ਕਪੂਰਥਲਾ, 11 ਸਤੰਬਰ 2026 : ਪੰਜਾਬ ਦੇ ਜਿਲਾ ਕਪੂਰਥਲਾ (Kapurthala District) ਵਿਖੇ ਬਣੀ ਕੇਂਦਰੀ ਜੇਲ ਵਿਚ ਬੰਦ ਛੇ ਕੈਦੀਆਂ ਦੇ ਖਿਲਾਫ਼ ਥਾਣਾ ਕੋਤਵਾਲੀ ਪੁਲਸ ਵਲੋਂ ਮਾਮਲਾ ਦਰਜ (Case registered) ਕੀਤਾ ਗਿਆ ਹੈ ।
ਕੀ ਕਾਰਨ ਰਿਹਾ ਕੈਦੀਆਂ ਵਿਰੁੱਧ ਮਾਮਲਾ ਦਰਜ ਕੀਤੇ ਜਾਣ ਦਾ
ਮਿਲੀ ਜਾਣਕਾਰੀ ਅਨੁਸਾਰ ਕੇਂਦਰੀ ਜੇਲ ਕਪੂਰਥਲਾ (Central Jail Kapurthala) ਵਿਖੇ ਜੋ ਬੰਦ ਕੈਦੀਆਂ ਵਿਚੋਂ ਛੇ ਕੈਦੀਆਂ ਵਿਰੁੱਧ ਥਾਣਾ ਕੋਤਵਾਲੀ ਵਿਖੇ ਮਾਮਲਾ ਦਰਜ ਕੀਤਾ ਗਿਆ ਹੈ ਇਹ ਸਾਰੇ ਦੇ ਸਾਰੇ ਹਾਈ ਸਕਿਓਰਿਟੀ ਜੋਨ-ਏ ਵਿਚ ਬੰਦ ਹਨ ਵਲੋਂ ਡਿਊਟੀ ‘ਤੇ ਤਾਇਨਾਤ ਜਵਾਨਾਂ ਨਾਲ ਧੱਕਾ-ਮੁੱਕੀ ਅਤੇ ਬਦਸਲੂਕੀ ਕੀਤੀ ਗਈ, ਜਿਸਦੇ ਚਲਦਿਆਂ ਸਰਕਾਰੀ ਡਿਊਟੀ ਵਿਚ ਰੁਕਾਵਟ (Obstruction in official duty) ਪਾਉਣ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ ।
ਕੌਣ ਕੌਣ ਹਨ ਛੇ ਕੈਦੀ
ਪ੍ਰਾਪਤ ਸੂਚਨਾ ਮੁਤਾਬਕ ਕਪੂਰਥਲਾ ਦੀ ਕੇਂਦਰੀ ਜੇਲ ਦੇ ਹਾਈ ਸਕਿਓਰਿਟੀ ਜੋਨ ਏ ਵਿਚ ਜੋ ਕੈਦੀਆਂ ਵਿਰੁੱਧ ਮਾਮਲਾ ਦਰਜ ਕੀਤਾ ਗਿਆ ਹੈ ਦੇ ਵਿਚ ਸੰਦੀਪ ਸਿੰਘ ਉਰਫ਼ ਭੱਟੀ ਵਾਸੀ ਮੋਗਾ, ਮਨਦੀਪ ਕੁਮਾਰ ਉਰਫ਼ ਮੋਂਗੀ ਵਾਸੀ ਐੱਸ. ਬੀ. ਐੱਸ. ਨਗਰ, ਤੇਜ਼ਵੀਰ ਸਿੰਘ ਉਰਫ਼ ਸਾਹਬ ਪੁੱਤਰ ਸੁਰਿੰਦਰ ਸਿੰਘ ਵਾਸੀ ਸ਼ਰੀਫਪੁਰਾ ਅੰਮ੍ਰਿਤਸਰ, ਪਰਮਜੀਤ ਸਿੰਘ ਉਰਫ਼ ਧਰਮਾ ਵਾਸੀ ਰਾਏਕੋਟ ਲੁਧਿਆਣਾ, ਅੰਕਿਤ ਭੂਰੀ ਵਾਸੀ ਲੁਧਿਆਣਾ ਅਤੇ ਗੁਰਧਿਆਨ ਸਿੰਘ ਉਰਫ਼ ਭੋਲਾ ਵਾਸੀ ਸੰਗਰੂਰ ਸ਼ਾਮਲ ਹਨ ।
ਕਿਸ ਦੀ ਸਿ਼ਕਾਇਤ ‘ਤੇ ਕੀਤਾ ਗਿਆ ਹੈ ਕੇਸ ਦਰਜ
ਉਕਤ ਜੇਲ ਵਿਚ ਬੰਦ ਕੈਦੀਆਂ ਵਿਰੁੱਧ ਜੋ ਕੋਤਵਾਲੀ ਪੁਲਸ ਥਾਣੇ ਵਿਖੇ ਕੇਸ ਦਰਜ ਕੀਤਾ ਗਿਆ ਹੈ ਉਹ ਕੇਂਦਰੀ ਜੇਲ ਦੇ ਸਹਾਇਕ ਸੁਪਰਡੈਂਟ (Assistant Superintendent) ਧੀਰਜ ਕੁਮਾਰ ਦੀ ਸਿ਼ਕਾਇਤ ਦੇ ਆਧਾਰ ‘ਤੇ ਕੀਤਾ ਗਿਆ ਹੈ ।
