ਕੌਣ ਹੈ Miss India Universe 2024 ਦਾ ਖਿਤਾਬ ਜਿੱਤਣ ਵਾਲੀ ਰਿਆ ਸਿੰਘਾ?
ਰਿਆ ਸਿੰਘਾ ਨੇ ਐਤਵਾਰ 22 ਸਤੰਬਰ ਨੂੰ ਰਾਜਸਥਾਨ ਦੀ ਰਾਜਧਾਨੀ ਜੈਪੁਰ ਵਿੱਚ ਕਰਵਾਏ ਗਏ Miss Universe India 2024 ਮੁਕਾਬਲੇ ਦਾ ਖਿਤਾਬ ਜਿੱਤ ਲਿਆ ਹੈ। ਇਹ ਮੁਕਾਬਲਾ ਹਰ ਸਾਲ ਕਰਵਾਇਆ ਜਾਂਦਾ ਹੈ ਅਤੇ ਇਸਦੀ ਜੇਤੂ ਅੰਤਰਰਾਸ਼ਟਰੀ ਪੱਧਰ ‘ਤੇ ਆਯੋਜਿਤ ਮਿਸ ਯੂਨੀਵਰਸ ਮੁਕਾਬਲੇ ਵਿੱਚ ਭਾਰਤ ਦੀ ਨੁਮਾਇੰਦਗੀ ਕਰਦੀ ਹੈ। ਇਸ ਸਾਲ ਰਿਆ ਸਿੰਘਾ ਨੂੰ ਇਹ ਮੌਕਾ ਮਿਲਿਆ ਹੈ।
9 ਸਾਲ ਪਹਿਲਾਂ ਉਰਵਸ਼ੀ ਨੇ ਵੀ ਪਹਿਨਿਆ ਸੀ ਇਹ ਤਾਜ
ਇਸ ਸਾਲ ਕਰਵਾਏ ਗਏ ਇਸ ਮੁਕਾਬਲੇ ਵਿੱਚ 2015 ਵਿੱਚ ਮਿਸ ਯੂਨੀਵਰਸ ਇੰਡੀਆ ਰਹੀ ਉਰਵਸ਼ੀ ਰੌਤੇਲਾ ਨੇ ਜੱਜ ਵਜੋਂ ਸ਼ਿਰਕਤ ਕੀਤੀ ਅਤੇ ਆਪਣੇ ਹੱਥਾਂ ਨਾਲ ਰਿਆ ਸਿੰਘਾ ਦੇ ਸਿਰ ‘ਤੇ ਤਾਜ ਸਜਾਇਆ। ਉਰਵਸ਼ੀ ਨੇ ਵੀ 9 ਸਾਲ ਪਹਿਲਾਂ ਇਹ ਤਾਜ ਪਹਿਨਿਆ ਸੀ। ਰੀਆ ਨੂੰ ਇਸ ਨੂੰ ਪਹਿਨਾਉਂਦੇ ਸਮੇਂ ਉਰਵਸ਼ੀ ਦੇ ਚਿਹਰੇ ‘ਤੇ ਅਦਭੁਤ ਖੁਸ਼ੀ ਸੀ, ਜਿਸ ਬਾਰੇ ਉਸ ਨੇ ਬਾਅਦ ਵਿਚ ਦੱਸਿਆ ਕਿ ਉਹ ਵੀ ਇਨ੍ਹਾਂ ਕੁੜੀਆਂ ਵਾਂਗ ਹੀ ਮਹਿਸੂਸ ਕਰ ਰਹੀ ਹੈ ਅਤੇ ਉਸ ਨੂੰ ਉਮੀਦ ਹੈ ਕਿ ਭਾਰਤ ਇਸ ਸਾਲ ਦੁਬਾਰਾ ਮਿਸ ਯੂਨੀਵਰਸ ਦਾ ਤਾਜ ਜਿੱਤੇਗਾ।
ਕੌਣ ਹੈ ਰੀਆ ਸਿੰਘਾ?
