ਹਜ਼ਾਰੀਬਾਗ (ਝਾਰਖੰਡ), 3 ਅਪ੍ਰੈਲ 2026 : ਭਾਰਤ ਦੇਸ਼ ਦੇ ਸੂਬੇ ਝਾਰਖੰਡ (Jharkhand) ਦੇ ਪਿੰਡ ਕੁਸੁੰਭਾ ਵਿਖੇ ਇਕ ਨਾਬਾਲਗ ਲੜਕੀ ਦੀ ਬਲੀ ਲਏ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ ।
ਕੌਣ ਕੌਣ ਹਨ ਜੋ ਕੀਤੇ ਗਏ ਹਨ ਗ੍ਰਿਫ਼ਤਾਰ
ਝਾਰਖੰਡ ਪੁਲਸ (Jharkhand Police) ਨੇ ਕੁਸੁੰਭਾ ਪਿੰਡ ‘ਚ ਇਕ ਬਲੀ ਕਰਮਕਾਂਡ ਦੌਰਾਨ ਗਲਾ ਘੁੱਟ (Strangulation) ਕੇ ਮਾਰੀ ਗਈ 13 ਸਾਲਾ ਲੜਕੀ ਦੀ 35 ਸਾਲਾ ਮਾਂ, ਇਕ ਤਾਂਤਰਿਕ ਅਤੇ ਇਕ ਹੋਰ ਵਿਅਕਤੀ ਨੂੰ ਗ੍ਰਿਫ਼ਤਾਰ (Arrested) ਕੀਤਾ ਹੈ । ਹਜ਼ਾਰੀਬਾਗ ਦੇ ਪੁਲਸ ਸੁਪਰਡੈਂਟ ਅੰਜਨੀ ਅੰਜਨ ਅਤੇ ਹਜ਼ਾਰੀਬਾਗ ਪੁਲਸ ਦੇ ਡਿਪਟੀ ਇੰਸਪੈਕਟਰ ਜਨਰਲ (ਡੀ. ਆਈ. ਜੀ.) ਅੰਜਨੀ ਝਾਅ ਨੇ ਦੱਸਿਆ ਕਿ ਉਨ੍ਹਾਂ ਨੇ ਲੜਕੀ ਦੀ ਮਾਂ ਰੇਸ਼ਮੀ ਦੇਵੀ, ਤਾਂਤਰਿਕ ਸ਼ਾਂਤੀ ਦੇਵੀ (55) ਅਤੇ ਭੀਮ ਰਾਮ (40) ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਇਹ ਸਾਰੇ ਇਕ ਹੀ ਪਿੰਡ ਦੇ ਰਹਿਣ ਵਾਲੇ ਹਨ ।
ਕੀ ਦੱਸਿਆ ਪੁਲਸ ਸੁਪਰਡੈਂਟ ਨੇ
ਅੰਜਨੀ ਅੰਜਨ ਨੇ ਦੱਸਿਆ ਕਿ ਰੇਸ਼ਮੀ ਦੇਵੀ ਅਕਸਰ ਆਪਣੇ ਸਭ ਤੋਂ ਛੋਟੇ ਪੁੱਤਰ ਦੇ ਇਲਾਜ ਲਈ ਆਪਣੇ ਪਿੰਡ ‘ਚ ਇਕ ਤਾਂਤਰਿਕ ਕੋਲ ਜਾਂਦੀ ਸੀ । ਤਾਂਤਰਿਕ ਨੇ ਉਸ ਨੂੰ ਕਿਹਾ ਕਿ ਪੁੱਤਰ ਨੂੰ ਸਾਰੀਆਂ ਬੀਮਾਰੀਆਂ ਤੋਂ ਠੀਕ ਕਰਨ ਲਈ ਉਨ੍ਹਾਂ ਨੂੰ ਇਕ ਕੁਆਰੀ ਲੜਕੀ ਦੀ ਬਲੀ ਦੇਣੀ ਪਵੇਗੀ । ਪੁਲਸ ਦਾ ਦਾਅਵਾ ਹੈ ਕਿ ਲੜਕੀ ਦਾ ਕਤਲ ਕਰਨ ਤੋਂ ਬਾਅਦ ਮੁਲਜ਼ਮਾਂ ਨੇ ਉਸ ਦੀ ਲਾਸ਼ ਨੂੰ ਇਕ ਬਗੀਚੇ ‘ਚ ਦਫ਼ਨਾ ਦਿੱਤਾ।
