ਨਿਊਯਾਰਕ, 2 ਦਸੰਬਰ 2025 : `ਸਪੇਸਐਕਸ` ਦੇ ਸੀ. ਈ. ਓ. (SpaceX` C. E. O.) ਐਲਨ ਮਸਕ ਨੇ ਕਿਹਾ ਹੈ ਕਿ ਉਸ ਦੀ ਪਾਰਟਨਰ ਸਿ਼ਵੋਨ ਜਿ਼ਲਿਸ (Partner Siwon Jilis) `ਅੱਧੀ ਭਾਰਤੀ` ਹੈ ਅਤੇ ਉਸ ਨੇ ਆਪਣੇ ਇਕ ਬੱਚੇ ਦਾ ਵਿਚਕਾਰਲਾ ਨਾਂ ਨੋਬਲ ਪੁਰਸਕਾਰ ਜੇਤੂ (Nobel Prize winner) ਸੁਬ੍ਰਾਹਮਣੀਅਨ ਚੰਦਰਸ਼ੇਖਰ ਦੇ ਨਾਂ `ਤੇ ਸ਼ੇਖਰ (Shekhar) ਰੱਖਿਆ ਹੈ । ਜਿ਼ਲਿਸ ਅਤੇ ਮਸਕ ਦੇ 4 ਬੱਚੇ ਹਨ-ਜੌੜੇ ਬੱਚੇ ਸਟਾਈਡਰ ਅਤੇ ਇਜ਼ੋਰ, ਇਕ ਬੇਟੀ ਅਕਾਰਡੀਆ ਅਤੇ ਬੇਟਾ ਸੇਲਡਨ ਲਾਈਕਗਰਸ ।
ਜਿ਼ਲਿਸ ਮਸਕ ਦੀ ਇਕ ਕੰਪਨੀ ਨਿਊਰਾਲਿੰਕ `ਚ `ਆਪ੍ਰੇਸ਼ਨਸ ਅਤੇ ਵਿਸ਼ੇਸ਼ ਪ੍ਰਾਜੈਕਟਸ` `ਚ ਹੈ ਨਿਰਦੇਸ਼ਕ
ਜਿ਼ਲਿਸ ਮਸਕ ਦੀ ਇਕ ਕੰਪਨੀ ਨਿਊਰਾਲਿੰਕ `ਚ `ਆਪ੍ਰੇਸ਼ਨਸ ਅਤੇ ਵਿਸ਼ੇਸ਼ ਪ੍ਰਾਜੈਕਟਸ` `ਚ ਨਿਰਦੇਸ਼ਕ ਹੈ । ਐਲਨ ਮਸਕ (Elon Musk) ਨੇ ਜ਼ੀਰੋਧਾ ਦੇ ਸਹਿ-ਸੰਸਥਾਪਕ ਨਿਖਿਲ ਕਾਮਥ ਦੇ ਪ੍ਰੋਗਰਾਮ `ਪੀਪਲ ਬਾਏ ਡਬਲਿਊ. ਟੀ. ਐੱਫ“ਚ ਇੰਟਰਵਿਊ ਦੌਰਾਨ ਕਿਹਾ ਕਿ ਮੇਰੇ ਬੇਟੇ ਦਾ ਵਿਚਕਾਰਲਾ ਨਾਂ ਚੰਦਰਸ਼ੇਖਰ ਦੇ ਨਾਂ `ਤੇ ਸ਼ੇਖਰ ਰੱਖਿਆ ਗਿਆ ਹੈ। ਐੱਸ. ਚੰਦਰਸ਼ੇਖਰ ਇਕ ਪ੍ਰਸਿੱਧ ਭਾਰਤੀ-ਅਮਰੀਕੀ ਖਗੋਲ-ਭੌਤਿਕ ਵਿਗਿਆਨੀ ਸਨ, ਜਿਨ੍ਹਾਂ ਨੂੰ ਤਾਰਿਆਂ ਦੀ ਬਣਤਰ ਅਤੇ ਵਿਕਾਸ ਲਈ ਮਹੱਤਵਪੂਰਨ ਭੌਤਿਕ ਪ੍ਰਕਿਰਿਆਵਾਂ `ਤੇ ਸਿਧਾਂਤਕ ਅਧਿਐਨਾਂ ਨੂੰ ਲੈ ਕੇ 1983 `ਚ ਭੌਤਿਕ ਵਿਗਿਆਨ `ਚ ਨੋਬਲ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ ਸੀ ।
Read more : ਐਲਨ ਮਸਕ ਦੇ ਸਟਾਰਸ਼ਿਪ ‘ਚ ਟੈਸਟ ਦੌਰਾਨ ਵੱਡਾ ਧਮਾਕਾ
