ਬੈਂਗਲੁਰੂ, 23 ਨਵੰਬਰ 2025 : ਸਥਾਨਕ ਪੁਲਸ ਕਮਿਸ਼ਨਰ (Police Commissioner) ਸੀਮੰਤ ਕੁਮਾਰ ਸਿੰਘ ਨੇ ਕਿਹਾ ਹੈ ਕਿ ਸ਼ਹਿਰ `ਚ 7.11 ਕਰੋੜ ਰੁਪਏ (Rs 7.11 crore) ਦੀ ਹੋਈ ਲੁੱਟ ਸਬੰਧੀ ਇਕ ਪੁਲਸ ਕਾਂਸਟੇਬਲ ਸਮੇਤ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ (Arrested) ਕੀਤਾ ਗਿਆ ਹੈ । ਉਨ੍ਹਾਂ ਇੱਥੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਹੁਣ ਤੱਕ 5.76 ਕਰੋੜ ਰੁਪਏ ਬਰਾਮਦ ਕੀਤੇ ਗਏ ਹਨ । ਬਾਕੀ ਰਕਮ ਦਾ ਪਤਾ ਲਾਉਣ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ । ਸੇਮੰਤ ਕੁਮਾਰ ਨੇ ਕਿਹਾ ਕਿ ਅਸੀਂ ਇਸ ਕਾਰਵਾਈ ਲਈ 11 ਟੀਮਾਂ ਬਣਾਈਆਂ ਹਨ। 200 ਪੁਲਸ ਅਧਿਕਾਰੀ ਤੇ ਮੁਲਾਜ਼ਮ ਵੀ ਤਾਇਨਾਤ ਕੀਤੇ ਹਨ ।
ਗ੍ਰਿਫ਼ਤਾਰ ਕੀਤੇ ਗਏ ਵਿਅਕਤੀਆਂ ਵਿਚ ਕੌਣ ਕੌਣ ਹੈ ਸ਼ਾਮਲ
ਗ੍ਰਿਫ਼ਤਾਰ ਕੀਤੇ ਗਏ ਵਿਅਕਤੀਆਂ `ਚ ਕਾਂਸਟੇਬਲ ਅਨੱਪਾ ਨਾਇਕ, ਸੀ. ਐੱਮ. ਐੱਸ. ਇਨਫੋ ਬ ਸਿਸਟਮਜ਼ ਦੇ ਸਾਬਕਾ ਮੁਲਾਜ਼ਮ ਜ਼ੇਵੀਅਰ ਤੇ ਵਾਹਨ ਇੰਚਾਰਜ ਗੋਪੀ ਸ਼ਾਮਲ ਹਨ । ਉਨ੍ਹਾਂ ਤਿੰਨ ਮਹੀਨੇ ਪਹਿਲਾਂ ਲੁੱਟ ਦੀ ਸਾਜ਼ਿਸ਼ ਰਚੀ ਸੀ । 19 ਨਵੰਬਰ ਨੂੰ ਉਨ੍ਹਾਂ ਕਥਿਤ ਰੂਪ `ਚ ਆਰ. ਬੀ. ਆਈ. (R. B. I.) ਦੇ ਅਧਿਕਾਰੀ ਬਣ ਕੇ ਪੈਸਿਆਂ ਨਾਲ ਭਰੀ ਇਕ ਵੈਨ ਨੂੰ ਰੋਕਿਆ ਤੇ 7.11 ਕਰੋੜ ਰੁਪਏ ਲੈ ਕੇ ਫਰਾਰ ਹੋ ਗਏ ।
