ਨਵੀਂ ਦਿੱਲੀ, 26 ਫਰਵਰੀ 2026 : ਭਾਰਤ ਦੇਸ਼ ਦੇ ਦਿੱਲੀ (Delhi) ਵਿਖੇ ਬਣੇ ਹਵਾਈ ਅੱਡੇ ਅੱਜ ਦੋ ਭਾਰਤੀ ਯਾਤਰੀਆਂ (Indian tourists) ਨੂੰ ਜੋ ਕਿ ਕਾਬੀ ਤੋਂ ਆਏ ਸਨ ਨੂੰ ਗ੍ਰਿਫ਼ਤਾਰ (Arrested) ਕੀਤੇ ਜਾਣ ਬਾਰੇ ਸਮਾਚਾਰ ਪ੍ਰਾਪਤ ਹੋਇਆ ਹੈ ।
ਕੀ ਬਰਾਮਦ ਹੋਇਆ ਹੈ ਯਾਤਰੀਆਂ ਕੋਲੋਂ
ਮਿਲੀ ਜਾਣਕਾਰੀ ਅਨੁਸਾਰ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ (Indira Gandhi International Airport) (ਨਵੀਂ ਦਿੱਲੀ) ’ਤੇ ਕਸਟਮ ਅਧਿਕਾਰੀਆਂ (Customs officers) ਨੇ ਦੋ ਭਾਰਤੀ ਯਾਤਰੀਆਂ ਤੋਂ 23.936 ਕਿਲੋਗ੍ਰਾਮ ਹਰੇ ਰੰਗ ਦਾ ਨਸ਼ੀਲਾ ਪਦਾਰਥ (Drug) ਜੋ ਕਿ ਗਾਂਜਾ/ਮਰੀਜੁਆਨਾ ਹੋਣ ਦਾ ਸ਼ੱਕ ਹੈ ਜ਼ਬਤ ਕੀਤਾ ਹੈ । ਇਹ ਯਾਤਰੀ ਕਾਬੀ ਤੋਂ ਆਏ ਸਨ । ਦੋਵੇਂ ਯਾਤਰੀ 22.02.2026 ਨੂੰ ਫਲਾਈਟ ਨੰਬਰ 6-1070 ਰਾਹੀਂ ਟਰਮੀਨਲ-3 ’ਤੇ ਪਹੁੰਚੇ । ਪ੍ਰੋਫਾਈਲਿੰਗ ਦੇ ਆਧਾਰ ’ਤੇ ਉਨ੍ਹਾਂ ਨੂੰ ਗ੍ਰੀਨ ਚੈਨਲ ’ਤੇ ਰੋਕਿਆ ਗਿਆ ਅਤੇ ਉਨ੍ਹਾਂ ਦੇ ਸਮਾਨ ਦੀ ਐਕਸ-ਰੇ ਸਕੈਨਿੰਗ ਅਤੇ ਵਿਸਥਾਰ ਨਾਲ ਜਾਂਚ ਕੀਤੀ ਗਈ ।
ਯਾਤਰੀਆਂ ਦੀ ਤਲਾਸ਼ੀ ਲਈ ਕੀ ਕੀ ਮਿਲਿਆ ਕਸਟਮ ਅਧਿਕਾਰੀਆਂ ਨੂੰ
ਤਲਾਸ਼ੀ ਦੌਰਾਨ ਕਸਟਮ ਅਧਿਕਾਰੀਆਂ ਨੇ ਕੁੱਲ 14 ਪਾਲੀਥੀਨ ਪੌਚਾਂ ਵਿੱਚ ਨਸ਼ੀਲਾ ਪਦਾਰਥ ਬਰਾਮਦ ਕੀਤਾ ਗਿਆ, ਜਿਸ ਵਿਚ 8 ਪੈਕੇਟ ਸਲੇਟੀ ਅਤੇ ਪੀਲੇ ਰੰਗ ਦੇ ਟਰੌਲੀ ਬੈਗ ਵਿੱਚ ਛੁਪੇ ਹੋਏ ਸਨ ਅਤੇ 6 ਪੈਕਟ ਗੂੜ੍ਹੇ ਹਰੇ ਅਤੇ ਚਿੱਟੇ ਰੰਗ ਦੇ ਟਰੌਲੀ ਬੈਗ ਵਿੱਚ ਛੁਪੇ ਹੋਏ ਸਨ । ਬਰਾਮਦ ਪਦਾਰਥ ਦਾ ਕੁੱਲ ਵਜ਼ਨ 23,936 ਗ੍ਰਾਮ (ਸ਼ੁੱਧ ਵਜ਼ਨ) ਸੀ ।
ਬਰਾਮਦ ਹੋਈ ਸਮੱਗਰੀ ਦੀ ਗੈਰ-ਕਾਨੂੰਨੀ ਬਾਜ਼ਾਰ ਵਿਚ ਹੈ ਕਿੰਨੀ ਕੀਮਤ
ਸ਼ੁਰੂਆਤੀ ਜਾਂਚ ਵਿੱਚ ਇਹ ਗਾਂਜਾ/ਮਰੀਜੁਆਨਾ ਹੋਣ ਦੀ ਪੁਸ਼ਟੀ ਹੋਈ । ਗੈਰ-ਕਾਨੂੰਨੀ ਬਾਜ਼ਾਰ ਵਿੱਚ ਇਸ ਦੀ ਅੰਦਾਜ਼ਨ ਕੀਮਤ ਲਗਭਗ 23.936 ਕਰੋੜ ਹੈ । ਯਾਤਰੀਆਂ ਨੂੰ ਨਸ਼ੀਲੇ ਪਦਾਰਥ ਅਤੇ ਮਨੋਵਿਕਾਰਕ ਪਦਾਰਥ ਐਕਟ-1985 (ਐਕਟ) ਦੇ ਤਹਿਤ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ । ਜ਼ਬਤ ਕੀਤਾ ਸਮਾਨ ਅਤੇ ਪੈਕਿੰਗ ਮਟੀਰੀਅਲ ਕਸਟਮ ਦੀ ਹਿਰਾਸਤ ਵਿੱਚ ਲਿਆ ਗਿਆ ਹੈ ।
Read More : ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੇ ਯਾਤਰੀ ਤੋਂ ਮਿਲਿਆ ਗਾਂਜਾ
