ਮਹਾਰਾਸ਼ਟਰ, 9 ਜੁਲਾਈ 2026 : ਭਾਰਤ ਦੇਸ਼ ਦੇ ਸੂਬੇ ਮਹਾਰਾਸ਼ਟਰ (Maharashtra) ਵਿਖੇ ਬੁੱਧਵਾਰ ਤੇ ਵੀਰਵਾਰ ਦੀ ਦਰਮਿਆਨੀ ਰਾਤ ਨੂੰ ਭੂਚਾਲ (Earthquake) ਦੇ ਝਟਕੇ ਮਹਿਸੂਸ ਕੀਤੇ ਜਾਣ ਦਾ ਪਤਾ ਚੱਲਿਆ ਹੈ ।
ਕਿੰਨੀ ਤੀਬਰਤਾ ਸੀ ਭੂਚਾਲ ਦੀ
ਮਿਲੀ ਜਾਣਕਾਰੀ ਅਨੁਸਾਰ ਮਹਾਰਾਸ਼ਟਰ ਵਿੱਚ ਲਗਾਤਾਰ ਭਾਰੀ ਬਾਰਸ਼ ਦੇ ਵਿਚਕਾਰ ਜੋ ਵੀਰਵਾਰ ਨੂੰ ਤੇਜ਼ ਭੂਚਾਲ ਆਇਆ ਦੇ ਝਟਕੇ ਮਰਾਠਵਾੜਾ ਖੇਤਰ ਦੇ ਨੰਦੇੜ, ਹਿੰਗੋਲੀ ਅਤੇ ਪਰਭਣੀ ਜਿ਼ਲ੍ਹਿਆਂ ਵਿੱਚ ਮਹਿਸੂਸ ਕੀਤੇ ਗਏ । ਜਾਣਕਾਰੀ ਮੁਤਾਬਕ ਭੂਚਾਲ ਦੇ ਝਟਕੇ ਸਵੇਰੇ 1.37 ਵਜੇ ਤੋਂ 3.23 ਵਜੇ ਦੇ ਵਿਚਕਾਰ ਮਹਿਸੂਸ ਕੀਤੇ ਗਏ ਅਤੇ ਰਿਕਟਰ ਪੈਮਾਨੇ ‘ਤੇ ਉਨ੍ਹਾਂ ਦੀ ਤੀਬਰਤਾ (Intensity) 3.6 ਅਤੇ 4.6 ਦੇ ਵਿਚਕਾਰ ਮਾਪੀ ਗਈ ।
ਭੂਚਾਲ ਦੇ ਝਟਕਿਆਂ ਦੌਰਾਨ ਕਿਸੇ ਜਾਨੀ-ਮਾਲੀ ਨੁਕਸਾਨ ਦੀ ਕੋਈ ਰਿਪੋਰਟ ਨਹੀਂ
ਭੂਚਾਲ ਦਾ ਕੇਂਦਰ ਹਿੰਗੋਲੀ ਜਿਲ੍ਹੇ ਦੇ ਵਸਮਤ ਤਾਲੁਕਾ ਦੇ ਸਿ਼ਰਲੀ ਪਿੰਡ ਵਿੱਚ ਸੀ । ਖੁਸ਼ਕਿਸਮਤੀ ਨਾਲ ਕਿਸੇ ਵੀ ਜਾਨੀ ਜਾਂ ਮਾਲੀ ਨੁਕਸਾਨ ਦੀ ਕੋਈ ਰਿਪੋਰਟ ਨਹੀਂ ਹੈ । ਜਦੋਂ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ ਤਾਂ ਜਿਆਦਾਤਰ ਲੋਕ ਘਰ ਵਿੱਚ ਸੁੱਤੇ ਹੋਏ ਸਨ । ਪਿਛਲੇ ਛੇ ਸਾਲਾਂ ਵਿੱਚ ਹਿੰਗੋਲੀ ਜਿਲ੍ਹੇ ਦੇ ਔਂਧਾ ਨਾਗਨਾਥ, ਕਲਾਮਨੂਰੀ ਅਤੇ ਵਸਮਤ ਤਾਲੁਕਾਵਾਂ ਵਿੱਚ 37 ਤੋਂ ਵੱਧ ਹਲਕੇ ਭੂਚਾਲ ਦੇ ਝਟਕੇ ਦਰਜ ਕੀਤੇ ਗਏ ਹਨ । ਹਾਲਾਂਕਿ ਇਹ ਇੱਕ ਰਾਤ ਵਿੱਚ ਚਾਰ ਭੂਚਾਲਾਂ ਦਾ ਪਹਿਲਾ ਮਾਮਲਾ ਹੈ ।
