ਬੁਲੰਦਸ਼ਹਿਰ, 2 ਸਤੰਬਰ 2026 : ਉੱਤਰ ਪ੍ਰਦੇਸ਼ (Uttar Pradesh) ਦੇ ਬੁਲੰਦਸ਼ਹਿਰ ਜਿਲੇ ‘ਚ ਇਕ ਵਿਆਹੁਤਾ ਨੂੰ ਉਸ ਦੇ ਘਰ ਮਿਲਣ ਗਏ ਨੌਜਵਾਨ ਦੀ ਡਾਂਗਾਂ ਨਾਲ ਕੁੱਟ-ਕੁੱਟ ਕੇ ਹੱਤਿਆ (Murder) ਕਰ ਦਿੱਤੀ ਗਈ ।
ਕੌਣ ਹੈ ਇਹ ਨੌਜਵਾਨ
ਮਿਲੀ ਜਾਣਕਾਰੀ ਅਨੁਸਾਰ ਯੂ. ਪੀ. ਦੇ ਜਿਲਾ ਬੁਲੰਦਸ਼ਹਿਰ (District Bulandshahr) ਵਿਖੇ ਜੋ ਇਕ ਵਿਆਹੁਤਾ ਨੂੰ ਰਾਤ ਵੇਲੇ ਉਸਦੇ ਘਰ ਮਿਲਣ ਗਏ ਇਕ ਨੌਜਵਾਨ ਦਾ ਡਾਂਗਾਂ ਨਾਲ ਕੁੱਟ-ਕੁੱਟ (Beating) ਕੇ ਕਤਲ ਕਰ ਦਿੱਤਾ ਗਿਆ ਹੈ ਦੀ ਪਛਾਣ 28 ਸਾਲਾ ਪੁਸ਼ਪੇਂਦਰ ਦੇ ਤੌਰ ‘ਤੇ ਹੋਈ ਹੈ । ਪੁਲਸ ਮੁਤਾਬਕ ਇਸ ਘਟਨਾ ਸਬੰਧੀ 3 ਲੋਕਾਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਗਿਆ ਹੈ । ਘਟਨਾ ਬੁਲੰਦਸ਼ਹਿਰ ਜ਼ਿਲੇ ਦੇ ਜਿਨਾਮਈ ਪਿੰਡ ‘ਚ ਸੋਮਵਾਰ ਰਾਤ ਹੋਈ । ਪੁਲਸ ਸੁਪਰਡੈਂਟ (ਦਿਹਾਤੀ) ਅੰਤਰਿਕਸ਼ ਜੈਨ ਨੇ ਦੱਸਿਆ ਕਿ ਮੰਗਲਵਾਰ ਸਵੇਰੇ ਪੁਲਸ ਨੂੰ ਘਟਨਾ ਦੀ ਸੂਚਨਾ ਮਿਲੀ ।
ਕੀ ਦੱਸਿਆ ਐਸ. ਪੀ. ਜੈਨ ਨੇ
ਜਿਲਾ ਦੇ ਐਸ. ਪੀ. ਜੈਨ ਨੇ ਦੱਸਿਆ ਕਿ ਅਨੂਪਸ਼ਹਿਰ ਦੇ ਸਰਕਲ ਅਫਸਰ ਪੁਲਸ ਟੀਮ ਨਾਲ ਛਤਾਰੀ ਥਾਣੇ ਤੋਂ ਮੌਕੇ ‘ਤੇ ਪਹੁੰਚੇ । ਉਨ੍ਹਾਂ ਦੱਸਿਆ ਕਿ ਮ੍ਰਿਤਕ ਦੀ ਪਛਾਣ ਜਿਨਾਮਈ ਪਿੰਡ ਵਾਸੀ ਪੁਸ਼ਪੇਂਦਰ ਵਜੋਂ ਹੋਈ ਹੈ । ਮੁੱਢਲੀ ਜਾਣਕਾਰੀ ਅਨੁਸਾਰ ਪੁਸ਼ਪੇਂਦਰ ਰਾਤ ਨੂੰ ਇਕ ਵਿਆਹੁਤਾ ਦੇ ਘਰ ਗਿਆ ਸੀ, ਜਿੱਥੇ ਔਰਤ ਦੇ ਪਤੀ ਅਤੇ ਉਸ ਦੇ ਚਾਚੇ ਨੇ ਕਥਿਤ ਤੌਰ ‘ਤੇ ਉਸ ’ਤੇ ਡਾਂਗਾਂ ਨਾਲ ਹਮਲਾ ਕੀਤਾ ਜਿਸ `ਚ ਉਸ ਦੀ ਮੌਤ ਹੋ ਗਈ ।
