ਪਨਬਸ ਠੇਕਾ ਮੁਲਾਜ਼ਮਾਂ ਦੀ ਹੜਤਾਲ ਜਾਰੀ ਹੈ। ਪਨਬਸ ਦੇ ਠੇਕਾ ਮੁਲਾਜ਼ਮਾਂ ਦੀ ਹੜਤਾਲ ਕਾਰਨ ਇਸਦੀਆਂ 1800 ਬੱਸਾਂ ਸੋਮਵਾਰ ਤੱਕ ਸੜਕਾਂ ’ਤੇ ਨਹੀਂ ਦੌੜਨਗੀਆਂ। ਪਨਬੱਸ ਦੀਆਂ ਬੱਸਾਂ ਭਾਵੇਂ ਸਾਰੇ ਸੂਬੇ ਵਿਚ ਚਲਦੀਆਂ ਹਨ ਪਰ ਮਾਲਵਾ ਦੇ ਵੱਡੇ ਹਿੱਸੇ ਤੇ ਦੋਆਬਾ ਵਿਚ ਇਸਦੀਆਂ ਬੱਸਾਂ ਜ਼ਿਆਦਾ ਚਲਦੀਆਂ ਹਨ। ਪਨਬੱਸ ਦੀ ਹੜਤਾਲ ਕਾਰਨ ਮੋਗਾ, ਲੁਧਿਆਣਾ, ਫਿਰੋਜ਼ਪੁਰ, ਜਲੰਧਰ ਆਦਿ ਇਲਾਕਿਆਂ ਵਿਚ ਸਵਾਰੀਆਂ ਨੂੰ ਸਫਰ ਵਾਸਤੇ ਖੱਜਲ ਖੁਆਰ ਹੋਣਾ ਪੈ ਰਿਹਾ ਹੈ। ਪੀ ਆਰ ਟੀ ਸੀ ਦੇ ਮੁਲਾਜ਼ਮਾਂ ਨੇ ਹੜਤਾਲ ਖਤਮ ਕਰ ਦਿੱਤੀ ਹੈ ਤੇ ਪੀ ਆਰ ਟੀ ਸੀ ਦੀਆਂ ਬੱਸਾਂ ਰੂਟੀਨ ਵਿਚ ਚਲ ਰਹੀਆਂ ਹਨ।