ਕਾਨਪੁਰ, 17 ਸਤੰਬਰ 2026 : ਭਾਰਤ ਦੇਸ਼ ਦੇ ਸੂਬੇ ਉਤਰ ਪ੍ਰਦੇਸ਼ (Uttar Pradesh) ਦੇ ਮਹਾਰਾਜਪੁਰ ਵਿਖੇ ਤਿੰਨ ਬੱਚਿਆਂ ਦੀ ਮਾਂ ਦਿੱਲੀ ਨਿਵਾਸੀ ਇਕ ਲੜਕੀ ਨਾਲ ਪੇਕੇ ਘਰ ਤੋਂ ਫਰਾਰ ਹੋ ਗਈ ਹੈ ।
ਕੀ ਹੈ ਪੂਰਾ ਮਾਮਲਾ
ਮਿਲੀ ਜਾਣਕਾਰੀ ਅਨੁਸਾਰ ਮਹਾਰਾਜਪੁਰ (Maharajpur) ਵਿਖੇ ਰਹਿੰਦੀ ਤਿੰਨ ਬੱਚਿਆਂ ਦੀ ਮਾਂ ਜੋ ਕਿ ਦਿੱਲੀ ਦੀ ਰਹਿਣ ਵਾਲੀ ਇਕ ਲੜਕੀ ਨਾਲ ਸਹੁਰੇ ਘਰ ਤੋਂ ਪੇਕੇੇ ਘਰ ਜਾਣ ਤੋਂ ਬਾਅਦ ਫਰਾਰ ਹੋ ਗਈ ਹੈ ਦਾ ਘਟਨਾਕ੍ਰਮ ਸਾਹਮਣੇ ਆਇਆ ਹੈ ਵਾਲੇ ਮਾਮਲੇ ਵਿਚ ਪੁਲਸ ਨੇ ਦੋਹਾਂ ਮਹਿਲਾਵਾਂ ਅਤੇ ਇਕ ਨੌਜਵਾਨ ਨੂੰ ਪਕੜ ਲਿਆ ਹੈ । ਦੱਸਣਯੋਗ ਹੈ ਕਿ ਹੁਣ ਤੱਕ ਦੀ ਜਾਂਚ ਵਿਚ ਉਕਤ ਮਾਮਲਾ ਸਮਲਿੰਗੀ ਸਬੰਧਾਂ (Same-sex relationships) ਦਾ ਹੋਣ ਬਾਰੇ ਸਾਹਮਣੇ ਆਇਆ ਹੈ ।
ਪਰਿਵਾਰਕ ਮੈਂਬਰਾਂ ਨੇ ਕਰਵਾਈ ਸੀ ਪੁਲਸ ਵਿਚ ਸਿਕਾਇਤ ਦਰਜ
ਉਕਤ ਮਹਿਲਾ ਦੇ ਇਸ ਤਰ੍ਹਾਂ ਘਰ ਤੋਂ ਗਾਇਬ ਹੋ ਜਾਣ ‘ਤੇ ਦਰਜ ਕਰਵਾਈ ਗਈ ਸਿਕਾਇਤ ਤੋਂ ਬਾਅਦ ਸੂਚਨਾ ਦੇ ਆਧਾਰ ‘ਤੇ ਕਾਰਵਾਈ ਕੀਤੀ ਤਾਂ ਮਹਿਲਾ ਪਨਕੀ ਵਿਖੇ ਇਕ ਹੋਰ ਮਹਿਲਾ ਨਾਲ ਰਹਿੰਦੀ ਪਾਈ ਗਈ ਹੈ । ਪੁਲਸ ਵਲੋਂ ਜਦੋਂ ਮਹਿਲਾ ਨੂੰ ਇਸ ਤਰ੍ਹਾਂ ਘਰ ਛੱਡ ਕੇ ਵੱਖ ਰਹਿਣ ਬਾਰੇ ਪੁੱਛਿਆ ਗਿਆ ਤਾਂ ਉਸਨੇ ਕੋਈ ਜਵਾਬ ਨਾ ਦਿੰਦਿਆਂ ਵਾਪਸ ਘਰ ਜਾਣ ਤੋਂ ਇਨਕਾਰ ਕਰਦਿਆਂ ਲੜਕੀ ਨਾਲ ਹੀ ਰਹਿਣ ਦੀ ਇੱਛਾ ਜਾਹਰ ਕੀਤੀ । ਦੱਸਣਯੋਗ ਹੈ ਕਿ ਆਪਣਾ ਘਰ ਪਰਿਵਾਰ ਛੱਡ ਕੇ ਇਕ ਲੜਕੀ ਨਾਲ ਰਹਿਣ ਵਾਲੀ ਮਹਿਲਾ ਦੇ ਦੋ ਪੁੱਤਰ ਅਤੇ ਇਕ ਧੀ ਹੈ ।
ਕਿਵੇਂ ਸੰਪਰਕ ਵਿਚ ਆਈਆਂ ਸਨ ਦੋਵੇਂ ਮਹਿਲਾਵਾਂ
ਉਕਤ ਸਮਲਿੰਗੀ ਸਬੰਧਾਂ ਵਾਲੇ ਮਾਮਲੇ ਦੀ ਜੇਕਰ ਗੱਲ ਕੀਤੀ ਜਾਵੇ ਤਾਂ ਪਤਾ ਚੱਲਿਆ ਹੈ ਕਿ ਦੋਹਾਂ ਮਹਿਲਾਵਾਂ ਦੀ ਦੋਸਤੀ ਇਕ ਕੁ ਸਾਲ ਪਹਿਲਾਂ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਮ ‘ਤੇ ਹੋਈ ਸੀ ਅਤੇ ਇਸ ਤੋਂ ਬਾਅਦ ਦੋਹਾਂ ਵਿਚ ਗੱਲਬਾਤ ਹੁੰਦੇ-ਹੁੰਦੇ ਪਿਆਰ ਇੰਨਾਂ ਵਧ ਗਿਆ ਕਿ ਦੋਹਾਂ ਨੇ ਵਿਆਹ ਕਰਵਾ ਕੇ ਇਕ ਦੂਸਰੇ ਨਾਲ ਹੀ ਰਹਿਣ ਦਾ ਮਨ ਬਣਾ ਲਿਆ ।
