ਪੈਰਾਂ ਦੀਆਂ ਬੰਦ ਨਸਾਂ ਨੂੰ ਖੋਲ੍ਹ ਦੇਣਗੇ ਇਹ ਘਰੇਲੂ ਉਪਾਅ
ਪੈਰਾਂ ਦੀਆਂ ਨਸਾਂ ‘ਚ ਬਲਾਕੇਜ ਹੋਣ ਕਾਰਨ ਵੈਰੀਕੋਜ਼ ਵੇਨਸ (Varicose Veins) ਦੀ ਸਮੱਸਿਆ ਪੈਦਾ ਹੋ ਸਕਦੀ ਹੈ ਜਿਸ ਕਾਰਨ ਨਾੜਾਂ ਮੋਟੀਆਂ ਤੇ ਨੀਲੀਆਂ ਹੋ ਜਾਂਦੀਆਂ ਹਨ। ਇਹ ਸਥਿਤੀ ਖਰਾਬ ਬਲੱਡ ਸਰਕੂਲੇਸ਼ਨ ਕਾਰਨ ਹੁੰਦੀ ਹੈ ਜੋ ਨਾੜਾਂ ‘ਚ ਸੋਜ ਤੇ ਦਰਦ ਦਾ ਕਾਰਨ ਬਣਦੀ ਹੈ। ਹਾਲਾਂਕਿ, ਕੁਝ ਘਰੇਲੂ ਉਪਾਵਾਂ ਨਾਲ ਇਸ ਸਮੱਸਿਆ ਨੂੰ ਘਟਾਇਆ ਜਾ ਸਕਦਾ ਹੈ ਤੇ ਖ਼ੂਨ ਦੇ ਸੰਚਾਰ ਨੂੰ ਬਿਹਤਰ ਬਣਾਇਆ ਜਾ ਸਕਦਾ ਹੈ।
ਐਕਸਰਸਾਈਜ਼ ਕਰੋ
ਸੈਰ, ਤੈਰਾਕੀ, ਸਾਈਕਲਿੰਗ ਤੇ ਯੋਗਾ ਵਰਗੀਆਂ ਸਧਾਰਨ ਕਸਰਤਾਂ ਖੂਨ ਸੰਚਾਰ ਨੂੰ ਬਿਹਤਰ ਬਣਾਉਂਦੀਆਂ ਹਨ। ਨਿਯਮਤ ਰੂਪ ‘ਚ 40 ਮਿੰਟ ਤੋਂ ਇਕ ਘੰਟਾ ਕਸਰਤ ਕਰਨ ਨਾਲ ਨਸਾਂ ਨੂੰ ਦਿਲ ਵੱਲ ਖ਼ੂਨ ਵਾਪਸ ਲਿਆਉਣ ‘ਚ ਮਦਦ ਮਿਲਦੀ ਹੈ।
ਗਰਮ ਪਾਣੀ ‘ਚ ਪੈਰ ਪਾ ਕੇ ਬੈਠੋ
ਗਰਮ ਪਾਣੀ ‘ਚ ਪੈਰ ਪਾਉਣ ਨਾਲ ਨਾੜਾਂ ਦੀ ਸੋਜ ਘੱਟ ਜਾਂਦੀ ਹੈ ਤੇ ਖ਼ੂਨ ਦਾ ਸੰਚਾਰ ਵਧਦਾ ਹੈ ਜਿਸ ਨਾਲ ਦਰਦ ਤੋਂ ਰਾਹਤ ਮਿਲਦੀ ਹੈ। ਇਹ ਬਲਾਕੇਜ ਖੋਲ੍ਹਣ ‘ਚ ਮਦਦਗਾਰ ਹੋ ਸਕਦਾ ਹੈ।
ਸੰਤੁਲਿਤ ਖੁਰਾਕ ਲਓ
ਫਾਈਬਰ, ਆਇਰਨ ਤੇ ਪੋਟਾਸ਼ੀਅਮ ਨਾਲ ਭਰਪੂਰ ਪੌਸ਼ਟਿਕ ਆਹਾਰ ਖੂਨ ਸੰਚਾਰ ਨੂੰ ਬਿਹਤਰ ਬਣਾਉਂਦਾ ਹੈ। ਮੇਵੇ, ਸੁੱਕੇ ਮੇਵੇ, ਦਾਲ, ਬੀਨਜ਼ ਤੇ ਆਲੂ ਵਰਗੇ ਭੋਜਨ ਖਾਓ ਤੇ ਬਹੁਤ ਜ਼ਿਆਦਾ ਨਮਕੀਨ ਜਾਂ ਸੋਡੀਅਮ ਨਾਲ ਭਰਪੂਰ ਭੋਜਨ ਤੋਂ ਪਰਹੇਜ਼ ਕਰੋ।
ਮਸਾਜ ਕਰੋ
ਕੋਸੇ ਤੇਲ ਨਾਲ ਪੈਰਾਂ ਦੀ ਹਲਕੀ ਮਸਾਜ ਕਰਨ ਨਾਲ ਨਾੜਾਂ ਦੀ ਸੋਜ ਘੱਟ ਹੁੰਦੀ ਹੈ ਤੇ ਖ਼ੂਨ ਦਾ ਪ੍ਰਵਾਹ ਸੁਧਰਦਾ ਹੈ। ਇਹ ਦਰਦ ਤੋਂ ਵੀ ਰਾਹਤ ਦਿਵਾਉਂਦਾ ਹੈ, ਪਰ ਮਾਲਸ਼ ਕਰਦੇ ਸਮੇਂ ਹਲਕੇ ਹੱਥ ਨਾਲ ਹੀ ਦਬਾਅ ਪਾਓ।
ਸੁਖਬੀਰ ਬਾਦਲ ‘ਤੇ ਹੋਏ ਹ/ਮਲੇ ਮਾਮਲੇ ‘ਚ ਬਿਕਰਮ ਮਜੀਠੀਆ ਨੇ ਪੰਜਾਬ DGP ਨੂੰ ਲਿਖਿਆ ਪੱਤਰ || Punjab News
ਫਿਜ਼ੀਕਲੀ ਐਕਟਿਵ ਰਹੋ
ਲੰਬੇ ਸਮੇਂ ਤਕ ਬੈਠਣ ਤੋਂ ਬਚੋ ਕਿਉਂਕਿ ਇਸ ਨਾਲ ਖੂਨ ਸੰਚਾਰ ਪ੍ਰਭਾਵਿਤ ਹੋ ਸਕਦਾ ਹੈ। ਕਦੇ-ਕਦਾਈਂ ਸੈਰ ਕਰਨ ਨਾਲ ਖੂਨ ਦਾ ਪ੍ਰਵਾਹ ਵਧਦਾ ਹੈ ਤੇ ਇਸ ਸਮੱਸਿਆ ਤੋਂ ਰਾਹਤ ਮਿਲਦੀ ਹੈ।
