ਫਿਲਮ ‘ਕੁਲਚੇ ਛੋਲੇ’ ਦੋ ਨਵੇਂ ਚਿਹਰਿਆਂ ਦਿਲਰਾਜ ਗਰੇਵਾਲ ਤੇ ਜ਼ੰਨਤ ਜ਼ੁਬੇਰ ਨੂੰ ਦਰਸ਼ਕਾਂ ਸਾਹਮਣੇ ਰੁਬਰੂ ਕਰਨ ਜਾ ਰਹੀ ਹੈ। ਪੰਜਾਬੀ ਫਿਲਮ ‘ਕੁਲਚੇ ਛੋਲੇ’ ‘ਚ ਦਿਲਰਾਜ ਗਰੇਵਾਲ ਤੇ ਜ਼ੰਨਤ ਜ਼ੁਬੇਰ ਮੁੱਖ ਭੂਮਿਕਾ ‘ਚ ਨਜ਼ਰ ਅਉਣਗੇ। ਦਿਲਰਾਜ ਗਰੇਵਾਲ ਇੱਕ ਪੰਜਾਬੀ ਗਾਇਕ, ਗੀਤਕਾਰ ਅਤੇ ਸੰਗੀਤਕਾਰ ਹੈ ਜੋ ਪੰਜਾਬੀ ਸੰਗੀਤ ਇੰਡਸਟਰੀ ਨਾਲ ਜੁੜਿਆ ਹੋਇਆ ਹੈ।
ਜੰਨਤ ਜ਼ੁਬੈਰ ਦੀ ਗੱਲ ਕੀਤੀ ਜਾਵੇ ਤਾਂ ਜੰਨਤ ਜ਼ੁਬੈਰ ਮਸ਼ਹੂਰ ਟੀਵੀ ਅਦਾਕਾਰਾ ਹੈ। ਉਹ ਸਕ੍ਰੀਨ ‘ਤੇ ਆਪਣੀ ਸ਼ਾਨਦਾਰ ਅਦਾਕਾਰੀ ਲਈ ਮਸ਼ਹੂਰ ਹੈ। ਉਸ ਨੇ ਬਚਪਨ ਤੋਂ ਹੀ ਅਦਾਕਾਰੀ ਕਰਨੀ ਸ਼ੁਰੂ ਕਰ ਦਿੱਤੀ ਸੀ ਅਤੇ ਹੁਣ ਉਹ ਇੱਕ ਉਭਰਦੀ ਸਿਤਾਰਾ ਹੈ। ਉਹ ਫਿਲਮ ‘ਕੁਲਚੇ ਛੋਲੇ’ ਰਾਹੀਂ ਦਰਸ਼ਕਾਂ ਦੇ ਰੁਬਰੂ ਹੋਣਗੇ।
ਇਸਦੇ ਨਾਲ ਹੀ ਜਸਵੰਤ ਸਿੰਘ ਰਾਠੌਰ ਵੀ ਇਸ ਫਿਲਮ ‘ਚ ਨਜ਼ਰ ਆਉਣਗੇ। ਜਸਵੰਤ ਸਿੰਘ ਰਾਠੌਰ ਇੱਕ ਕਾਮੇਡੀਅਨ ਹੈ। ਉਹ ਇੱਕ ਫਿਲਮ ਅਦਾਕਾਰ ਵੀ ਹੈ ਅਤੇ ਇੱਕ ਬਹੁਤ ਹੀ ਵਧੀਆ ਮਿਮਿਕਰੀ ਕਲਾਕਾਰ ਵੀ ਹੈ।
ਇਸ ਫਿਲਮ ਦੇ ਡਾਇਰੈਕਟਰ ਦੀ ਗੱਲ ਕੀਤੀ ਜਾਵੇ ਤਾਂ SIMRANJIT SINGH HUNDAL ਇਸ ਫਿਲਮ ਦੇ ਡਾਇਰੈਕਟਰ ਹਨ। ਉਹ ਇੱਕ ਭਾਰਤੀ ਫਿਲਮ ਨਿਰਦੇਸ਼ਕ ਹਨ। ਉਨ੍ਹਾਂ ਨੇ 200 ਤੋਂ ਵੱਧ ਸੰਗੀਤ ਵੀਡੀਓਜ਼ ਸਮੇਤ ਤਿੰਨ ਫਿਲਮਾਂ ਦਾ ਨਿਰਦੇਸ਼ਨ ਕੀਤਾ ਹੈ।
ਇਸ ਫਿਲਮ ਦੇ ਪ੍ਰੋਡਿਊਸਰ ਦੀ ਗੱਲ ਕਰੀਏ ਤਾਂ ਇਸ ਫਿਲਮ ਦੇ ਪ੍ਰੋਡਿਊਸਰ ਸੁਮੀਤ ਸਿੰਘ ਹਨ।
ਦੱਸ ਦਈਏ ਕਿ ਸਾਗਾ ਸਟੂਡੀਓਜ਼ ਨੇ ਆਪਣੇ ਆਉਣ ਵਾਲੇ ਹੋਮ ਪ੍ਰੋਡਕਸ਼ਨ ‘ਕੁਲਚੇ ਛੋਲੇ’ ਦਾ ਪੋਸਟਰ ਲਾਂਚ ਕਰ ਦਿੱਤਾ ਹੈ। ਫਿਲਮ ਦੀ ਰਿਲੀਜ਼ ਡੇਟ 11 ਨਵੰਬਰ 2022 ਨੂੰ ਲਾਕ ਕਰ ਦਿੱਤੀ ਗਈ ਹੈ।
ਜਿੱਥੇ ਨਵੇਂ ਐਕਟਰਜ਼ ਨੂੰ ਫਿਲਮ ਇੰਡਸਟਰੀ ‘ਚ ਅੱਗੇ ਆਉਣ ਦਾ ਮੌਕਾ ਨਹੀਂ ਮਿਲਦਾ ਤੇ ਪ੍ਰੋਡਿਊਸਰ ਵੀ ਕਮਾਯਾਬ ਤੇ ਮਸ਼ਹੂਰ ਚਿਹਰਿਆਂ ਨਾਲ ਹੀ ਫਿਲਮਾਂ ਬਣਾਉਂਦੇ ਹਨ। ਅਜਿਹੇ ‘ਚ ਇਹਨਾਂ ਦੋ ਨਵੇ ਚਿਹਰਿਆਂ ਨੂੰ ਲਾਂਚ ਕਰਨਾ ਸਾਗਾ ਸਟੂਡੀਓ ਦੀ ਬੇਹਤਰੀਨ ਕੋਸ਼ਿਸ ਹੈ।