Bollywood ਦਾ ਇਹ ਅਦਾਕਾਰ 10 ਮਿੰਟਾਂ ਦੇ ਚਾਰਜ ਕਰਦਾ ਹੈ 10 ਕਰੋੜ ਰੁਪਏ
Bollywood ਵਿੱਚ ਕਈ ਅਜਿਹੇ ਕਲਾਕਾਰ ਹਨ ਜੋ ਆਪਣੇ ਇੱਕ ਪ੍ਰੋਜੈਕਟ ਜਾਂ ਇੱਕ ਫ਼ਿਲਮ ਲਈ ਕਰੋੜਾਂ ਦੇ ਵਿੱਚ ਪੈਸੇ ਲੈਂਦੇ ਹਨ | ਪਰ ਇਸੇ ਦੇ ਵਿੱਚ ਕੁਝ ਅਜਿਹੇ ਵੀ ਹਨ ਜੋ ਬਸ ਕੁਝ ਮਿੰਟਾਂ ਵਿੱਚ ਹੀ ਕਰੋੜਾਂ ਰੁਪਏ ਇਕੱਠੇ ਕਰ ਲੈਂਦੇ ਹਨ। ਇਸ ਲਈ ਅੱਜ ਅਸੀਂ ਤੁਹਾਨੂੰ ਅਜਿਹੇ ਹੀ ਕਲਾਕਾਰ ਬਾਰੇ ਦੱਸਣ ਜਾ ਰਹੇ ਹਾਂ ਜੋ ਕੁਝ ਮਿੰਟਾਂ ਦੇ ਸੀਨ ਲਈ ਕਰੋੜਾਂ ਰੁਪਏ ਚਾਰਜ ਕਰਦਾ ਹੈ। ਹੁਣ ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਇਹ ਕੌਣ ਹੈ ਜੋ ਇੰਨੀ ਕਮਾਈ ਕਰਦਾ ਹੈ । ਦਰਅਸਲ ਅਸੀਂ ਜਿਸ ਸ਼ਖਸ ਦੀ ਗੱਲ ਕਰ ਰਹੇ ਹਾਂ ਉਹ ਕੋਈ ਹੋਰ ਨਹੀਂ ਸਗੋਂ ਸਲਮਾਨ ਖਾਨ ਹਨ।
27 ਦਸੰਬਰ ਨੂੰ ਬਾਲੀਵੁੱਡ ਦੇ ਭਾਈਜਾਨ ਨੇ ਆਪਣਾ ਜਨਮਦਿਨ ਮਨਾਇਆ। ਹੁਣ ਜੇਕਰ ਸਲਮਾਨ ਖਾਨ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਆਪਣੇ ਕਰੀਅਰ ‘ਚ ਇਕ ਤੋਂ ਵਧ ਕੇ ਇਕ ਫਿਲਮਾਂ ਦਿੱਤੀਆਂ ਹਨ ਅਤੇ ਖੂਬ ਕਮਾਈ ਕੀਤੀ ਹੈ। ਹਰ ਕੋਈ ਇਸ ਗੱਲ ਤੋਂ ਵੀ ਵਾਕਿਫ ਹੈ ਕਿ ਸਲਮਾਨ ਖਾਨ ਆਲੀਸ਼ਾਨ ਜ਼ਿੰਦਗੀ ਜਿਊਣਾ ਪਸੰਦ ਕਰਦੇ ਹਨ ਪਰ ਫਿਰ ਵੀ ਉਹ ਜ਼ਮੀਨ ਨਾਲ ਜੁੜੇ ਹੋਏ ਹਨ।
ਕੁਝ ਮਿੰਟਾਂ ਦਾ ਵਿਗਿਆਪਨ ਕਰਨ ਲਈ 10 ਕਰੋੜ ਰੁਪਏ ਫੀਸ
ਖਬਰਾਂ ਦੀ ਮੰਨੀਏ ਤਾਂ ਸਲਮਾਨ ਖਾਨ ਬਾਰੇ ਕਿਹਾ ਜਾਂਦਾ ਹੈ ਕਿ ਉਹ ਕੁਝ ਮਿੰਟਾਂ ਦਾ ਵਿਗਿਆਪਨ ਕਰਨ ਲਈ 10 ਕਰੋੜ ਰੁਪਏ ਫੀਸ ਲੈਂਦੇ ਹਨ। ਹੁਣ ਸਲਮਾਨ ਖਾਨ ਇੰਨੇ ਵੱਡੇ ਸੁਪਰਸਟਾਰ ਹਨ, ਤਾਂ ਜ਼ਾਹਿਰ ਹੈ ਕਿ ਉਨ੍ਹਾਂ ਦੀ ਫੀਸ ਵੀ ਇੰਨੀ ਵੱਡੀ ਹੋਵੇਗੀ, ਪਰ ਇਸ ਬਾਰੇ ਅਧਿਕਾਰਤ ਤੌਰ ‘ਤੇ ਕੋਈ ਜਾਣਕਾਰੀ ਨਹੀਂ ਹੈ। ਸਲਮਾਨ ਖਾਨ ਕੋਲ ਕਰੋੜਾਂ ਦੀ ਦੌਲਤ ਹੈ ਅਤੇ ਰਿਪੋਰਟਾਂ ਮੁਤਾਬਕ ਉਨ੍ਹਾਂ ਦੀ ਕੁੱਲ ਜਾਇਦਾਦ 2900 ਕਰੋੜ ਰੁਪਏ ਹੈ।
ਸਿਰਫ ਫਿਲਮਾਂ ਰਾਹੀਂ ਹੀ ਨਹੀਂ ਬਲਕਿ ਸਲਮਾਨ ਖਾਨ ਕੋਲ ਕਮਾਈ ਦੇ ਹੋਰ ਵੀ ਕਈ ਸਰੋਤ ਹਨ। ਇੰਨਾ ਹੀ ਨਹੀਂ ਜੇਕਰ ਸਲਮਾਨ ਦੀਆਂ ਫਿਲਮਾਂ ਦੀ ਫੀਸ ਦੀ ਗੱਲ ਕਰੀਏ ਤਾਂ ਕਿਹਾ ਜਾਂਦਾ ਹੈ ਕਿ ਸਲਮਾਨ ਖਾਨ ਇੱਕ ਫਿਲਮ ਲਈ ਮੋਟੀ ਰਕਮ ਲੈਂਦੇ ਹਨ, ਜਿਸ ਵਿੱਚ ਉਨ੍ਹਾਂ ਦੀ ਫੀਸ 100 ਤੋਂ 120 ਕਰੋੜ ਰੁਪਏ ਤੱਕ ਹੁੰਦੀ ਹੈ। ਇੰਨਾ ਹੀ ਨਹੀਂ ਫਿਲਮ ਦੇ ਮੁਨਾਫੇ ‘ਚ 50 ਤੋਂ 70 ਫੀਸਦੀ ਹਿੱਸਾ ਅਦਾਕਾਰ ਦਾ ਵੀ ਹੁੰਦਾ ਹੈ।
ਪਨਵੇਲ ‘ਚ 100 ਕਰੋੜ ਰੁਪਏ ਦਾ ਫਾਰਮ ਹਾਊਸ
ਇਸ ਦੇ ਨਾਲ ਹੀ ਤੁਹਾਨੂੰ ਦੱਸ ਦੇਈਏ ਕਿ ਸਲਮਾਨ ਖਾਨ ਦੀ ਭਾਰਤ ਵਿੱਚ ਹੀ ਨਹੀਂ ਬਲਕਿ ਭਾਰਤ ਤੋਂ ਬਾਹਰ ਵੀ ਜਾਇਦਾਦ ਹੈ। ਮੁੰਬਈ ਤੋਂ ਇਲਾਵਾ ਸਲਮਾਨ ਖਾਨ ਦਾ ਦੁਬਈ ‘ਚ ਵੀ ਬੰਗਲਾ ਹੈ। ਸਲਮਾਨ ਖਾਨ ਦਾ ਪਨਵੇਲ ‘ਚ 100 ਕਰੋੜ ਰੁਪਏ ਦਾ ਫਾਰਮ ਹਾਊਸ ਵੀ ਹੈ। ਉਥੇ ਹੀ ਜੇਕਰ ਭਾਈਜਾਨ ਦੀ ਕਾਰ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ ਸਲਮਾਨ ਕੋਲ ਇਕ ਤੋਂ ਵਧ ਕੇ ਇਕ ਲਗਜ਼ਰੀ ਕਾਰਾਂ ਹਨ। ਸਲਮਾਨ ਦੀ ਕਾਰ ਕਲੈਕਸ਼ਨ ਵਿੱਚ ਬੁਲੇਟਪਰੂਫ ਨਿਸਾਨ ਪੈਟਰੋਲ ਏਯੂਵੀ, ਲੈਕਸਸ ਐਲਐਕਸ, ਰੇਂਜ ਰੋਵਰ ਐਸਵੀ ਐਲਡਬਲਯੂਬੀ 3.0, ਬੀਐਮਡਬਲਯੂ ਐਕਸ6, ਟੋਇਟਾ ਲੈਂਡ ਕਰੂਜ਼ਰ ਐਲਸੀ200 ਐਸਯੂਵੀ ਸਮੇਤ ਕਈ ਵਾਹਨ ਸ਼ਾਮਲ ਹਨ।
