ਚੰਡੀਗੜ੍ਹ, 26 ਮਾਰਚ 2026 : ਚੰਡੀਗੜ੍ਹ ਦੇ ਪ੍ਰਸ਼ਾਸਕ ਗੁਲਾਬ ਚੰਦ ਕਟਾਰੀਆ ਵਲੋਂ ਆਬਕਾਰੀ ਨੀਤੀ (Excise Policy) ਸਾਲ 2026-27 ਨੂੰ ਮਨਜ਼ੂਰੀ ਦਿੱਤੇ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ ।
ਮਨਜ਼ੂਰੀ ਦੇਣ ਵੇਲੇ ਕੀਤਾ ਗਿਆ ਮਾਲੀਏ ਦੇ ਵਾਧੇ ਵੱਲ ਵਿਸ਼ੇਸ਼ ਧਿਆਨ
ਮਿਲੀ ਜਾਣਕਾਰੀ ਮੁਤਾਬਕ ਜੋ ਪੰਜਾਬ ਦੇ ਰਾਜਪਾਲ ਅਤੇ ਚੰਡੀਗੜ੍ਹ ਪ੍ਰਸ਼ਾਸਕ ਗੁਲਾਬ ਚੰਦ ਕਟਾਰੀਆ (Gulab Chand Kataria) ਨੇ ਆਬਕਾਰੀ ਨੀਤੀ 2026-27 ਨੂੰ ਮਨਜ਼ੂਰੀ (Approval) ਦਿੱਤੀ ਹੈ ਤਹਿਤ ਮੁੱਖ ਹਿਤਧਾਰਕਾਂ ਦੇ ਮਹੱਤਵਪੂਰਨ ਸੁਝਾਵਾਂ ਨੂੰ ਸ਼ਾਮਲ ਕਰਦੇ ਹੋਏ ਪਾਰਦਰਸ਼ਤਾ, ਤਕਨੀਕ-ਅਧਾਰਿਤ ਈ-ਟੈਂਡਰਿੰਗ ਅਤੇ ਮਾਲੀਏ ਦੇ ਵਾਧੇ ’ਤੇ ਵਿਸ਼ੇਸ਼ ਧਿਆਨ ਦਿੱਤਾ ਗਿਆ ਹੈ । ਏਕਾਧਿਕਾਰ ਨੂੰ ਰੋਕਣ ਲਈ ਉਪਾਵਾਂ ਦੇ ਨਾਲ-ਨਾਲ ਬਾਰਾਂ ਦੁਆਰਾ ਸ਼ਰਾਬ ਦੀ ਖਰੀਦ, ਇੰਟਰ-ਵੈਂਡ ਟ੍ਰਾਂਸਫਰ, ਉੱਨਤ ਸੁਰੱਖਿਆ ਵਿਵਸਥਾ ਅਤੇ ਜੀਪੀਐੱਸ ਟ੍ਰੈਕਿੰਗ ਜਿਹੀਆਂ ਸੁਵਿਧਾਵਾਂ ਵੀ ਸ਼ਾਮਲ ਕੀਤੀਆਂ ਗਈਆਂ ਹਨ ।
11 ਠੇਕਿਆਂ ਲਈ ਈ-ਟੈਂਡਰਿੰਗ ਦੇ ਦੂਸਰੇ ਵਿਚ ਕਿੰਨੀਆਂ ਬੋਲੀਆਂ ਹੋਈਆਂ ਪ੍ਰਾਪਤ
