ਆਮ ਆਦਮੀ ਕਲੀਨਿਕ ’ਚ ਮਲੇਰੀਆ RDT ਟੈਸਟ ਸ਼ੁਰੂ
ਸਿਹਤ ਮੰਤਰੀ ਪੰਜਾਬ ਡਾ. ਬਲਵੀਰ ਸਿੰਘ ਦੇ ਨਿਰਦੇਸ਼ਾਂ ਅਤੇ ਸਿਵਲ ਸਰਜਨ ਮਾਲੇਰਕੋਟਲਾ ਡਾ. ਸੰਜੇ ਗੋਇਲ ਅਤੇ ਸੀਨੀਅਰ ਮੈਡੀਕਲ ਅਫ਼ਸਰ ਡਾ. ਜੀ. ਐੱਸ. ਭਿੰਡਰ ਦੀ ਅਗਵਾਈ ਹੇਠ ਸਿਹਤ ਬਲਾਕ ਫਤਿਹਗੜ੍ਹ ਪੰਜਗਰਾਈਆਂ ਅਧੀਨ ਆਉਂਦੇ ਆਮ ਆਦਮੀ ਕਲੀਨਕਾਂ ’ਚ ਮਲੇਰੀਆ ਦੀ ਜਾਂਚ ਲਈ ਆਰ. ਡੀ. ਟੀ. ਟੈਸਟ ਕਰਨ ਦੀ ਸ਼ੁਰੂਆਤ ਕੀਤੀ ਗਈ ਹੈ।
ਹਰਿਆਣਾ ‘ਚ 23 IPS/HPS ਅਧਿਕਾਰੀਆਂ ਦਾ ਤਬਾਦਲਾ
ਇਸ ਮੌਕੇ ਗੱਲਬਾਤ ਕਰਦਿਆਂ ਡਾ. ਭਿੰਡਰ ਨੇ ਕਿਹਾ ਕਿ ਪਹਿਲਾਂ ਮਲੇਰੀਆ ਬੁਖ਼ਾਰ ਦਾ ਪਤਾ ਲਾਉਣ ਲਈ ਬਲੱਡ ਸਲਾਈਡ ਨਾਲ ਟੈਸਟ ਕੀਤਾ ਜਾਂਦਾ ਸੀ, ਜਿਸ ਨੂੰ 2 ਦਿਨ ਦਿਨ ਦਾ ਸਮਾਂ ਲੱਗਦਾ ਸੀ ਪਰ ਹੁਣ ਮਲੇਰੀਆ ਦੀ ਜਾਂਚ ਲਈ ਆਰ. ਡੀ. ਟੀ. ਕਿੱਟ ਨਾਲ ਜਾਂਚ ਸ਼ੁਰੂ ਕੀਤੀ ਗਈ ਹੈ, ਜਿਸ ਨਾਲ ਬੁਖ਼ਾਰ ਹੋਣ ’ਤੇ ਤੁਰੰਤ ਪਤਾ ਲੱਗ ਸਕੇਗਾ ਕੇ ਇਹ ਬੁਖ਼ਾਰ ਮਲੇਰੀਆ ਤਾਂ ਨਹੀਂ।
ਮਲੇਰੀਆ ’ਤੇ ਕਾਬੂ
ਉਨ੍ਹਾਂ ਕਿਹਾ ਕਿ ਇਹ ਟੈਸਟ ਸਾਰੇ ਆਮ ਆਦਮੀ ਕਲੀਨਕਾਂ ’ਤੇ ਮੁਫ਼ਤ ਕੀਤੇ ਜਾਣਗੇ ਤਾਂ ਜੋ ਮਲੇਰੀਆ ’ਤੇ ਕਾਬੂ ਪਾਇਆ ਜਾ ਸਕੇ। ਇਸ ਮੌਕੇ ਆਮ ਆਦਮੀ ਕਲੀਨਕ ਕੁਠਾਲਾ ਵਿਖੇ ਡਾ. ਕਮਲਜੀਤ ਸਿੰਘ ਧਾਲੀਵਾਲ, ਮੁਹੰਮਦ ਫ਼ੈਸਲ, ਨਿਰਭੈ ਸਿੰਘ, ਜਸਵਿੰਦਰ ਕੌਰ ਸਮੇਤ ਕਈ ਹਾਜ਼ਰ ਸਨ।
