ਚੰਡੀਗੜ੍ਹ, 15 ਜੂਨ 2026 : ਆਮ ਆਦਮੀ ਪਾਰਟੀ ਸਰਕਾਰ ਦੀ ਮੁੱਖ ਮੰਤਰੀ (Chief Minister) ਵਜੋਂ ਅਗਵਾਈ ਕਰ ਰਹੇ ਭਗਵੰਤ ਸਿੰਘ ਮਾਨ ਨੇ ਅੱਜ ਯੂ. ਪੀ. ਐਸ. ਸੀ. ਪ੍ਰੀਖਿਆਰਥੀਆਂ ਨੂੰ ਸਨਮਾਨਤ (Honored) ਕੀਤਾ ।
ਕਿਥੇ ਕੀਤਾ ਮੁੱਖ ਮੰਤਰੀ ਨੇ ਸਨਮਾਨ
ਮਿਲੀ ਜਾਣਕਾਰੀ ਅਨੁਸਾਰ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ (Bhagwant Mann) ਨੇ ਜੋ ਅੱਜ ਯੂ. ਪੀ. ਐਸ. ਸੀ. ਪ੍ਰੀਖਿਆ ਪਾਸ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਸਨਮਾਨਿਤ ਕੀਤਾ ਹੈ ਮੌਕੇ ਵਿਦਿਆਰਥੀਆਂ ਦੇ ਮਾਪੇ ਵੀ ਮੌਜੂਦ ਸਨ । ਸਨਮਾਨ ਸਮਾਗਮ ਪੰਜਾਬ ਭਵਨ ਵਿਖੇ ਕਰਵਾਇਆ ਗਿਆ । ਪੰਜਾਬ ਦੇ ਕਈ ਉਮੀਦਵਾਰਾਂ ਨੇ ਯੂਨੀਅਨ ਪਬਲਿਕ ਸਰਵਿਸ ਕਮਿਸ਼ਨ (Union Public Service Commission) ਸਿਵਲ ਸੇਵਾਵਾਂ ਪ੍ਰੀਖਿਆ 2025 ‘ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ । ਪਟਿਆਲਾ ਜਿ਼ਲ੍ਹੇ ਦੇ ਨਾਭਾ ਦੀ ਰਹਿਣ ਵਾਲੀ ਸਿਮਰਨਦੀਪ ਕੌਰ ਨੇ ਪੰਜਾਬ ‘ਚ ਸਭ ਤੋਂ ਵੱਧ ਪ੍ਰਦਰਸ਼ਨ ਕੀਤਾ, 15 ਦਾ ਆਲ ਇੰਡੀਆ ਰੈਂਕ (ਏ. ਆਈ. ਆਰ.) ਪ੍ਰਾਪਤ ਕੀਤਾ । ਇੱਕ ਕਿਸਾਨ ਪਰਿਵਾਰ ਤੋਂ ਆਉਣ ਵਾਲੀ ਸਿਮਰਨਦੀਪ ਸਟੇਟ ਟਾਪਰ ਬਣੀ ।
ਕਿਸ ਪ੍ਰੀਖਿਆਰਥੀ ਨੇ ਕਿਹੜਾ ਰੈਂਕ ਕੀਤਾ ਪ੍ਰਾਪਤ
