਸਕੀ ਹੈ। ਇਸ ਦੇ ਨਾਲ ਹੀ ਖਰਾਬ ਹੋਏ ਟਰਾਂਸਫਾਰਮਰਾਂ ਨੂੰ ਬਦਲਣ ਦਾ ਕੰਮ ਵੀ ਚੱਲ ਰਿਹਾ ਹੈ।