ਮੀਂਹ ਕਾਰਨ ਭਾਰਤ-ਨਿਊਜ਼ੀਲੈਂਡ ਦੇ ਪਹਿਲੇ ਟੈਸਟ ਦੀ ਸ਼ੁਰੂਆਤ ‘ਚ ਦੇਰੀ

ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਟੈਸਟ ਸੀਰੀਜ਼ ਦਾ ਪਹਿਲਾ ਮੈਚ ਅਜੇ ਸ਼ੁਰੂ ਨਹੀਂ ਹੋਇਆ ਹੈ। ਬੈਂਗਲੁਰੂ ‘ਚ ਬੁੱਧਵਾਰ ਸਵੇਰ ਤੋਂ ਹੀ ਰੁਕ-ਰੁਕ ਕੇ ਮੀਂਹ ਪੈ ਰਿਹਾ ਹੈ। ਪਹਿਲੇ ਸੈਸ਼ਨ ਦੀ ਖੇਡ ਵੀ ਰੱਦ ਹੋਣ ਦੀ ਕਗਾਰ ‘ਤੇ ਹੈ।

ਦਿਨ ਭਰ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਮੌਸਮ ਦੀ ਵੈੱਬਸਾਈਟ Accuweather ਦੇ ਅਨੁਸਾਰ, ਅੱਜ ਤੋਂ 5 ਦਿਨਾਂ ਤੱਕ ਬੈਂਗਲੁਰੂ ਵਿੱਚ ਮੀਂਹ ਦੀ ਸੰਭਾਵਨਾ ਹੈ। ਇਨ੍ਹਾਂ ਵਿੱਚੋਂ ਚਾਰ ਦਿਨ ਮੀਂਹ ਪੈਣ ਦੀ ਸੰਭਾਵਨਾ 40% ਜਾਂ ਇਸ ਤੋਂ ਵੱਧ ਹੈ।

ਇਹ ਵੀ ਪੜ੍ਹੋ- ਜਲੰਧਰ ‘ਚ ਅੱਜ ਵਾਲਮੀਕਿ ਜੈਅੰਤੀ ‘ਤੇ ਕੱਢੀ ਜਾਵੇਗੀ ਵਿਸ਼ਾਲ ਸ਼ੋਭਾਯਾਤਰਾ, ਮੁੱਖ ਮੰਤਰੀ ਮਾਨ ਕਰਨਗੇ ਸ਼ਿਰਕਤ

ਨਿਊਜ਼ੀਲੈਂਡ ਦੀ ਟੀਮ 12 ਸਾਲ ਬਾਅਦ ਬੇਂਗਲੁਰੂ ‘ਚ ਟੈਸਟ ਖੇਡਣ ਜਾ ਰਹੀ ਹੈ ਪਰ ਸਾਬਕਾ ਕਪਤਾਨ ਕੇਨ ਵਿਲੀਅਮਸਨ ਸੱਟ ਕਾਰਨ ਇਸ ਮੈਚ ਦਾ ਹਿੱਸਾ ਨਹੀਂ ਹੋਣਗੇ। ਇੱਥੇ ਆਖਰੀ ਵਾਰ ਦੋਵੇਂ ਟੀਮਾਂ 2012 ਵਿੱਚ ਆਈਆਂ ਸਨ, ਜਦੋਂ ਟੀਮ ਇੰਡੀਆ ਨੇ 5 ਵਿਕਟਾਂ ਨਾਲ ਜਿੱਤ ਦਰਜ ਕੀਤੀ ਸੀ।