National Championship: ਹਿਮਾਚਲ ਦੇ ਅਵਿਨਾਸ਼ ਨੇ ਮੁੱਕੇਬਾਜ਼ੀ ‘ਚ ਜਿੱਤਿਆ Gold Medal, ਸੀਐਮ ਨੇ ਦਿੱਤੀ ਵਧਾਈ
ਉੱਤਰ ਪ੍ਰਦੇਸ਼ ਦੇ ਬਰੇਲੀ ਵਿੱਚ 7 ਤੋਂ 13 ਜਨਵਰੀ ਤੱਕ ਖੇਡੀ ਗਈ ਨੈਸ਼ਨਲ ਚੈਂਪੀਅਨਸ਼ਿਪ ‘ਚ ਹਿਮਾਚਲ ਪ੍ਰਦੇਸ਼ ਦੇ ਅਵਿਨਾਸ਼ ਜਾਮਵਾਲ ਨੇ ਬਾਕਸਿੰਗ ਵਿੱਚ ਸੋਨ ਤਗਮਾ ਜਿੱਤਿਆ ਹੈ। ਅਵਿਨਾਸ਼ ਜਾਮਵਾਲ ਹਿਮਾਚਲ ਦੀ ਛੋਟੀ ਕਾਸ਼ੀ ਮੰਡੀ ਦਾ ਰਹਿਣ ਵਾਲਾ ਹੈ। ਉਸ ਨੇ 65 ਕਿਲੋਗ੍ਰਾਮ ਵਰਗ ਵਿੱਚ ਹਰਿਆਣਾ, ਸਰਵਿਸਿਜ਼ ਅਤੇ ਰੇਲਵੇ ਦੇ ਚੋਟੀ ਦੇ ਮੁੱਕੇਬਾਜ਼ਾਂ ਨੂੰ ਹਰਾ ਕੇ ਸੋਨ ਤਗਮਾ ਅਤੇ ਸਰਵੋਤਮ ਮੁੱਕੇਬਾਜ਼ ਦਾ ਐਵਾਰਡ ਹਾਸਲ ਕੀਤਾ ਹੈ।
ਗੋਲਡ ਅਤੇ ਸਰਵੋਤਮ ਮੁੱਕੇਬਾਜ਼ ਦਾ ਐਵਾਰਡ ਜਿੱਤਣ ‘ਤੇ ਖੁਸ਼
ਅਵਿਨਾਸ਼ ਨੇ ਦੱਸਿਆ ਕਿ ਗੋਲਡ ਅਤੇ ਸਰਵੋਤਮ ਮੁੱਕੇਬਾਜ਼ ਦਾ ਐਵਾਰਡ ਜਿੱਤਣ ਤੋਂ ਬਾਅਦ ਉਹ ਖੁਸ਼ ਹੈ। ਜਮਵਾਲ ਨੇ ਕਿਹਾ, ‘ਅਸੀਂ ਲੰਬੇ ਸਮੇਂ ਬਾਅਦ ਨੈਸ਼ਨਲਜ਼ ‘ਚ ਸੋਨ ਤਮਗਾ ਜਿੱਤਿਆ ਹੈ, ਇਸ ਲਈ ਮੈਨੂੰ ਮਾਣ ਮਹਿਸੂਸ ਹੋ ਰਿਹਾ ਹੈ ਕਿ ਮੈਡਲ ਦਾ ਸੋਕਾ ਖਤਮ ਹੋ ਗਿਆ ਹੈ। ਉਸਦਾ ਅਗਲਾ ਨਿਸ਼ਾਨਾ 2028 ਓਲੰਪਿਕ ਵਿੱਚ ਦੇਸ਼ ਲਈ ਤਮਗਾ ਲਿਆਉਣਾ ਹੈ।ਉਸ ਨੇ ਦੱਸਿਆ ਕਿ ਉਸ ਨੇ ਜੋਗਿੰਦਰ ਕੁਮਾਰ ਤੋਂ ਮੁੱਕੇਬਾਜ਼ੀ ਦੀ ਮੁੱਢਲੀ ਕੋਚਿੰਗ ਲਈ ਹੈ।
ਸੀਐਮ ਨੇ ਦਿੱਤੀ ਵਧਾਈ
ਹਿਮਾਚਲ ਦੇ ਮੁੱਖ ਮੰਤਰੀ ਸੁਖਵਿੰਦਰ ਸਿੰਘ ਸੁੱਖੂ ਨੇ ਅਵਿਨਾਸ਼ ਜਾਮਵਾਲ ਨੂੰ ਉਸ ਦੀ ਵੱਡੀ ਪ੍ਰਾਪਤੀ ਲਈ ਵਧਾਈ ਦਿੱਤੀ ਹੈ ਅਤੇ ਕਿਹਾ ਹੈ ਕਿ ਅਵਿਨਾਸ਼ ਨੇ ਪੂਰੇ ਦੇਸ਼ ਵਿੱਚ ਹਿਮਾਚਲ ਦਾ ਨਾਂ ਰੌਸ਼ਨ ਕੀਤਾ ਹੈ।
ਮਾਘੀ ਮੇਲੇ ਮੌਕੇ ਡਰੋਨ ਅਤੇ ਪੈਰਾਗਲਾਈਡਰ ਵਗੈਰਾ ਦੀ ਵਰਤੋਂ ‘ਤੇ ਪਾਬੰਦੀ ਦੇ ਹੁਕਮ ਜਾਰੀ
