ਐਲਨ ਮਸਕ X ‘ਚ ਕਰਨ ਜਾ ਰਹੇ ਇਹ ਵੱਡਾ ਬਦਲਾਅ || latest News
ਕੁਝ ਹੀ ਦਿਨ ਪਹਿਲਾਂ ਜਿੱਥੇ X ਦੇ ਡੋਮੇਨ ਨੇਮ ‘ਚ ਬਦਲਾਅ ਕੀਤਾ ਗਿਆ ਹੈ ਜੋ ਕਿ X.com ਕਰ ਦਿੱਤਾ ਗਿਆ ਹੈ | ਉੱਥੇ ਹੀ ਹੁਣ ਐਕਸ ਦੇ ਮਾਲਕ ਐਲਨ ਮਸਕ ਆਪਣੇ ਪਲੇਟਫਾਰਮ ‘ਚ ਇਕ ਹੋਰ ਵੱਡਾ ਬਦਲਾਅ ਕਰਨ ਜਾ ਰਹੇ ਹਨ। X ਦੀ ਕਿਸੇ ਵੀ ਪੋਸਟ ‘ਤੇ ਲਾਈਕਸ ਅਤੇ ਵਿਊਜ਼ ਦੀ ਜੋ ਗਿਣਤੀ ਦੇਖਣ ਨੂੰ ਮਿਲਦੀ ਹੈ ਉਹ ਜਲਦੀ ਹੀ ਬੰਦ ਹੋਣ ਵਾਲੀ ਹੈ। ਦੱਸ ਦਈਏ ਕਿ ਕੰਪਨੀ ਵੱਲੋਂ ਵੀ ਇਸ ਬਦਲਾਅ ਦੀ ਪੁਸ਼ਟੀ ਕੀਤੀ ਗਈ ਹੈ। ਜਿਸਦੇ ਤਹਿਤ ਜਲਦੀ ਹੀ ਤੁਹਾਨੂੰ X ‘ਤੇ ਲਾਈਕਸ ਦਿਖਾਈ ਦੇਣੀਆਂ ਬੰਦ ਹੋ ਜਾਣਗੀਆਂ |
X ਲਾਈਕਸ ਨੂੰ ਕਰਨ ਜਾ ਰਿਹਾ ਪ੍ਰਾਈਵੇਟ
ਇਸ ਫੀਚਰ ਬਾਰੇ ਐਕਸ ਇੰਜੀਨੀਅਰਿੰਗ ਦੇ ਡਾਇਰੈਕਟਰ ਹਾਓਫੀ ਵੈਂਗ ਨੇ ਜਾਣਕਾਰੀ ਦਿੱਤੀ ਹੈ। ਅਸਲ ਵਿੱਚ X ਲਾਈਕਸ ਨੂੰ ਪ੍ਰਾਈਵੇਟ ਕਰਨ ਜਾ ਰਿਹਾ ਹੈ। ਦਰਅਸਲ , ਲਾਈਕਸ ਨੂੰ ਹਟਾਉਣ ਦਾ ਮਤਲਬ ਹੈ ਕਿ ਉਸ ਯੂਜ਼ਰ ਤੋਂ ਇਲਾਵਾ ਹੋਰ ਕਿਸੇ ਨੂੰ ਨਹੀਂ ਪਤਾ ਹੋਵੇਗਾ ਕਿ ਕਿਸੇ ਪੋਸਟ ਨੂੰ ਕਿੰਨੇ ਲੋਕਾਂ ਨੇ ਪਸੰਦ ਕੀਤਾ ਹੈ।
ਇਹ ਵੀ ਪੜ੍ਹੋ :ਪੰਜਾਬ ‘ਚ ਵਿਜੀਲੈਂਸ ਦਾ ਵੱਡਾ ਐਕਸ਼ਨ , ਤੜਕਸਾਰ ਹੀ ਮੇਅਰ ਸਣੇ ਸ਼ਰਾਬ ਕਾਰੋਬਾਰੀਆਂ ਦੇ ਘਰ ਮਾਰਿਆ ਛਾਪਾ
X ਦਾ ਇਹ ਬਦਲਾਅ ਬਿਲਕੁਲ ਯੂ-ਟਿਊਬ ਵਾਂਗ ਹੀ ਹੋਵੇਗਾ। ਯੂਟਿਊਬ ਯੂਜ਼ਰ ਲਾਈਕਸ ਨੂੰ ਨਿੱਜੀ ਬਣਾ ਸਕਦੇ ਹਨ, ਹਾਲਾਂਕਿ X ਵਿੱਚ ਇਹ ਬਦਲਾਅ ਕਦੋਂ ਹੋਵੇਗਾ ਇਸ ਬਾਰੇ ਫਿਲਹਾਲ ਕੋਈ ਜਾਣਕਾਰੀ ਨਹੀਂ ਹੈ। ਫਿਲਹਾਲ ਯੂਜ਼ਰਸ ਕੋਲ ਲਾਈਕਸ ਲੁਕਾਉਣ ਦਾ ਕੋਈ ਵਿਕਲਪ ਨਹੀਂ ਹੈ।
