ਕੋਲਕਾਤਾ, 17 ਜੁਲਾਈ 2026 : ਕੋਲਕਾਤਾ (Kolkata) ਦੇ ਬਾਂਸਦੇਣੀ ਇਲਾਕੇ ਦੀ ਇਕ ਔਰਤ ਨਾਲ ਸੋਸ਼ਲ ਮੀਡੀਆ ‘ਤੇ ਦੋਸਤ ਬਣੇ ਇਕ ਸ਼ਖਸ ਨੇ ਕਥਿਤ ਤੌਰ ’ਤੇ ਕਈ ਸਾਲਾਂ ਤੱਕ ਜਬਰ-ਜਨਾਹ (Rape) ਕੀਤਾ ।
ਪੁਲਸ ਨੇ ਕਰ ਲਈ ਹੈ ਜੀਰੋ ਐਫ. ਆਈ. ਆਰ. ਦਰਜ
ਪੁਲਸ ਅਨੁਸਾਰ ਇਸ ਮਾਮਲੇ ‘ਚ ਮੇਟੀਆਬਰੂਜ਼ ਥਾਣੇ ਵਿਚ `ਜ਼ੀਰੋ ਐੱਫ. ਆਈ. ਆਰ. ਦਰਜ (Zero FIR registered) ਕੀਤੀ ਗਈ ਹੈ ਅਤੇ ਜਾਂਚ ਜਾਰੀ ਹੈ । ਸਿਕਾਇਤ ਅਨੁਸਾਰ, ਔਰਤ ਮੁਲਜ਼ਮ ਦੇ ਸੰਪਰਕ ‘ਚ ਲਗਭਗ 7 ਸਾਲ ਪਹਿਲਾਂ ਸੋਸ਼ਲ ਮੀਡੀਆ ਰਾਹੀਂ ਆਈ ਸੀ ਅਤੇ ਦੋਵਾਂ ਨੇ ਇਕੱਠਿਆਂ ਕਈ ਯਾਤਰਾਵਾਂ ਕੀਤੀਆਂ ਸਨ ।
ਕੀ ਦੋਸ਼ ਲਗਾਇਆ ਗਿਆ ਹੈ ਔਰਤ ਵਲੋਂ
ਔਰਤ ਦਾ ਦੋਸ਼ ਹੈ ਕਿ ਅਜਿਹੀ ਹੀ ਇਕ ਯਾਤਰਾ ਦੌਰਾਨ ਮੁਲਜ਼ਮ ਨੇ ਹੋਟਲ ਦੇ ਇਕ ਕਮਰੇ ‘ਚ ਉਸ ਨਾਲ ਜਬਰ-ਜਨਾਹ ਕੀਤਾ ਅਤੇ ਉਸ ਦੀਆਂ ਤਸਵੀਰਾਂ ਤੇ ਵੀਡੀਓਜ਼ ਬਣਾ ਲਈਆਂ । ਸਿਕਾਇਤ ‘ਚ ਕਿਹਾ ਗਿਆ ਹੈ ਕਿ ਮੁਲਜ਼ਮ ਨੇ ਇਨ੍ਹਾਂ ਤਸਵੀਰਾਂ ਅਤੇ ਵੀਡੀਓਜ਼ ਨੂੰ ਜਨਤਕ ਕਰਨ ਦੀ ਧਮਕੀ ਦੇ ਕੇ ਔਰਤ ਨੂੰ ਬਲੈਕਮੇਲ (Blackmail) ਕੀਤਾ ਅਤੇ ਉਸ ਦਾ ਵਾਰ-ਵਾਰ ਜਿਣਸੀ ਸ਼ੋਸ਼ਣ ਕੀਤਾ । ਬਾਂਸਸ਼੍ਰੇਣੀ ਥਾਣਾ ਪੁਲਸ ਨੇ ਦੋਸ਼ਾਂ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ । ਹਾਲਾਂਕਿ ਹਾਲੇ ਤੱਕ ਇਸ ਮਾਮਲੇ ‘ਚ ਕਿਸੇ ਦੀ ਗ੍ਰਿਫ਼ਤਾਰੀ ਨਹੀਂ ਹੋਈ ਹੈ ।
