ਨੇਪਾਲ ‘ਚ ਭੂਚਾਲ ਆਉਣ ਦੀ ਖਬਰ ਸਾਹਮਣੇ ਆਈ ਹੈ। ਨੇਪਾਲ ‘ਚ ਮੰਗਲਵਾਰ ਦੇਰ ਰਾਤ 6.3 ਤੀਬਰਤਾ ਦਾ ਭੂਚਾਲ ਆਇਆ। ਜਿਸ ਦੇ ਝਟਕੇ ਰਾਜਧਾਨੀ ਦਿੱਲੀ ਸਮੇਤ ਪੂਰੇ ਉੱਤਰ ਭਾਰਤ ਵਿੱਚ ਮਹਿਸੂਸ ਕੀਤੇ ਗਏ। ਨੈਸ਼ਨਲ ਸੈਂਟਰ ਫਾਰ ਸਿਸਮੋਲੋਜੀ ਮੁਤਾਬਕ ਭੂਚਾਲ ਰਾਤ ਕਰੀਬ 1:57 ਮਿੰਟ ‘ਤੇ ਆਇਆ। ਭੂਚਾਲ ਦਾ ਕੇਂਦਰ ਮਨੀਪੁਰ, ਨੇਪਾਲ ਵਿੱਚ ਸਥਿਤ ਸੀ। ਇਸ ਦੀ ਡੂੰਘਾਈ ਜ਼ਮੀਨ ਤੋਂ 10 ਕਿਲੋਮੀਟਰ ਹੇਠਾਂ ਸੀ। ਨੇਪਾਲ ‘ਚ ਡੇਢ ਘੰਟੇ ‘ਚ ਭੂਚਾਲ ਦੇ ਦੋ ਝਟਕੇ ਮਹਿਸੂਸ ਕੀਤੇ ਗਏ।
ਦੇਰ ਰਾਤ 1.57 ਮਿੰਟ ਤੋਂ ਬਾਅਦ 3:15 ਮਿੰਟ ‘ਤੇ ਭੂਚਾਲ ਦੇ ਝਟਕੇ ਦਰਜ ਕੀਤੇ ਗਏ। ਇਸ ਦੀ ਤੀਬਰਤਾ 3.6 ਸੀ। ਨੈਸ਼ਨਲ ਸੈਂਟਰ ਫਾਰ ਸਿਸਮੋਲੋਜੀ ਮੁਤਾਬਕ 8 ਨਵੰਬਰ ਦੀ ਰਾਤ 9 ਵਜੇ ਵੀ ਨੇਪਾਲ ‘ਚ ਭੂਚਾਲ ਆਇਆ। ਤੀਬਰਤਾ 4.9 ਸੀ। 8 ਨਵੰਬਰ ਨੂੰ ਦਿਨ ਦੇ ਕਰੀਬ 12 ਵਜੇ ਮਿਜ਼ੋਰਮ ਵਿੱਚ ਵੀ ਭੂਚਾਲ ਆਇਆ। ਇੱਥੇ ਤੀਬਰਤਾ 4.4 ਸੀ। ਨੇਪਾਲ ਪੁਲਿਸ ਮੁਤਾਬਕ ਰਾਤ 2 ਵਜੇ ਭੂਚਾਲ ਕਾਰਨ ਦੋਤੀ ਜ਼ਿਲ੍ਹੇ ‘ਚ ਇਕ ਘਰ ਡਿੱਗਣ ਕਾਰਨ 6 ਲੋਕਾਂ ਦੀ ਮੌਤ ਹੋ ਗਈ ਤੇ 5 ਜ਼ਖਮੀ ਹੋ ਗਏ। ਨੇਪਾਲ ਦੀ ਫੌਜ ਨੂੰ ਭੂਚਾਲ ਪ੍ਰਭਾਵਿਤ ਇਲਾਕਿਆਂ ‘ਚ ਖੋਜ ਅਤੇ ਬਚਾਅ ਕਾਰਜ ਲਈ ਭੇਜਿਆ ਗਿਆ ਹੈ।
