Redmi ਵਲੋਂ ਭਾਰਤ ‘ਚ ਆਪਣਾ ਨਵਾਂ ਸਮਾਰਟਫੋਨ ਲਾਂਚ ਕੀਤਾ ਗਿਆ ਹੈ। Redmi ਨੇ ਭਾਰਤ ‘ਚ ਆਪਣਾ ਨਵਾਂ ਸਮਾਰਟਫੋਨ Redmi 10A ਲਾਂਚ ਕਰ ਦਿੱਤਾ ਹੈ। ਇਸ ਸਮਾਰਟਫੋਨ ਨੂੰ ਅੱਜ ਹੀ ਲਾਂਚ ਕੀਤਾ ਗਿਆ ਹੈ। ਇਹ ਇੱਕ ਬਜਟ ਅਨੁਕੂਲ ਸਮਾਰਟਫੋਨ ਹੈ। ਲਾਂਚ ਤੋਂ ਪਹਿਲਾਂ ਇਸ ਫੋਨ ਨੂੰ ਐਮਾਜ਼ਾਨ ਇੰਡੀਆ ਦੀ ਵੈੱਬਸਾਈਟ ‘ਤੇ ਵੀ ਟੀਜ਼ ਕੀਤਾ ਗਿਆ ਸੀ।
Redmi 10A ਨੂੰ ਦੋ ਵੇਰੀਐਂਟ ‘ਚ ਪੇਸ਼ ਕੀਤਾ ਗਿਆ ਹੈ। ਫੋਨ ਦੇ 3GB ਰੈਮ 32GB ਇੰਟਰਨਲ ਸਟੋਰੇਜ ਮਾਡਲ ਦੀ ਕੀਮਤ 8,999 ਰੁਪਏ ਹੈ, ਜਦਕਿ 4GB ਰੈਮ 64GB ਸਟੋਰੇਜ ਮਾਡਲ ਦੀ ਕੀਮਤ 9,999 ਰੁਪਏ ਹੈ। ਇਸ ਫੋਨ ਨੂੰ ਤਿੰਨ ਰੰਗਾਂ ਦੇ ਵਿਕਲਪਾਂ – ਚਾਰਕੋਲ ਬਲੈਕ, ਸਲੇਟ ਗ੍ਰੇ ਅਤੇ ਸੀ ਬਲੂ ਵਿੱਚ ਪੇਸ਼ ਕੀਤਾ ਗਿਆ ਹੈ। Redmi 10 A ਦੀ ਵਿਕਰੀ 26 ਅਪ੍ਰੈਲ ਨੂੰ ਦੁਪਹਿਰ 12 ਵਜੇ ਤੋਂ ਸ਼ੁਰੂ ਹੋਵੇਗੀ।
Redmi 10A ਦੇ ਸਪੈਸੀਫਿਕੇਸ਼ਨਸ
Redmi 10A 720×1600 ਪਿਕਸਲ ਰੈਜ਼ੋਲਿਊਸ਼ਨ ਅਤੇ ਵਾਟਰਡ੍ਰੌਪ ਨੌਚ ਡਿਜ਼ਾਈਨ ਦੇ ਨਾਲ 6.53-ਇੰਚ ਦੀ HD LCD ਡਿਸਪਲੇਅ ਪੇਸ਼ ਕਰਦਾ ਹੈ। ਇਹ ਸਮਾਰਟਫੋਨ MediaTek Helio G25 ਪ੍ਰੋਸੈਸਰ ਦੇ ਨਾਲ ਆਉਂਦਾ ਹੈ, ਜਿਸ ਵਿੱਚ PowerVR8320 GPU ਅਤੇ 4GB ਤੱਕ ਰੈਮ ਅਤੇ 64GB ਅੰਦਰੂਨੀ ਸਟੋਰੇਜ ਹੈ। ਫੋਨ ਦੀ ਇੰਟਰਨਲ ਸਟੋਰੇਜ ਨੂੰ ਮਾਈਕ੍ਰੋਐੱਸਡੀ ਕਾਰਡ ਦੀ ਮਦਦ ਨਾਲ 512GB ਤੱਕ ਵਧਾਇਆ ਜਾ ਸਕਦਾ ਹੈ। Redmi 10A Android 11 ਅਧਾਰਿਤ MIUI 12.5 ‘ਤੇ ਕੰਮ ਕਰਦਾ ਹੈ। ਇਸ ਫੋਨ ‘ਚ 10W ਚਾਰਜਿੰਗ ਸਪੋਰਟ ਦੇ ਨਾਲ 5,000mAh ਦੀ ਬੈਟਰੀ ਵੀ ਮਿਲਦੀ ਹੈ। ਕਨੈਕਟੀਵਿਟੀ ਲਈ, Redmi 10A ਨੂੰ 3.5mm ਆਡੀਓ ਜੈਕ, 4G LTE, Wi-Fi, ਬਲੂਟੁੱਥ 5.0, ਇੱਕ ਮਾਈਕ੍ਰੋ USB ਪੋਰਟ ਅਤੇ GPS ਮਿਲਦਾ ਹੈ। ਇਸ ਤੋਂ ਇਲਾਵਾ ਫੋਨ ‘ਚ ਰਿਅਰ ਮਾਊਂਟਡ ਫਿੰਗਰਪ੍ਰਿੰਟ ਸੈਂਸਰ ਵੀ ਦਿੱਤਾ ਗਿਆ ਹੈ।ਇਸ ਫੋਨ ਦਾ ਡਾਇਮੇਂਸ਼ਨ 164.9×77.07mm, ਮੋਟਾਈ 9mm ਅਤੇ ਵਜ਼ਨ 194 ਗ੍ਰਾਮ ਹੈ।
ਦੂਜੇ ਪਾਸੇ ਜੇਕਰ ਕੈਮਰੇ ਦੀ ਗੱਲ ਕਰੀਏ ਤਾਂ ਇਸ Redmi 10A ਦੇ ਰੀਅਰ ਪੈਨਲ ‘ਤੇ LED ਫਲੈਸ਼ ਦੇ ਨਾਲ 13MP ਕੈਮਰਾ ਦਿੱਤਾ ਗਿਆ ਹੈ। ਇਸ ਦੇ ਨਾਲ ਹੀ, ਫੋਨ ਵਿੱਚ ਸੈਲਫੀ ਅਤੇ ਵੀਡੀਓ ਕਾਲਾਂ ਲਈ ਫਰੰਟ ‘ਤੇ 5-ਮੈਗਾਪਿਕਸਲ ਦਾ ਸ਼ੂਟਰ ਵੀ ਸ਼ਾਮਲ ਹੈ।
