ਅੰਮ੍ਰਿਤਸਰ, 6 ਅਗਸਤ 2026 : ਭਾਰਤ ਦੇਸ਼ ਦੇ ਆਜਾਦੀ ਦਿਹਾੜੇ ਤੋਂ ਪਹਿਲਾਂ ਪੰਜਾਬ ਪੁਲਸ ਦੇ ਤਿੰਨ ਪੁਲਸ ਥਾਣਿਆਂ ‘ਤੇ ਗ੍ਰਨੇਡ ਹਮਲੇ ਅਤੇ ਰੇਲਵੇ ਪੱਟੜੀਆਂ ਬੰਬ ਨਾਲ ਉਡਾਉਣ (Bomb Threats) ਦੀ ਧਮਕੀ ਦਿੱਤੀ ਗਈ ਹੈ ।
ਕਿਸ ਤਰ੍ਹਾਂ ਦਿੱਤੀ ਗਈ ਹੈ ਧਮਕੀ
ਮਿਲੀ ਜਾਣਕਾਰੀ ਅਨੁਸਾਰ ਭਾਰਤ ਦੇਸ਼ ਦੇ 80ਵੇਂ ਆਜਾਦੀ ਦਿਹਾੜੇ ਤੋਂ ਪਹਿਲਾਂ ਜੋ ਅੱਜ ਇਕ ਈਮੇਲ ਭੇਜ ਕੇ ਪੁਲਸ ਥਾਣਿਆਂ (Police stations) ‘ਤੇ ਗ੍ਰਨੇਡ ਹਮਲੇ ਅਤੇ ਰੇਲਵੇ ਪੱਟੜੀਆਂ (Railway tracks) ਨੂੰ ਆਈ. ਈ. ਡੀ. ਧਮਾਕਿਆਂ ਨਾਲ ਉਡਾਉਣ ਦੀ ਧਮਕੀ ਦਿੱਤੀ ਗਈ ਹੈ ਸਬੰਧੀ ਈਮੇਲ ਹਵਾਈ ਅੱਡੇ, ਡੀ-ਡਵੀਜਨ ਅਤੇ ਈ-ਡਵੀਜਨ ਪੁਲਸ ਸਟੇਸ਼ਨਾਂ ਦੇ ਅਧਿਕਾਰਤ ਈਮੇਲ ਆਈ. ਡੀ. ਤੇ ਭੇਜੀ ਗਈ ਸੀ । ਦੱਸਣਯੋਗ ਹੈ ਕਿ ਈਮੇਲ ਭੇਜਣ ਵਾਲੇ ਨੇ ਇੱਕ ਅੱਤਵਾਦੀ ਸੰਗਠਨ ਨਾਲ ਸਬੰਧ ਹੋਣ ਦਾ ਦਾਅਵਾ ਕੀਤਾ ਸੀ ਅਤੇ ਆਜ਼ਾਦੀ ਦਿਵਸ ਤੋਂ ਪਹਿਲਾਂ ਪੰਜਾਬ ਵਿੱਚ ਪੁਲਸ ਸਟੇਸ਼ਨਾਂ ਅਤੇ ਰੇਲਵੇ ਬੁਨਿਆਦੀ ਢਾਂਚੇ `ਤੇ ਹਮਲਿਆਂ ਦੀ ਧਮਕੀ ਦਿੱਤੀ ਸੀ ।
ਹੋਰ ਕੀ ਕੀ ਆਖਿਆ ਗਿਆ ਹੈ ਈਮੇਲ ਵਿਚ
ਉਪਰੋਕਤ ਭੇਜੀ ਗਈ ਈਮੇਲ ‘ਚ ਆਜ਼ਾਦੀ ਦਿਵਸ ਤੱਕ ਪੁਲਸ ਸਟੇਸ਼ਨਾਂ ‘ਤੇ ਗ੍ਰਨੇਡ ਹਮਲਿਆਂ (Grenade attacks) ਦੀ ਧਮਕੀ ਦੇਣ ਦੇ ਨਾਲ-ਨਾਲ ਲੋਕਾਂ ਨੂੰ ਰੇਲ ਗੱਡੀ ਰਾਹੀਂ ਯਾਤਰਾ ਨਾ ਕਰਨ ਜਾਂ ਆਪਣੇ ਬੱਚਿਆਂ ਨੂੰ ਸਕੂਲਾਂ ਅਤੇ ਆਜ਼ਾਦੀ ਦਿਵਸ ਦੇ ਸਮਾਗਮਾਂ ਵਿੱਚ ਨਾ ਭੇਜਣ ਲਈ ਕਿਹਾ ਗਿਆ ਸੀ । ਪੁਲਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਤੇ ਤਕਨੀਕੀ ਟੀਮਾਂ ਈਮੇਲ ਦੀ ਜਾਂਚ ਕਰ ਰਹੀਆਂ ਹਨ ਤਾਂ ਜੋ ਇਸਦੇ ਮੂਲ ਅਤੇ ਪਹਿਲਾਂ ਦੇ ਧਮਕੀ ਸੰਦੇਸ਼ਾਂ ਨਾਲ ਸੰਭਾਵਿਤ ਸਬੰਧਾਂ ਬਾਰੇ ਸੁਰਾਗ ਮਿਲ ਸਕਣ ।
