ਚੰਡੀਗੜ੍ਹ, 3 ਅਕਤੂਬਰ 2026 : ਮੁੱਖ ਮੰਤਰੀ (Chief Minister) ਪੰਜਾਬ ਭਗਵੰਤ ਸਿੰਘ ਮਾਨ ਨੇ ਆਖਿਆ ਹੈ ਕਿ ਨਸ਼ਾ ਮੁਕਤੀ ਲਈ ਸਰਹੱਦੀ ਜਿਲਿਆਂ ਵਿਚ ਅਧਿਆਤਮਿਕ ਸੁਧਾਰ ਪ੍ਰੋਗਰਾਮ (Spiritual Improvement Program) ਸ਼ੁਰੂ ਹੋਵੇਗਾ ।
ਕਿਸ ਕਾਰਨ ਸ਼਼ੁਰੂ ਕੀਤਾ ਜਾ ਰਿਹੈ ਅਧਿਆਤਮਕ ਪ੍ਰੋਗਰਾਮ ਸ਼ੁਰੂ
ਮਿਲੀ ਜਾਣਕਾਰੀ ਅਨੁਸਾਰ ਮੁੱਖ ਮੰਤਰੀ ਭਗਵੰਤ ਮਾਨ (Bhagwant Mann) ਵਲੋਂ ਜੋ ਪੰਜਾਬ ਦੇ ਸਰਹੱਦੀ ਜਿਲਿਆਂ ਵਿਚ ਅਧਿਆਤਮਿਕ ਪ੍ਰੋਗਰਾਮ ਸ਼ੁਰੂ ਕੀਤਾ ਜਾਣਾ ਦਾ ਮੁੱਖ ਕਾਰਨ ‘ਯੁੱਧ ਨਸਿ਼ਆਂ ਵਿਰੁੱਧ ਮੁਹਿੰਮ ਨੂੰ ਹੋਰ ਤੇਜ਼ ਕਰਨ ਲਈ ਨਸ਼ੇ ਦੀ ਲਤ ਨਾਲ ਜੂਝ ਰਹੇ ਲੋਕਾਂ ਦੇ ਮੁੜ-ਵਸੇਬਾ ਕੀਤਾ ਜਾਣਾ ਹੈ । ਉਕਤ ਪ੍ਰੋਗਰਾਮ ਤਹਿਤ ਅੰਮ੍ਰਿਤਸਰ, ਤਰਨਤਾਰਨ ਅਤੇ ਫਾਜਿ਼ਲਕਾ ‘ਚ ਪਾਇਲਟ ਪ੍ਰਾਜੈਕਟ ਸ਼ੁਰੂ ਕੀਤਾ ਜਾਵੇਗਾ । ਗੁਰਦਾਸਪੁਰ ਅਤੇ ਕਪੂਰਥਲਾ ਦੀਆਂ ਜੇਲਾਂ ਅਤੇ ਓ. ਓ. ਏ. ਟੀ. ਕਲੀਨਿਕਾਂ ‘ਚ ਵੀ ਇਸ ਨੂੰ ਲਾਗੂ ਕਰਨ ਦੀ ਯੋਜਨਾ ਹੈ ।
ਆਰਟ ਆਫ ਲਿਵਿੰਗ ਫਾਊਂਡੇਸ਼ਨ ਦੇ ਵਫ਼ਦ ਨਾਲ ਮੀਟਿੰਗ ਦੌਰਾਨ ਮੁੱਖ ਮੰਤਰੀ ਨੇ ਕੀ ਆਖਿਆ
