ਗੁਹਾਟੀ, 9 ਜਨਵਰੀ 2026 : ਮਣੀਪੁਰ (Manipur) ਵਿਚ 4 ਮਈ 2023 ਨੂੰ ਨਸਲੀ ਝੜਪਾਂ (Ethnic clashes) ਦੌਰਾਨ 3 ਔਰਤਾਂ ਨੂੰ ਨੰਗਾ ਕਰ ਕੇ ਘੁੰਮਾਉਣ ਤੇ ਉਨ੍ਹਾਂ ‘ਚੋਂ 2 ਨਾਲ ਕਥਿਤ ਤੌਰ ‘ਤੇ ਸਮੂਹਿਕ ਜਬਰ-ਜ਼ਨਾਹ ਕਰਨ ਦੇ ਮਾਮਲੇ ‘ਚ ਸੀ. ਬੀ. ਆਈ. ਦੀ ਇਕ ਵਿਸ਼ੇਸ਼ ਅਦਾਲਤ (C. B. I. Special Court) ਨੇ 6 ਮੁਲਜ਼ਮਾਂ ਵਿਰੁੱਧ ਦੋਸ਼ ਤੈਅ (Charges framed) ਕੀਤੇ ਹਨ । ਉਨ੍ਹਾਂ ‘ਤੇ ਸਮੂਹਿਕ ਜਬਰ-ਜਨਾਹ, ਕਤਲ ਤੇ ਹਿੰਸਾ ਸਮੇਤ 15 ਦੋਸ਼ ਲਾਏ ਗਏ ਹਨ ।
3 ਔਰਤਾਂ ਨੂੰ ਕੀਤਾ ਗਿਆ ਸੀ ਨੰਗਾ
ਵਿਸ਼ੇਸ਼ ਜੱਜ ਚਤਰਾ ਭੁਕਨ ਗੋਗੋਈ ਦੀ ਅਦਾਲਤ (Court) ਨੇ ਮਾਮਲੇ ਦੀ ਅਗਲੀ ਸੁਣਵਾਈ ਲਈ 16 ਜਨਵਰੀ ਦੀ ਤਰੀਕ ਨਿਰਧਾਰਤ ਕੀਤੀ ਹੈ । ਮਣੀਪੁਰ ਜੇਲ ‘ਚ ਬੰਦ 4 ਮੁਲਜ਼ਮਾਂ ਸਮੇਤ ਬਾਕੀ ਦੇ ਮੁਲਜ਼ਮਾਂ ਨੂੰ ਉਸ ਦਿਨ ਨਿੱਜੀ ਤੌਰ ‘ਤੇ ਪੇਸ਼ ਹੋਣਾ ਪਵੇਗਾ । 2 ਮੁਲਜ਼ਮ ਜ਼ਮਾਨਤ ‘ਤੇ ਬਾਹਰ ਹਨ । ਵਿਸ਼ੇਸ਼ ਅਦਾਲਤ ਨੇ 2 ਜਨਵਰੀ ਨੂੰ ਦਿੱਤੇ ਇਕ ਹੁਕਮ ‘ਚ ਮੁਲਜ਼ਮਾਂ ਵਿਰੁੱਧ 15 ਦੋਸ਼ ਤੈਅ ਕੀਤੇ । ਪੀੜਤਾਂ ‘ਚੋਂ ਇਕ ਦੇ ਪਰਿਵਾਰਕ ਮੈਂਬਰਾਂ ਦੀ ਮੌਤ ਹੋ ਗਈ ਸੀ । ਇਹ ਘਟਨਾ ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਸਾਹਮਣੇ ਆਈ ਸੀ ।
Read More : ਮੁੱਖ ਮੰਤਰੀ ਰੇਖਾ ਗੁਪਤਾ ਦੀ ਹੱਤਿਆ ਦੀ ਸਾਜ਼ਿਸ਼ ਦੇ ਮਾਮਲੇ `ਚ ਦੋਸ਼ ਤੈਅ
