ਟਰੰਪ ਨੇ ਜੋਅ ਬਾਈਡਨ ਨੂੰ ਗੋਲਫ ਖੇਲਣ ਦਾ ਦਿੱਤਾ ਚੈਂਲੇਂਜ , ਜਿੱਤਣ ‘ਤੇ ਦਵਾਂਗਾ 8 ਕਰੋੜ ਰੁਪਏ

ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਮੌਜੂਦਾ ਰਾਸ਼ਟਰਪਤੀ ਜੋਅ ਬਾਈਡਨ ਨੂੰ ਗੋਲਫ ਮੈਚ ਖੇਡਣ ਦੀ ਚੁਣੌਤੀ ਦਿੱਤੀ ਹੈ। ਟਰੰਪ ਨੇ ਕਿਹਾ ਕਿ ਜੇਕਰ ਉਹ ਬਾਈਡਨ ਤੋਂ ਹਾਰ ਜਾਂਦੇ ਹਨ, ਤਾਂ ਉਹ ਰਾਸ਼ਟਰਪਤੀ ਦੀ ਪਸੰਦ ਦੇ ਚੈਰਿਟੀ ਨੂੰ 1 ਮਿਲੀਅਨ ਡਾਲਰ (8.35 ਕਰੋੜ ਰੁਪਏ) ਦਾਨ ਕਰਨਗੇ।

ਟਰੰਪ ਨੇ ਦੱਖਣੀ ਫਲੋਰੀਡਾ ਵਿਚ ਇਕ ਰੈਲੀ ਦੌਰਾਨ ਬਾਈਡਨ ਨੂੰ ਚੁਣੌਤੀ ਦਿੰਦੇ ਹੋਏ ਕਿਹਾ, “ਮੈਂ ਅਧਿਕਾਰਤ ਤੌਰ ‘ਤੇ ਰਾਸ਼ਟਰਪਤੀ ਜੋਅ ਬਾਈਡਨ ਨੂੰ ਡੋਰਲ ਵਿਚ ਬਲੂ ਮੋਨਸਟਰ ਵਿਚ 18-ਹੋਲ ਗੋਲਫ ਮੈਚ ਲਈ ਚੁਣੌਤੀ ਦੇ ਰਿਹਾ ਹਾਂ, ਜਿਸ ਨੂੰ ਦੁਨੀਆ ਵਿਚ ਸਭ ਤੋਂ ਵਧੀਆ ” ਟੂਰਨਾਮੈਂਟਾਂ ਵਿੱਚੋਂ ਇੱਕ” ਗੋਲਫ ਕੋਰਸ ਮੰਨਿਆ ਜਾਂਦਾ ਹੈ |

ਬਾਈਡਨ ਕਦੇ ਵੀ ਇਸ ਪ੍ਰਸਤਾਵ ਨੂੰ ਨਹੀਂ ਕਰਨਗੇ ਸਵੀਕਾਰ

ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਟਰੰਪ ਨੇ ਕਿਹਾ ਕਿ ਜੇਕਰ ਇਹ ਮੁਕਾਬਲਾ ਹੁੰਦਾ ਹੈ ਤਾਂ ਇਹ ਇਤਿਹਾਸ ਵਿੱਚ ਸਭ ਤੋਂ ਵੱਧ ਦੇਖੇ ਜਾਣ ਵਾਲੇ ਮੁਕਾਬਲਿਆਂ ਵਿੱਚੋਂ ਇੱਕ ਹੋਵੇਗਾ। ਸ਼ਾਇਦ ਇਹ ਰਾਈਡਰ ਕੱਪ ਜਾਂ ਮਾਸਟਰਜ਼ ਨਾਲੋਂ ਵੱਡਾ ਈਵੈਂਟ ਹੋਵੇਗਾ। ਹਾਲਾਂਕਿ, ਟਰੰਪ ਨੇ ਕਿਹਾ ਕਿ ਉਹ ਸਟਾ ਲਗਾ ਸਕਦੇ ਹਨ ਕਿ ਬਾਈਡਨ ਕਦੇ ਵੀ ਇਸ ਪ੍ਰਸਤਾਵ ਨੂੰ ਸਵੀਕਾਰ ਨਹੀਂ ਕਰਨਗੇ।