ਪਟਿਆਲਾ ਜਿ਼ਲ੍ਹੇ ਦੇ ਰਾਜਪੁਰਾ ਦੀ ਰਹਿਣ ਵਾਲੀ ਰਸਨੀਤ ਕੌਰ ਨੇ ਯੂ. ਪੀ. ਐਸ. ਸੀ. ਸਿਵਲ ਸੇਵਾਵਾਂ ਪ੍ਰੀਖਿਆ 2025 ‘ਚ ਏ. ਆਈ. ਆਰ. 51 ਪ੍ਰਾਪਤ ਕੀਤਾ । ਬਿਜਲੀ ਲਾਈਨਮੈਨ ਦੀ ਧੀ ਰਸਨੀਤ ਨੇ ਬਿਨਾਂ ਕਿਸੇ ਕੋਚਿੰਗ ਦੇ ਆਪਣੀ ਪਹਿਲੀ ਕੋਸਿ਼ਸ਼ ਵਿਚ ਇਹ ਸਫਲਤਾ ਪ੍ਰਾਪਤ ਕੀਤੀ । ਫਰੀਦਕੋਟ ਦੇ ਸੁਨਾਵਰਦੀਪ ਸਿੰਘ ਮੈਸਨ ਨੇ ਏ. ਆਈ. ਆਰ. 76 ਪ੍ਰਾਪਤ ਕੀਤਾ ।
ਪੰਜਾਬ ਸਹਿਕਾਰੀ ਵਿਭਾਗ ਵਿੱਚ ਗ੍ਰੇਡ-ਬੀ ਇੰਸਪੈਕਟਰ ਵਜੋਂ ਕੰਮ ਕਰਨ ਵਾਲੇ ਸੁਨਾਵਰਦੀਪ ਨੇ ਆਪਣੀ ਤੀਜੀ ਕੋਸਿ਼ਸ਼ ਵਿਚ ਇਹ ਸਫਲਤਾ ਪ੍ਰਾਪਤ ਕੀਤੀ । ਬਠਿੰਡਾ ਦੀ ਨਵਨੀਤ ਕੌਰ ਨੇ 111, ਫਾਜ਼ਿਲਕਾ ਦੀ ਆਕ੍ਰਿਤੀ ਸਿੰਗਲਾ ਨੇ 122 ਅਤੇ ਕਪੂਰਥਲਾ ਜਿ਼ਲ੍ਹੇ ਦੇ ਫਗਵਾੜਾ ਦੇ ਸਿਦਕ ਸਿੰਘ ਨੇ 157 ਪ੍ਰਾਪਤ ਕੀਤੇ । ਸਿਦਕ ਸਿੰਘ ਨੇ ਇਹ ਉਪਲਬਧੀ ਆਪਣੀ ਛੇਵੀਂ ਕੋਸ਼ਿਸ਼ ‘ਚ ਹਾਸਲ ਕੀਤੀ । ਜਲੰਧਰ ਦੀ ਆਰੂਸ਼ੀ ਨੇ 184 ਪ੍ਰਾਪਤ ਕੀਤਾ। ਉਸਨੇ ਜ਼ਿਲ੍ਹਾ ਪ੍ਰਸ਼ਾਸਨ ਦੁਆਰਾ ਚਲਾਏ ਜਾ ਰਹੇ ਇੱਕ ਮੁਫ਼ਤ ਕੋਚਿੰਗ ਪ੍ਰੋਗਰਾਮ ਰਾਹੀਂ ਤਿਆਰੀ ਕੀਤੀ ਸੀ ।
ਲੁਧਿਆਣਾ ਜਿ਼ਲ੍ਹੇ ਦੇ ਖੰਨਾ ਖੇਤਰ ਦੇ ਪਿੰਡ ਭਾਮਦੀ ਦੇ ਜਸਕਰਨ ਸਿੰਘ ਨੇ 240 ਪ੍ਰਾਪਤ ਕੀਤਾ। ਮੋਹਾਲੀ ਦੀ ਕ੍ਰਿਤਿਕਾ ਚੌਧਰੀ ਨੇ ਇਸ ਸਾਲ ਦੀ ਪ੍ਰੀਖਿਆ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ, ਦੇਸ਼ ਵਿੱਚ 312ਵਾਂ ਰੈਂਕ ਪ੍ਰਾਪਤ ਕੀਤਾ । ਕ੍ਰਿਤਿਕਾ ਦੇ ਪਿਤਾ, ਰਾਜੀਵ ਕੁਮਾਰ ਗੁਰਜਰ, ਪੰਜਾਬ ਪੁਲਸ ਵਿੱਚ ਇੰਸਪੈਕਟਰ ਵਜੋਂ ਤਾਇਨਾਤ ਹਨ । ਪਰਿਵਾਰ ਹਮੇਸ਼ਾ ਸਿੱਖਿਆ ਅਤੇ ਅਨੁਸ਼ਾਸਨ ‘ਤੇ ਜ਼ੋਰ ਦਿੰਦਾ ਸੀ, ਜਿਸਨੇ ਕ੍ਰਿਤਿਕਾ ਨੂੰ ਉਸਦੇ ਟੀਚਿਆਂ ਨੂੰ ਪੂਰਾ ਕਰਨ ਵਿੱਚ ਮਦਦ ਕੀਤੀ ।
