ਤੇਲੰਗਾਨਾ : ਸੁਰੰਗ ਵਿੱਚ ਵਾਪਰਿਆ ਵੱਡਾ ਹਾਦਸਾ, 8 ਲੋਕ ਫਸੇ
ਤੇਲੰਗਾਨਾ ਜ਼ਿਲ੍ਹੇ ਵਿੱਚ ਸ਼ਨੀਵਾਰ ਸਵੇਰੇ SLBC (ਸ਼੍ਰੀਸੈਲਮ ਲੈਫਟ ਬੈਂਕ ਨਹਿਰ) ਸੁਰੰਗ ਪ੍ਰੋਜੈਕਟ ਦਾ ਇੱਕ ਹਿੱਸਾ ਢਹਿ ਗਿਆ। ਜਿਸ ਵਿੱਚ 8 ਮਜ਼ਦੂਰ ਫਸ ਗਏ। ਇਹ ਹਾਦਸਾ ਸੁਰੰਗ ਦੇ ਪ੍ਰਵੇਸ਼ ਬਿੰਦੂ ਤੋਂ 14 ਕਿਲੋਮੀਟਰ ਅੰਦਰ ਵਾਪਰਿਆ।
ਚਾਰ ਦਿਨ ਪਹਿਲਾਂ ਹੀ ਕੰਮ ਦੁਬਾਰਾ ਸ਼ੁਰੂ ਕੀਤਾ
ਅਧਿਕਾਰੀਆਂ ਅਨੁਸਾਰ ਛੱਤ ਦਾ ਲਗਭਗ ਤਿੰਨ ਮੀਟਰ ਡਿੱਗ ਗਿਆ ਹੈ। ਸੁਰੰਗ ਦਾ ਕੰਮ ਲੰਬੇ ਸਮੇਂ ਤੋਂ ਰੁਕਿਆ ਹੋਇਆ ਸੀ। ਚਾਰ ਦਿਨ ਪਹਿਲਾਂ ਹੀ ਕੰਮ ਦੁਬਾਰਾ ਸ਼ੁਰੂ ਕੀਤਾ ਗਿਆ ਸੀ।
ਬਚਾਅ ਟੀਮਾਂ ਮੌਕੇ ‘ਤੇ ਪਹੁੰਚੀਆਂ
ਨਾਗਰਕੁਰਨੁਲ ਦੇ ਐਸਪੀ ਵੈਭਵ ਗਾਇਕਵਾੜ ਨੇ ਕਿਹਾ ਕਿ ਸਿੰਚਾਈ ਪ੍ਰੋਜੈਕਟ ‘ਤੇ ਕੰਮ ਕਰ ਰਹੀ ਕੰਪਨੀ ਦੀਆਂ ਦੋ ਬਚਾਅ ਟੀਮਾਂ ਮੌਕੇ ‘ਤੇ ਪਹੁੰਚ ਗਈਆਂ ਹਨ। ਭਾਰਤੀ ਫੌਜ ਅਤੇ ਐਨਡੀਆਰਐਫ ਦੀ ਵੀ ਮਦਦ ਮੰਗੀ ਗਈ ਹੈ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਸ ਮਾਮਲੇ ਸਬੰਧੀ ਤੇਲੰਗਾਨਾ ਦੇ ਮੁੱਖ ਮੰਤਰੀ ਰੇਵੰਤ ਰੈਡੀ ਨਾਲ ਗੱਲ ਕੀਤੀ ਅਤੇ ਸਥਿਤੀ ਦਾ ਜਾਇਜ਼ਾ ਲਿਆ।
