ਰੋਹਿਤ ਸ਼ੈੱਟੀ ਤੇ ਆਸਿਮ ‘ਚ ਭਖਿਆ ਵਿਵਾਦ, ਦੋਵਾਂ ਦੇ ਝਗੜੇ ਦੀ ਵੀਡੀਓ ਵਾਇਰਲ

ਇਸ ਸਮੇਂ ਰਿਐਲਿਟੀ ਸ਼ੋਅ ‘ਖਤਰੋਂ ਕੇ ਖਿਲਾੜੀ 14’ ਕਾਫੀ ਸੁਰਖੀਆਂ ‘ਚ ਬਣਿਆ ਹੋਇਆ ਹੈ | ਦਰਅਸਲ , ਰੋਹਿਤ ਸ਼ੈੱਟੀ ਤੇ ਆਸਿਮ ਰਿਆਜ਼ ਵਿਚ ਝਗੜਾ ਹੋ ਗਿਆ ਹੈ। ਇਹ ਝਗੜਾ ਹੋਣ ਤੋਂ ਬਾਅਦ ਆਸਿਮ ਰਿਆਜ਼ ਨੇ ਇਕ ਵੀਡੀਓ ਵੀ ਸ਼ੇਅਰ ਕੀਤੀ ਹੈ। ਇਹ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਕਾਫੀ ਵਾਇਰਲ ਹੋ ਰਹੀ ਹੈ। ਵੀਡੀਓ ਵਿਚ ਰੋਹਿਤ ਸ਼ੈੱਟੀ ਅਤੇ ਆਸਿਮ ਰਿਆਜ਼ ਬਹਿਸ ਕਰਦੇ ਨਜ਼ਰ ਆ ਰਹੇ ਹਨ।

ਪਹਿਲੇ ਐਪੀਸੋਡ ਤੋਂ ਹੀ ਬਣੇ ਹੋਏ ਸੁਰਖੀਆਂ ਵਿਚ

ਦੱਸ ਦੇਈਏ ਕਿ ਆਸਿਮ ਰਿਆਜ਼ ਰਿਐਲਿਟੀ ਸ਼ੋਅ ‘ਖਤਰੋਂ ਕੇ ਖਿਲਾੜੀ 14’ ਦੇ ਪਹਿਲੇ ਐਪੀਸੋਡ ਤੋਂ ਹੀ ਸੁਰਖੀਆਂ ਵਿਚ ਬਣੇ ਹੋਏ ਹਨ। ਆਸਿਮ ਰਿਆਜ਼ ਆਪਣੇ ਸਹਿ ਪ੍ਰਤੀਯੋਗੀਆਂ ਅਤੇ ਹੋਸਟ ਦਾ ਅਪਮਾਨ ਕਰਕੇ ਲਗਾਤਾਰ ਚਰਚਾ ਵਿੱਚ ਚੱਲ ਰਹੇ ਹਨ |

ਹੁਣ ਆਸਿਮ ਰਿਆਜ਼ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਬੇਇੱਜ਼ਤੀ ਬਾਰੇ ਇੱਕ ਗੁਪਤ ਪੋਸਟ ਕੀਤਾ। ਇਸਦੀ ਕੈਪਸ਼ਨ ਵਿਚ ਲਿਖਿਆ ਹੈ ਕਿ ਕਈ ਵਾਰ ਆਪਣੇ ਆਪ ਨੂੰ ਸਭ ਤੋਂ ਵਧੀਆ ਸਾਬਤ ਕਰਨ ਦੀ ਕੋਸ਼ਿਸ਼ ਕਰਨਾ ਇੱਕ ਅਪਮਾਨ ਸਾਬਿਤ ਹੁੰਦਾ ਹੈ। ਜੇਕਰ ਤੁਸੀਂ ਕਦੇ ਜੋਖਮ ਨਹੀਂ ਲਿਆ ਹੈ, ਤਾਂ ਤੁਸੀਂ ਕਦੇ ਵੀ ਸੰਕਟ ਦਾ ਸਾਹਮਣਾ ਨਹੀਂ ਕੀਤਾ।

ਕੀ ਹੈ ਸਾਰਾ ਮਾਮਲਾ ?