ਪੰਜਾਬ ਦੇ ਮੁੱਖ ਮੰਤਰੀ ਨੇ ‘ਆਰਟ ਆਫ ਲਿਵਿੰਗ ਫਾਊਂਡੇਸ਼ਨ`ਦੇ ਵਫ਼ਦ ਨਾਲ ਬੈਠਕ ਦੌਰਾਨ ਕਿਹਾ ਕਿ ‘ਆਰਟ ਆਫ ਲਿਵਿੰਗ` ਆਧਾਰਤ ਪ੍ਰੋਗਰਾਮ ਦਾ ਮਕਸਦ ਦਵਾਈਆਂ ਨਾਲ ਹੋਣ ਵਾਲੇ ਇਲਾਜ ਦੇ ਨਾਲ ਨਸ਼ਾਮੁਕਤੀ ਦੌਰਾਨ ਮਨੋ-ਸਮਾਜਿਕ ਦੇਖਭਾਲ ਨੂੰ ਮਜ਼ਬੂਤ ਕਰਨਾ ਹੈ । ਉਨ੍ਹਾਂ ਕਿਹਾ ਕਿ ਨਸ਼ਾ ਛੱਡਣ ਵਾਲੇ ਲੋਕਾਂ ਨੂੰ ਸ਼ੁਰੂਆਤੀ ਮਹੀਨਿਆਂ ‘ਚ ਇਲਾਜ ਨਾਲ ਜੋੜੇ ਰੱਖਣਾ ਵੱਡੀ ਚੁਣੌਤੀ ਹੈ ।
ਹੋਰ ਕੀ ਕੀ ਆਖਿਆ ਮੁੱਖ ਮੰਤਰੀ ਮਾਨ ਨੇ
ਮਾਨ ਨੇ ਕਿਹਾ ਕਿ ਨਸ਼ਾਮੁਕਤੀ ਕੇਵਲ ਡਾਕਟਰੀ ਇਲਾਜ ਤੱਕ ਸੀਮਤ ਨਹੀਂ ਹੈ, ਸਗੋਂ ਵਿਅਕਤੀ ਦੀ ਮਾਨਸਿਕ ਮਜ਼ਬੂਤੀ ਅਤੇ ਇੱਛਾ-ਸ਼ਕਤੀ ਵੀ ਅਹਿਮ ਹੈ । ਪਾਇਲਟ ਵੈੱਲਨੈਂਸ ਪ੍ਰੋਗਰਾਮ ਮੌਜੂਦਾ ਇਲਾਜ ਦੇ ਨਾਲ ਸਮਾਨਾਂਤਰ ਰੂਪ ‘ਚ ਚੱਲੇਗਾ ਅਤੇ ਸਿਖਲਾਈ ਪ੍ਰਾਪਤ ਸਥਾਨਕ ਅਮਲੇ ਨੂੰ ਹੌਲੀ-ਹੌਲੀ ਇਸ ਦੀ ਜਿ਼ੰਮੇਵਾਰੀ ਸੌਂਪੀ ਜਾਵੇਗੀ ।
ਭੂ-ਜਲ ਰੀਚਾਰਜ ਅਤੇ ਸੰਭਾਲ ਲਈ ਪਾਇਲਟ ਪ੍ਰਾਜੈਕਟ ਕੀਤਾ ਜਾਵੇ ਤਿਆਰ
ਉਨ੍ਹਾਂ ਕਿਹਾ ਕਿ ਪੰਜਾਬ ਸਰਕਾਰ (Government of Punjab) ਨਸਿ਼ਆਂ ਖਿਲਾਫ ਡਾਕਟਰੀ ਇਲਾਜ, ਕਾਊਂਸਲਿੰਗ, ਮੁੜ-ਵਸੇਬਾ, ਸਮਾਜਿਕ ਸਹਿਯੋਗ ਅਤੇ ਕਾਨੂੰਨੀ ਕਾਰਵਾਈ ਦੇ ਮਾਧਿਅਮ ਨਾਲ ਮੁਹਿੰਮ ਜਾਰੀ ਰੱਖੇਗੀ । ਬੈਠਕ ‘ਚ ਮਾਨਸਾ ਅਤੇ ਸੰਗਰੂਰ ‘ਚ ਭੂ-ਜਲ ਰੀਚਾਰਜ ਅਤੇ ਸੰਭਾਲ ਲਈ ਵੀ ‘ਆਰਟ ਆਫ਼ ਲਿਵਿੰਗ, ਫਾਊਂਡੇਸ਼ਨ`ਨੂੰ ਪਾਇਲਟ ਪ੍ਰਾਜੈਕਟ ਤਿਆਰ ਕਰਨ ਲਈ ਕਿਹਾ ਗਿਆ ।
