ਰਾਂਚੀ, 15 ਦਸੰਬਰ 2025 : ਰਾਂਚੀ (Ranchi) ਵਿਚ 2 ਵਪਾਰੀਆਂ ਨੂੰ ਬੈਂਕਾਂ ਦੇ ਮੁਕਾਬਲੇ ਛੋਟ ਵਾਲੀਆਂ ਦਰਾਂ `ਤੇ ਕਰਜ਼ਾ ਦਿਵਾਉਣ ਦਾ ਝਾਂਸਾ (Loan scam) ਦੇ ਕੇ 1.12 ਕਰੋੜ ਰੁਪਏ ਦੀ ਠੱਗੀ ਮਾਰਨ ਦੇ ਦੋਸ਼ `ਚ ਇਕ ਜੋੜੇ ਨੂੰ ਗ੍ਰਿਫ਼ਤਾਰ (Arrested) ਕੀਤਾ ਗਿਆ ਹੈ । ਪੁਲਸ ਨੇ ਐਤਵਾਰ ਨੂੰ ਇਹ ਜਾਣਕਾਰੀ ਦਿੱਤੀ । ਮੁਲਜ਼ਮ ਜੋੜੇ ਦੀ ਪਛਾਣ ਕਾਂਕੇ ਥਾਣਾ ਦੇ ਅਧੀਨ ਪੈਂਦੇ ਸੁਕੁਰਹੁਟੂ ਨਿਵਾਸੀ ਸ਼ਿਵਾਜੀ ਪਾਟਿਲ ਉਰਫ਼ ਅਮਿਤ ਮਹਾਤੋ (42) ਅਤੇ ਉਸਦੀ ਪਤਨੀ ਐਂਜੇਲਾ ਕੁਜੂਰ (42) ਵਜੋਂ ਹੋਈ ਹੈ ।
ਪੁਲਸ ਸੁਪਰਡੈਂਟ (ਦਿਹਾਤੀ) ਪ੍ਰਵੀਨ ਪੁਸ਼ਕਰ ਨੇ ਕੀ ਦੱਸਿਆ
ਪੁਲਸ ਸੁਪਰਡੈਂਟ (ਦਿਹਾਤੀ) ਪ੍ਰਵੀਨ ਪੁਸ਼ਕਰ ਨੇ ਦੱਸਿਆ ਕਿ ਗ੍ਰਿਫ਼ਤਾਰ ਜੋੜਾ ਰਿਆਇਤੀ ਦਰਾਂ `ਤੇ ਕਰਜ਼ਾ ਦਿਵਾਉਣ ਦਾ ਝਾਂਸਾ ਦੇ ਕੇ ਵਪਾਰੀਆਂ ਅਤੇ ਹੋਰਨਾਂ ਨਾਲ ਠੱਗੀ ਮਾਰਦਾ ਸੀ । ਅਜਿਹੇ ਹੀ ਇਕ ਮਾਮਲੇ ਵਿਚ ਉਸ ਨੇ ਝਾਰਖੰਡ ਦੇ ਰਾਮਗੜ੍ਹ ਜ਼ਿਲੇ ਦੇ ਵਪਾਰੀ ਸਰੋਜਕਾਂਤ ਝਾਅ ਨਾਲ 70 ਲੱਖ ਰੁਪਏ ਦੀ ਧੋਖਾਦੇਹੀ (Fraud) ਕੀਤੀ । ਉਨ੍ਹਾਂ ਦੱਸਿਆ ਕਿ ਜੋੜੇ ਨੇ ਓਡਿਸ਼ਾ ਦੇ ਇਕ ਹੋਰ ਕਾਰੋਬਾਰੀ ਨਾਲ ਵੀ 42 ਲੱਖ ਰੁਪਏ ਦੀ ਠੱਗੀ ਮਾਰੀ । ਪੁਲਸ ਸੁਪਰਡੈਂਟ (Police Superintendent) ਨੇ ਦੱਸਿਆ ਕਿ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਚੱਲ ਰਹੀ ਹੈ ਅਤੇ ਦੋਵਾਂ ਮੁਲਜ਼ਮਾਂ ਨੂੰ ਜੇਲ ਭੇਜ ਦਿੱਤਾ ਗਿਆ ਹੈ ।
Read more : ਪੁਲਸ ਮੁਕਾਬਲੇ ਵਿਚ ਇਕ ਮੁਲਜ਼ਮ ਪੁਲਸ ਨੇ ਕੀਤਾ ਗ੍ਰਿਫ਼ਤਾਰ