ਤੁਹਾਨੂੰ ਦੱਸ ਦੇਈਏ ਕਿ ਰੀਆ ਸਿੰਘਾ ਗੁਜਰਾਤ ਦੇ ਅਹਿਮਦਾਬਾਦ ਦੀ ਰਹਿਣ ਵਾਲੀ ਹੈ ਅਤੇ ਸਿਰਫ 19 ਸਾਲ ਦੀ ਹੈ। ਉਸ ਦੇ ਮਾਤਾ-ਪਿਤਾ ਦੇ ਨਾਂ ਰੀਟਾ ਸਿੰਘਾ ਅਤੇ ਬ੍ਰਿਜੇਸ਼ ਸਿੰਘਾ ਹਨ। ਵਰਤਮਾਨ ਵਿੱਚ ਰੀਆ ਜੀਐਸਐਲ ਯੂਨੀਵਰਸਿਟੀ, ਗੁਜਰਾਤ ਤੋਂ ਆਪਣੀ ਪੜ੍ਹਾਈ ਕਰ ਰਹੀ ਹੈ।
16 ਸਾਲ ਦੀ ਉਮਰ ਵਿੱਚ ਮਾਡਲਿੰਗ ਸ਼ੁਰੂ ਕੀਤੀ
ਉਸਨੇ 16 ਸਾਲ ਦੀ ਉਮਰ ਵਿੱਚ ਮਾਡਲਿੰਗ ਸ਼ੁਰੂ ਕੀਤੀ ਸੀ ਅਤੇ ਮਿਸ ਟੀਨ ਗੁਜਰਾਤ ਦਾ ਖਿਤਾਬ ਵੀ ਜਿੱਤ ਚੁੱਕੀ ਹੈ। ਰੀਆ ਦੀਆਂ ਪ੍ਰਾਪਤੀਆਂ ਇੱਥੇ ਹੀ ਖਤਮ ਨਹੀਂ ਹੁੰਦੀਆਂ। ਸਾਲ 2023 ਵਿੱਚ, ਉਸਨੇ ਮਿਸ ਟੀਨ ਯੂਨੀਵਰਸ ਮੁਕਾਬਲੇ ਵਿੱਚ ਵੀ ਭਾਰਤ ਦੀ ਪ੍ਰਤੀਨਿਧਤਾ ਕੀਤੀ। ਇਹ ਮੁਕਾਬਲਾ ਮੈਡ੍ਰਿਡ ‘ਚ ਕਰਵਾਇਆ ਗਿਆ, ਜਿਸ ‘ਚ 25 ਹੋਰ ਔਰਤਾਂ ਨੇ ਵੀ ਹਿੱਸਾ ਲਿਆ। ਰੀਆ ਨੇ ਇਸ ਮੁਕਾਬਲੇ ‘ਚ ਟਾਪ 6 ‘ਚ ਆਪਣੀ ਜਗ੍ਹਾ ਬਣਾਈ ਸੀ।
ਮਿਸ ਯੂਨੀਵਰਸ ਮੁਕਾਬਲੇ ਵਿੱਚ ਭਾਰਤ ਦੀ ਪ੍ਰਤੀਨਿਧਤਾ ਕਰੇਗੀ ਰੀਆ
ਐਤਵਾਰ ਨੂੰ ਮਿਸ ਯੂਨੀਵਰਸ ਇੰਡੀਆ ਦਾ ਤਾਜ ਜਿੱਤਣ ਤੋਂ ਬਾਅਦ ਰੀਆ ਨੇ ਕਿਹਾ ਕਿ ਉਹ ਖੁਦ ਨੂੰ ਇਸ ਖਿਤਾਬ ਦੇ ਯੋਗ ਸਮਝਦੀ ਹੈ ਅਤੇ ਉਹ ਸਾਬਕਾ ਮਿਸ ਯੂਨੀਵਰਸ ਜੇਤੂਆਂ ਤੋਂ ਵੀ ਕਾਫੀ ਪ੍ਰੇਰਨਾ ਲੈਂਦੀ ਹੈ। ਰਿਆ ਸਿੰਘਾ ਇਸ ਸਾਲ ਮਿਸ ਯੂਨੀਵਰਸ ਮੁਕਾਬਲੇ ਵਿੱਚ ਭਾਰਤ ਦੀ ਪ੍ਰਤੀਨਿਧਤਾ ਕਰੇਗੀ।
ਇਹ ਵੀ ਪੜ੍ਹੋ : ਅੱਜ CM ਆਤਿਸ਼ੀ ਸੰਭਾਲੇਗੀ ਦਿੱਲੀ ਦੀ ਕਮਾਨ, ਕੈਬਨਿਟ ਮੀਟਿੰਗ ‘ਚ ਲੈ ਸਕਦੀ ਹੈ ਵੱਡੇ ਫ਼ੈਸਲੇ
ਇਸ ਸਾਲ ਮਿਸ ਯੂਨੀਵਰਸ ਮੁਕਾਬਲਾ ਮੈਕਸੀਕੋ ‘ਚ ਹੋਵੇਗਾ
ਇਸ ਸਾਲ ਮਿਸ ਯੂਨੀਵਰਸ ਮੁਕਾਬਲਾ ਮੈਕਸੀਕੋ ‘ਚ ਹੋਵੇਗਾ, ਜਿਸ ‘ਚ ਰਿਆ ਭਾਰਤ ਦੀ ਪ੍ਰਤੀਨਿਧਤਾ ਕਰੇਗੀ। ਇਸ ਵਿੱਚ 100 ਤੋਂ ਵੱਧ ਪ੍ਰਤੀਯੋਗੀ ਹਿੱਸਾ ਲੈਣਗੇ, ਜਿਨ੍ਹਾਂ ਵਿੱਚੋਂ ਇੱਕ ਨੂੰ ਮਿਸ ਯੂਨੀਵਰਸ ਦਾ ਤਾਜ ਪਹਿਨਾਇਆ ਜਾਵੇਗਾ। ਭਾਰਤ ਦਾ ਆਖਰੀ ਮਿਸ ਯੂਨੀਵਰਸ ਖਿਤਾਬ ਹਰਨਾਜ਼ ਸੰਧੂ ਨੇ ਸਾਲ 2021 ਵਿੱਚ ਜਿੱਤਿਆ ਸੀ।