ਬਾਈਡਨ ਦੀ ਟੀਮ ਨੇ ਪ੍ਰਸਤਾਵ ਨੂੰ ਠੁਕਰਾਇਆ

ਇਸ ਦੌਰਾਨ ਬਾਈਡਨ ਦੀ ਟੀਮ ਨੇ ਟਰੰਪ ਦੇ ਪ੍ਰਸਤਾਵ ਨੂੰ ਠੁਕਰਾ ਦਿੱਤਾ ਹੈ। ਨਿਊਯਾਰਕ ਪੋਸਟ ਦੇ ਮੁਤਾਬਕ ਰਾਸ਼ਟਰਪਤੀ ਦੇ ਬੁਲਾਰੇ ਜੇਮਸ ਸਿੰਗਰ ਨੇ ਇਕ ਬਿਆਨ ਵਿਚ ਕਿਹਾ, “ਡੋਨਾਲਡ ਟਰੰਪ, ਜੋ 12 ਦਿਨਾਂ ਤੋਂ ਜਨਤਕ ਤੌਰ ‘ਤੇ ਨਹੀਂ ਦਿਖੇ ਗਏ ਸਨ, ਹੁਣ ਵਾਪਸ ਆ ਗਏ ਹਨ ਅਤੇ ਅਮਰੀਕਾ ਦੇ ਰਾਸ਼ਟਰਪਤੀ ਨੂੰ ਗੋਲਫ ਦੀ ਖੇਡ ਲਈ ਚੁਣੌਤੀ ਦੇ ਰਹੇ ਹਨ।”

ਟਰੰਪ ਸਿਰਫ ਆਪਣੇ ਲਈ ਕਰਦਾ ਹੈ ਕੰਮ

ਬਾਈਡਨ ਦੇ ਬੁਲਾਰੇ ਨੇ ਅੱਗੇ ਕਿਹਾ – ਅਸੀਂ ਟਰੰਪ ਨੂੰ ਨੌਕਰੀਆਂ ਪੈਦਾ ਕਰਨ ਦੀ ਚੁਣੌਤੀ ਦਿੰਦੇ ਹਾਂ, ਹਾਲਾਂਕਿ ਜਦੋਂ ਉਹ ਸੱਤਾ ਵਿੱਚ ਸਨ, ਦੇਸ਼ ਵਿੱਚ ਲਗਭਗ 30 ਲੱਖ ਲੋਕਾਂ ਨੇ ਆਪਣੀਆਂ ਨੌਕਰੀਆਂ ਗੁਆ ਦਿੱਤੀਆਂ ਸਨ। ਅਸੀਂ ਟਰੰਪ ਨੂੰ ਪੁਤਿਨ ਦਾ ਸਾਹਮਣਾ ਕਰਨ ਦੀ ਚੁਣੌਤੀ ਦਿੰਦੇ ਹਾਂ, ਪਰ ਉਹ ਉਸ ਅੱਗੇ ਝੁਕਦਾ ਹੈ। ਅਸੀਂ ਟਰੰਪ ਨੂੰ ਕਾਨੂੰਨ ਦੀ ਪਾਲਣਾ ਕਰਨ ਲਈ ਕਹਿੰਦੇ ਹਾਂ ਪਰ ਉਹ ਇਸ ਦੇ ਉਲਟ ਕਰਦਾ ਹੈ।

ਬੁਲਾਰੇ ਜੇਮਸ ਸਿੰਗਰ ਨੇ ਅੱਗੇ ਕਿਹਾ ਕਿ ਰਾਸ਼ਟਰਪਤੀ ਕੋਲ ਡੋਨਾਲਡ ਟਰੰਪ ਦੀਆਂ ਅਜੀਬ ਹਰਕਤਾਂ ਲਈ ਸਮਾਂ ਨਹੀਂ ਹੈ। ਉਹ ਅਮਰੀਕਾ ਦੀ ਅਗਵਾਈ ਕਰਨ ਵਿੱਚ ਰੁੱਝਿਆ ਹੋਇਆ ਹੈ। ਟਰੰਪ ਇੱਕ ਝੂਠਾ, ਅਪਰਾਧੀ ਅਤੇ ਇੱਕ ਧੋਖੇਬਾਜ਼ ਹੈ ਜੋ ਸਿਰਫ ਆਪਣੇ ਲਈ ਕੰਮ ਕਰਦਾ ਹੈ।

