ਨਵੀਂ ਦਿੱਲੀ, 6 ਅਪ੍ਰੈਲ 2026 : ਭਾਰਤ ਦੇਸ਼ ਦੀ ਰਾਜਧਾਨੀ ਦਿੱਲੀ ਵਿਖੇ ਬਣੀ ਦਿੱਲੀ ਦੀ ਰਾਊਰਜ ਐਵੇਨਿਊ ਕੋਰਟ (Rours Avenue Court) ਵਲੋਂ ਮਨੀ ਲਾਂਡਰਿੰਗ ਮਾਮਲੇ ਵਿਚ ਆਪਣਾ ਫ਼ੈਸਲਾ ਰਾਖਵਾਂ (Decision reserved) ਰੱਖਿਆ ਗਿਆ ਹੈ ।
ਕਦੋਂ ਹੋਵੇਗੀ ਹੁਣ ਸੁਣਵਾਈ
ਮਿਲੀ ਜਾਣਕਾਰੀ ਅਨੁਸਾਰ ਦਿੱਲੀ ਦੀ ਰਾਊਜ਼ ਐਵੇਨਿਊ ਕੋਰਟ ਨੇ ਜੋ ਮਨੀ ਲਾਂਡਰਿੰਗ (Money laundering) ਮਾਮਲੇ ਵਿਚ ਰਾਬਰਟ ਵਢੇਰਾ (Robert Vadra) ਅਤੇ ਹੋਰਨਾਂ ਖਿਲਾਫ਼ ਈ. ਡੀ. ਦੀ ਚਾਰਜਸ਼ੀਟ ‘ਤੇ ਫ਼ੈਸਲਾ ਰਾਖਵਾਂ ਰੱਖ ਲਿਆ ਹੈ ਵਾਲੇ ਫ਼ੈਸਲੇ ਦੀ ਸੁਣਵਾਈ ਹੁਣ 15 ਅਪ੍ਰੈਲ ਨੂੰ ਹੋਵੇਗੀ। ਦੱਸਣਯੋਗ ਹੈ ਕਿ ਇਹ ਕੇਸ ਸਿ਼ਕੋਹਪੁਰ ਗੁਰੂਗ੍ਰਾਮ ਲੈਂਡ ਡੀਲ ਨਾਲ ਜੁੜਿਆ ਹੋਇਆ ਹੈ ।
ਈ. ਡੀ. ਨੇ ਕੀਤੀ ਸੀ 11 ਲੋਕਾਂ ਅਤੇ ਕੰਪਨੀਆਂ ਖਿਲਾਫ ਸਿ਼ਕਾਇਤ ਦਾਖਲ
ਇਸ ਮਾਮਲੇ ਵਿਚ ਕੋਰਟ ਨੇ ਵਢੇਰਾ ਅਤੇ ਹੋਰ ਮੁਲਜ਼ਮਾਂ ਖਿਲਾਫ਼ ਇਨਫੋਰਸਮੈਂਟ ਡਾਇਰੈਕਟੋਰੇਟ (Enforcement Directorate) (ਈ. ਡੀ.) ਵੱਲੋਂ ਦਾਖਲ ਸਿ਼ਕਾਇਤ ਦਾ ਨੋਟਿਸ ਲੈਣ ਤੋਂ ਪਹਿਲਾਂ ਦੋਵਾਂ ਧਿਰਾਂ ਦੀਆਂ ਦਲੀਲਾਂ ਸੁਣੀਆਂ ਸਨ । ਈ. ਡੀ. ਨੇ 17 ਜੁਲਾਈ 2025 ਨੂੰ 11 ਲੋਕਾਂ ਅਤੇ ਕੰਪਨੀਆਂ ਖਿ਼ਲਾਫ਼ ਸਿਕਾਇਤ ਦਾਖਲ ਕੀਤੀ ਸੀ, ਜਿਨ੍ਹਾਂ ਵਿਚ ਰਾਬਰਟ ਵਢੇਰਾ, ਉਨ੍ਹਾਂ ਦੀ ਕੰਪਨੀ ਸਕਾਈਲਾਈਟ ਹਾਸਪੀਟੈਲਿਟੀ, ਸਤਿਆਨੰਦ ਯਾਦਵ ਤੇ ਕੇਵਲ ਸਿੰਘ ਵਿਰਕ ਸ਼ਾਮਲ ਹਨ ।
