ਚੰਡੀਗੜ੍ਹ, 5 ਮਈ 2026 : ਭਾਰਤ ਦੇਸ਼ ਦੀ ਮਾਨਯੋਗ ਸੁਪਰੀਮ ਕੋਰਟ ਦੀ ਕਾਲੇਜ਼ੀਅਮ (Supreme Court Collegium) ਵਲੋਂ ਕੇੇਂਦਰ ਸਰਕਾਰ ਨੂੰ ਨਵੇਂ ਜੱਜ ਲਗਾਉਣ ਲਈ ਨਵੇਂ ਨਾਵਾਂ ਦੀ ਸੂਚੀ ਭੇਜੀ ਗਈ ਹੈ ।
ਨਿਯੁਕਤ ਕੀਤੇ ਜਾਣ ਵਾਲੇ ਜੱਜ ਕਿਥੇ ਲਗਾਏ ਜਾਣੇ ਹਨ
ਮਿਲੀ ਜਾਣਕਾਰੀ ਅਨੁਸਾਰ ਸੁਪਰੀਮ ਕੋਰਟ ਕਾਲੇਜ਼ੀਅਮ ਨੇ ਜੋ ਕੇਂਦਰ ਸਰਕਾਰ (Central Government) ਨੂੰ ਨਾਵਾਂ ਦੀ ਸੂਚੀ ਭੇਜੀ ਹੈ ਤਹਿਤ 10 ਨਵੇਂ ਜੱਜ ਨਿਯੁਕਤ ਕੀਤੇ ਜਾਣੇ ਹਨ ਤੇ ਇਨ੍ਹਾਂ ਨਿਯੁਕਤ ਕੀਤੇ ਜਾਣ ਵਾਲੇ ਸਮੁੱਚੇ ਜੱਜਾਂ ਦੀ ਨਿਯੁਕਤੀ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ (High Court) ਵਿਚ ਕੀਤੀ ਜਾਵੇਗੀ ।
ਕਿਹੜੇ ਕਿਹੜੇ ਨਾਮ ਗਏ ਹਨ ਭੇਜੇ
ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਨੂੰ 10 ਨਵੇਂ ਜੱਜ (Judges) ਮੁਹੱਈਆ ਕਰਵਾਉਣ ਲਈ ਜਿਨ੍ਹਾਂ ਨਾਵਾਂ ਦੀ ਸੂਚੀ ਕੇਂਦਰ ਸਰਕਾਰ ਨੂੰ ਭੇਜੀ ਗਈ ਹੈ ਤਾਂਜੋ ਰਾਸ਼ਟਰਪਤੀ ਦੀ ਪ੍ਰਵਾਨਗੀ ਮਿਲ ਸਕੇ ਵਿਚ ਹਰਿਆਣਾ ਤੋਂ ਐਡਵੋਕੇਟ ਜਨਰਲ ਪ੍ਰਵੇਂਦਰ ਸਿੰਘ ਚੌਹਾਨ ਦੇ ਨਾਲ-ਨਾਲ ਰਾਜੇਸ਼ ਗੌੜ ਅਤੇ ਮਿੰਦਰ ਜੀਤ ਯਾਦਵ ਨੂੰ ਹਾਈ ਕੋਰਟ ਜੱਜ ਨਿਯੁਕਤ ਕਰਨ ਦੀ ਸਿਫਾਰਸ਼ ਕੀਤੀ ਗਈ ਹੈ ।
ਇਨ੍ਹਾਂ ਤਿੰਨਾਂ ਤੋਂ ਇਲਾਵਾ ਸੁਪਰੀਮ ਕੋਰਟ ਕੋਲੇਜੀਅਮ ਨੇ ਵਕੀਲ ਮੋਨਿਕਾ ਛਿੱਬਰ ਸ਼ਰਮਾ, ਹਰਮੀਤ ਸਿੰਘ ਦਿਓਲ, ਪੂਜਾ ਚੋਪੜਾ, ਸੁਨੀਸ਼ ਬਿੰਦਲਿਸ਼, ਨਵਦੀਪ ਸਿੰਘ, ਦਿਵਿਆ ਸ਼ਰਮਾ ਅਤੇ ਰਵਿੰਦਰ ਮਲਿਕ ਨੂੰ ਹਾਈ ਕੋਰਟ ਦੇ ਜੱਜ ਵਜੋਂ ਨਿਯੁਕਤ ਕਰਨ ਦੀ ਸਿਫਾਰਸ਼ ਵੀ ਕੀਤੀ ਹੈ । ਦੱਸਣਯੋਗ ਹੈ ਕਿ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਵਿੱਚ ਇਸ ਵੇਲੇ 58 ਜੱਜ ਹਨ, ਜਿਸ ਵਿੱਚ ਕੁੱਲ 85 ਜੱਜਾਂ ਦੀਆਂ ਮਨਜ਼ੂਰਸ਼ੁਦਾ ਆਸਾਮੀਆਂ ਹਨ ਪ੍ਰੰਤੂ 27 ਦੀ ਥਾਂ ਖਾਲੀ ਹੈ ।