ਬਹਿਸ ਦੌਰਾਨ ਵੀ ਦਿੱਤਾ ਸੀ ਚੈਂਲੇਂਜ

ਪਿਛਲੇ ਮਹੀਨੇ 27 ਜੂਨ ਨੂੰ ਡੋਨਾਲਡ ਟਰੰਪ ਅਤੇ ਜੋਅ ਬਾਈਡਨ ਵਿਚਕਾਰ ਪਹਿਲੀ ਚੋਣ ਬਹਿਸ ਹੋਈ ਸੀ। ਇਸ ਦੌਰਾਨ CNN ਐਂਕਰ ਨੇ ਟਰੰਪ ਨੂੰ ਉਮਰ ਨੂੰ ਲੈ ਕੇ ਸਵਾਲ ਪੁੱਛਿਆ ਸੀ। ਇਸ ਦੇ ਜਵਾਬ ‘ਚ ਟਰੰਪ ਨੇ ਕਿਹਾ ਕਿ ਉਨ੍ਹਾਂ ਦੀ ਸਿਹਤ ਬਾਈਡਨ ਦੇ ਮੁਕਾਬਲੇ ਕਾਫੀ ਬਿਹਤਰ ਹੈ।

ਇਹ ਵੀ ਪੜ੍ਹੋ : ਪਤਨੀ ਨੇ ਪ੍ਰੇਮੀ ਨਾਲ ਮਿਲ ਕੇ ਛੁੱਟੀ ‘ਤੇ ਘਰ ਆਏ BSF ਜਵਾਨ ਦੀ ਰੋਟੀ ‘ਚ ਮਿਲਾਇਆ ਜ਼ਹਿਰ

ਟਰੰਪ ਨੇ ਕਿਹਾ ਸੀ ਕਿ ਉਨ੍ਹਾਂ ਨੇ ਹਾਲ ਹੀ ‘ਚ ਦੋ ਕਲੱਬ ਪੱਧਰੀ ਗੋਲਫ ਟੂਰਨਾਮੈਂਟ ਜਿੱਤੇ ਹਨ। ਸਿਰਫ਼ ਉਹੀ ਕਰ ਸਕਦੇ ਹਨ ਜੋ ਮਾਨਸਿਕ ਅਤੇ ਸਰੀਰਕ ਤੌਰ ‘ਤੇ ਤੰਦਰੁਸਤ ਹਨ। ਜਿਨ੍ਹਾਂ ਕੋਲ ਗੇਂਦ ਨੂੰ ਦੂਰ ਤੱਕ ਹਿੱਟ ਕਰਨ ਦੀ ਤਾਕਤ ਹੁੰਦੀ ਹੈ। ਬਾਈਡਨ 50 ਗਜ਼ ਦੀ ਦੂਰੀ ‘ਤੇ ਵੀ ਗੇਂਦ ਨੂੰ ਨਹੀਂ ਮਾਰ ਸਕਦਾ | ਟਰੰਪ ਨੇ ਬਹਿਸ ਦੌਰਾਨ ਹੀ ਬਾਈਡਨ ਨੂੰ ਗੋਲਫ ਮੈਚ ਦੀ ਚੁਣੌਤੀ ਦਿੱਤੀ ਸੀ। ਜਵਾਬ ਵਿੱਚ, ਬਾਈਡਨ ਨੇ ਟਰੰਪ ਨੂੰ ਬੱਚਿਆਂ ਵਾਂਗ ਵਿਵਹਾਰ ਨਾ ਕਰਨ ਦੀ ਸਲਾਹ ਦਿੱਤੀ।