ਈ-ਟੈਂਡਰਿੰਗ (E-tendering) ਦੇ ਦੂਸਰੇ ਦੌਰ ’ਚ 11 ਠੇਕਿਆਂ ਲਈ 19 ਬੋਲੀਆਂ ਪ੍ਰਾਪਤ ਹੋਈਆਂ । ਜਿਨ੍ਹਾਂ ਤੋਂ 53.94 ਕਰੋੜ ਰੁਪਏ ਦੀ ਰਿਜ਼ਰਵ ਕੀਮਤ ਦੇ ਮੁਕਾਬਲੇ 62.38 ਕਰੋੜ ਰੁਪਏ ਦਾ ਮਾਲੀਆ ਪ੍ਰਾਪਤ ਹੋਇਆ। ਇਸ ਤੋ ਇਲਾਵਾ ਫੀਸ ਵਜੋਂ 38 ਲੱਖ ਰੁਪਏ ਵੀ ਪ੍ਰਾਪਤ ਹੋਏ । ਇਸ ਤੋਂ ਪਹਿਲਾਂ 19 ਮਾਰਚ ਨੂੰ ਹੋਏ ਈ-ਟੈਂਡਰਿੰਗ ਦੇ ਪਹਿਲੇ ਦੌਰ ਦੌਰਾਨ, 82 ਠੇਕਿਆਂ ਲਈ 195 ਬੋਲੀਆਂ ਪ੍ਰਾਪਤ ਹੋਈਆਂ ਸਨ । ਜਿਨ੍ਹਾਂ ਤੋਂ 376.24 ਕਰੋੜ ਰੁਪਏ ਦੀ ਰਾਖਵੀਂ ਕੀਮਤ ਦੇ ਮੁਕਾਬਲੇ 487.68 ਕਰੋੜ ਰੁਪਏ ਦਾ ਮਾਲੀਆ ਪ੍ਰਾਪਤ ਹੋਇਆ ਸੀ ।
ਵਿਭਾਗ ਨੇ ਕਿੰਨੇ ਕਰੋੜ ਦਾ ਮਾਲੀਆ ਕੀਤਾ ਇਕੱਠਾ
ਜਾਣਕਾਰੀ ਮੁਤਾਬਕ ਕੁੱਲ ਮਿਲਾ ਕੇ 93 ਰਿਟੇਲ ਵੈਂਡਸ ਦੇ ਮੁਕਾਬਲੇ ਵਿਭਾਗ ਨੇ 430.18 ਕਰੋੜ ਰੁਪਏ ਦੀ ਰਾਖਵੀਂ ਕੀਮਤ ਦੇ ਮੁਕਾਬਲੇ 550.06 ਕਰੋੜ ਰੁਪਏ ਦਾ ਕੁੱਲ ਮਾਲੀਆ (Revenue) ਇਕੱਠਾ ਕੀਤਾ ਹੈ । ਇਸ ਤੋ ਇਲਾਵਾ ਬਾਕੀ 04 ਲਾਇਸੈਂਸਿੰਗ ਯੂਨਿਟਾਂ ਲਈ ਟੈਂਡਰਿੰਗ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਗਈ ਹੈ । ਬੋਲੀਕਾਰਾਂ (Bidders) ਵੱਲੋਂ ਮਿਲੇ ਭਾਰੀ ਹੁੰਗਾਰੇ ਦੇ ਮੱਦੇਨਜ਼ਰ ਵਿਭਾਗ ਬਾਕੀ ਵੈਂਡਸ ਦੀ ਸਫ਼ਲ ਅਲਾਟਮੈਂਟ ਲਈ ਪੂਰੀ ਤਰ੍ਹਾਂ ਆਸਵੰਦ ਹੈ ਅਤੇ ਨਿਰਧਾਰਿਤ ਰਾਖਵੇਂ ਮੁੱਲ ਤੋਂ ਕਿਤੇ ਵੱਧ ਮਾਲੀਆ ਪ੍ਰਾਪਤ ਹੋਣ ਦੀ ਸੰਭਾਵਨਾ ਹੈ ।
Read More : ਪੰਜਾਬ ਸਰਕਾਰ ਦਾ ਦਾਅਵਾ, ਨਵੀਂ ਆਬਕਾਰੀ ਨੀਤੀ ਭਰੇਗੀ ਪੰਜਾਬ ਦਾ ਖਜ਼ਾਨਾ
