ਯੂਜ਼ਰਸ ਦੇ ਐਕਸਪੀਰੀਅੰਸ ਨੂੰ ਬਿਹਤਰ ਬਣਾਉਣ ਲਈ
ਵ੍ਹਾਟਸਐਪ ਹਰ ਸਮਾਰਟਫੋਨ ਯੂਜ਼ਰ ਲਈ ਇੱਕ ਜ਼ਰੂਰੀ ਐਪਲੀਕੇਸ਼ਨ ਬਣ ਗਿਆ ਹੈ। ਵ੍ਹਾਟਸਐਪ ਦੀ ਵਰਤੋਂ ਦੁਨੀਆ ਭਰ ਵਿੱਚ ਲਗਭਗ 2.4 ਬਿਲੀਅਨ ਸਮਾਰਟਫ਼ੋਨਸ ਵਿੱਚ ਕੀਤੀ ਜਾ ਰਹੀ ਹੈ। ਵ੍ਹਾਟਸਐਪ ਨਾ ਸਿਰਫ ਯੂਜ਼ਰਸ ਦੇ ਐਕਸਪੀਰੀਅੰਸ ਨੂੰ ਬਿਹਤਰ ਬਣਾਉਣ ਲਈ ਨਵੇਂ-ਨਵੇਂ ਫੀਚਰਜ਼ ਲਿਆਉਂਦਾ ਰਹਿੰਦਾ ਹੈ, ਸਗੋਂ ਇਸ ਦੇ ਨਾਲ ਹੀ ਕੰਪਨੀ ਪ੍ਰਾਈਵੇਸੀ ਅਤੇ ਸੁਰੱਖਿਆ ਨੂੰ ਬਰਕਰਾਰ ਰੱਖਣ ਲਈ ਨਵੇਂ-ਨਵੇਂ ਫੀਚਰਸ ਵੀ ਲਾਂਚ ਕਰਦੀ ਹੈ। ਵ੍ਹਾਟਸਐਪ ਹੁਣ ਪ੍ਰੋਫਾਈਲ ਫੋਟੋ ਦੀ ਪ੍ਰਾਈਵੇਸੀ ਨਾਲ ਜੁੜਿਆ ਇਕ ਨਵਾਂ ਫੀਚਰ ਲਿਆਉਣ ਜਾ ਰਿਹਾ ਹੈ।
ਪ੍ਰੋਫਾਈਲ ਫੋਟੋ ਦਾ ਸਕਰੀਨਸ਼ਾਟ ਲੈਣ ਦੀ ਇਜਾਜ਼ਤ
ਤੁਹਾਨੂੰ ਦੱਸ ਦੇਈਏ ਕਿ WhatsApp ਜਲਦ ਹੀ iOS ਯੂਜ਼ਰਸ ਲਈ ਨਵਾਂ ਫੀਚਰ ਲਿਆਉਣ ਜਾ ਰਿਹਾ ਹੈ। ਵ੍ਹਾਟਸਐਪ ਦਾ ਇਹ ਆਈਫੋਨ ਯੂਜ਼ਰਸ ਨੂੰ ਕਿਸੇ ਦੀ ਪ੍ਰੋਫਾਈਲ ਫੋਟੋ ਦਾ ਸਕਰੀਨਸ਼ਾਟ ਲੈਣ ਦੀ ਇਜਾਜ਼ਤ ਨਹੀਂ ਦੇਵੇਗਾ। ਯਾਨੀ ਹੁਣ ਆਈਫੋਨ ਯੂਜ਼ਰਸ ਕਿਸੇ ਦੀ ਪ੍ਰੋਫਾਈਲ ਫੋਟੋ ਦਾ ਸਕ੍ਰੀਨਸ਼ਾਟ ਨਹੀਂ ਲੈ ਸਕਣਗੇ।
WhatsApp ਦੇ ਅਪਡੇਟਸ ‘ਤੇ ਨਜ਼ਰ ਰੱਖਣ ਵਾਲੀ ਵੈੱਬਸਾਈਟ WhatsAppinfo ਨੇ ਕੰਪਨੀ ਦੇ ਆਉਣ ਵਾਲੇ ਫੀਚਰਸ ਬਾਰੇ ਜਾਣਕਾਰੀ ਦਿੱਤੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਵ੍ਹਾਟਸਐਪ ਦਾ ਇਹ ਫੀਚਰ ਪਹਿਲਾਂ ਤੋਂ ਹੀ ਐਂਡ੍ਰਾਇਡ ਸਮਾਰਟਫੋਨ ‘ਤੇ ਮੌਜੂਦ ਹੈ ਪਰ ਹੁਣ ਕੰਪਨੀ ਜਲਦ ਹੀ ਇਸ ਨੂੰ iOS ਡਿਵਾਈਸ ਯਾਨੀ ਆਈਫੋਨ ਯੂਜ਼ਰਸ ਲਈ ਪੇਸ਼ ਕਰਨ ਜਾ ਰਹੀ ਹੈ।
WhatsAppinfo ਦੇ ਮੁਤਾਬਕ ਇਸ ਫੀਚਰ ਨੂੰ WhatsApp ਦੇ TestFlight ਐਪ ‘ਤੇ iOS 24.10.10.70 ਲਈ WhatsApp ਬੀਟਾ ‘ਚ ਦੇਖਿਆ ਗਿਆ ਹੈ। Wabetainfo ਨੇ ਮਾਈਕ੍ਰੋਬਲਾਗਿੰਗ ਪਲੇਟਫਾਰਮ X ‘ਤੇ ਪੋਸਟ ਕਰਕੇ ਆਉਣ ਵਾਲੇ ਫੀਚਰ ਬਾਰੇ ਵੀ ਜਾਣਕਾਰੀ ਦਿੱਤੀ ਹੈ। ਪੋਸਟ ਵਿੱਚ ਦਿੱਤੇ ਗਏ ਸਕਰੀਨਸ਼ਾਟ ਵਿੱਚ ਤੁਸੀਂ ਆਸਾਨੀ ਨਾਲ ਸਕਰੀਨ ਕੈਪਚਰ ਬਲਾਕਡ ਹੋਣ ਦਾ ਸੁਨੇਹਾ ਦੇਖ ਸਕਦੇ ਹੋ।
ਇਹ ਵੀ ਪੜ੍ਹੋ : ਮਾਂ-ਧੀ ਨੇ ਚੁੱਕਿਆ ਖੌਫਨਾਕ ਕਦਮ, ਦੋਹਾਂ ਦੀ ਹੋਈ ਮੌ.ਤ
ਫਿਲਹਾਲ, ਇਸ ਗੱਲ ਦੀ ਪੁਸ਼ਟੀ ਨਹੀਂ ਕੀਤੀ ਗਈ ਹੈ ਕਿ ਸਕ੍ਰੀਨਸ਼ਾਟਸ ਨੂੰ ਬਲਾਕ ਕਰਨ ਵਾਲਾ ਫੀਟਰ ਸਕ੍ਰੀਨ ਰਿਕਾਰਡਿੰਗ ‘ਤੇ ਵੀ ਕੰਮ ਕਰੇਗਾ ਜਾਂ ਨਹੀਂ। ਫਿਲਹਾਲ ਇਸ ਫੀਚਰ ਦੇ ਆਉਣ ਨਾਲ ਯੂਜ਼ਰਸ ਨੂੰ ਆਪਣੀ ਪ੍ਰੋਫਾਈਲ ਫੋਟੋਆਂ ਦੇ ਸਕਰੀਨਸ਼ਾਟ ਲੈਣ ਦਾ ਡਰ ਨਹੀਂ ਰਹੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਫੀਚਰ ਅਜੇ ਡਿਵੈਲਪਿੰਗ ਮੋਡ ‘ਚ ਹੈ ਅਤੇ ਇਸ ਨੂੰ ਜਲਦ ਹੀ ਯੂਜ਼ਰਸ ਲਈ ਰੋਲਆਊਟ ਕੀਤਾ ਜਾ ਸਕਦਾ ਹੈ।