ਆਸਿਮ ਰਿਆਜ਼, ਆਸ਼ੀਸ਼ ਮੇਹਰੋਤਰਾ ਅਤੇ ਨਿਆਤੀ ਫਤਨਾਨੀ ਨੇ ਇੱਕ ਟਾਸਕ ਕਰਨਾ ਸੀ, ਪਰ ਆਸਿਮ ਰਿਆਜ਼ ਟਾਸਕ ਨੂੰ ਪੂਰਾ ਕਰਨ ਵਿੱਚ ਅਸਫ਼ਲ ਰਿਹਾ। ਫਿਰ ਆਸਿਮ ਨੇ ਕਿਹਾ ਕਿ ਚੁਣੌਤੀ ਅਸੰਭਵ ਹੈ ਅਤੇ ‘ਖਤਰੋਂ ਕੇ ਖਿਲਾੜੀ’ ਦੀ ਟੀਮ ਨੂੰ ਕਿਹਾ ਕਿ ਇਹ ਚੁਣੌਤੀ ਨੂੰ ਉਸਦੇ ਸਾਹਮਣੇ ਕਰਕੇ ਦਿਖਾਇਆ ਜਾਵੇ। ਉਸ ਨੇ ਇਹ ਵੀ ਕਿਹਾ ਕਿ ਉਹ ਸ਼ੋਅ ਤੋਂ ਇਕ ਰੁਪਿਆ ਵੀ ਨਹੀਂ ਲੈਣਗੇ। ਇਸ ਤੋਂ ਬਾਅਦ ਰੋਹਿਤ ਸ਼ੈੱਟੀ ਨੇ ‘KKK ਟੀਮ’ ਦੀ ਰਿਹਰਸਲ ਵੀਡੀਓ ਦਿਖਾਈ, ਜਿਸ ‘ਚ ਉਹ ਕਿਸੇ ਹੋਰ ਮੁਕਾਬਲੇਬਾਜ਼ ਤੋਂ ਪਹਿਲਾਂ ਸਟੰਟ ਕਰਦੇ ਨਜ਼ਰ ਆਏ।

ਮੈਂ ਤੈਨੂੰ ਚੁੱਕ ਕੇ ਇੱਥੇ ਸੁੱਟ ਦਿਆਂਗਾ …

ਆਸਿਮ ਨੇ ਫਿਰ ਕਿਹਾ ਕਿ ਉਨ੍ਹਾਂ ਨੂੰ ਕੋਈ ਸਮੱਸਿਆ ਨਹੀਂ ਹੈ, ਹਾਲਾਂਕਿ ਉਨ੍ਹਾਂ ਦਾ ਰੋਹਿਤ ਸ਼ੈੱਟੀ ਨਾਲ ਝਗੜਾ ਹੋਇਆ ਸੀ। ਫਿਲਮ ਮੇਕਰ ਰੋਹਿਤ ਸ਼ੈੱਟੀ ਨੇ ਕਿਹਾ ਕਿ ਕੱਲ੍ਹ ਵੀ ਤੁਸੀਂ ਬਹੁਤ ਬਕਵਾਸ ਗੱਲ ਕੀਤੀ ਸੀ। ਮੇਰੀ ਗੱਲ ਸੁਣ, ਨਹੀਂ ਤਾਂ ਮੈਂ ਤੈਨੂੰ ਚੁੱਕ ਕੇ ਇੱਥੇ ਸੁੱਟ ਦਿਆਂਗਾ। ਮੇਰੇ ਨਾਲ ਇਸ ਤਰ੍ਹਾਂ ਦਾ ਵਿਵਹਾਰ ਨਾ ਕਰੋ।

ਇਹ ਵੀ ਪੜ੍ਹੋ : Paris Olympics 2024 : ਬੈਲਜਿਅਮ ਤੋਂ 2-1 ਨਾਲ ਹਾਰੀ ਭਾਰਤੀ ਪੁਰਸ਼ ਹਾਕੀ ਟੀਮ

ਇਸ ਤੋਂ ਬਾਅਦ ਆਸਿਮ ਰਿਆਜ਼ ਗੁੱਸੇ ‘ਚ ਰੋਹਿਤ ਸ਼ੈੱਟੀ ਵੱਲ ਵਧਣ ਲੱਗੇ ਪਰ ‘ਖਤਰੋਂ ਕੇ ਖਿਲਾੜੀ’ ਦੀ ਟੀਮ ਨੇ ਉਨ੍ਹਾਂ ਨੂੰ ਰੋਕ ਦਿੱਤਾ। ਇਸ ਘਟਨਾ ਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਕੁਸ਼ਾਲ ਟੰਡਨ, ਅਰਿਜੀਤ ਵਰਗੇ ਮਸ਼ਹੂਰ ਹਸਤੀਆਂ ਨੇ ਉਸਦੇ ਵਿਵਹਾਰ ਦੀ ਆਲੋਚਨਾ ਕੀਤੀ ਅਤੇ ਹੋਸਟ ਰੋਹਿਤ ਸ਼ੈੱਟੀ ਦੀ ਪ੍ਰਸੰਸਾ ਕੀਤੀ ਜਾ ਰਹੀ ਹੈ।