ਆਨਲਾਈਨ ਸਰਚ ਕਰਨ ਸਮੇਂ ਬਹੁਤ ਜ਼ਿਆਦਾ ਸਾਵਧਾਨ ਰਹਿਣ ਦੀ ਜਰੂਰਤ ਹੈ ਕਿਉਂਕਿ ਇੰਟਰਨੈੱਟ ’ਤੇ ਕੁੱਲ ਟ੍ਰੈਫਿਕ ਦਾ ਕਰੀਬ 40 ਫ਼ੀਸਦ ਟ੍ਰੈਫਿਕ ਬੈਡ Bots ਦਾ ਹੈ, ਜਿਸਦੇ ਇਸਤੇਮਾਲ ਨਾਲ ਤੁਸੀਂ ਸਾਈਬਰ ਹਮਲਿਆਂ ਦਾ ਸ਼ਿਕਾਰ ਹੋ ਸਕਦੇ ਹੋ। ਇਸ ਦੇ ਨਾਲ ਹੁਣ ਸਵਾਲ ਉੱਠਦਾ ਹੈ ਕਿ ਆਖ਼ਰ ਇਹ Bots ਕੀ ਹੁੰਦੇ ਹਨ? ਇਸ ਦੇ ਨਾਲ ਹੀ ਬੈਡ ਅਤੇ ਗੁੱਡ Bots ਕੀ ਹੁੰਦੇ ਹਨ, ਤਾਂ ਦੱਸ ਦੇਈਏ ਕਿ Bots ਇਕ ਸਾਫਟਵੇਅਰ ਪ੍ਰੋਗਰਾਮ ਹੁੰਦੇ ਹਨ, ਜੋ ਆਟੋਮੇਟਿਡ ਪ੍ਰੀਫਰਡ ਟਾਸਕ ਲਈ ਬਣਾਏ ਜਾਂਦੇ ਹਨ।
ਸਧਾਰਨ ਸ਼ਬਦਾਂ ’ਚ ਕਹੀਏ, ਤਾਂ ਗੁੱਡ Bots ਤੁਹਾਡੇ ਵਪਾਰ ਅਤੇ ਤੁਹਾਨੂੰ ਫਾਇਦਾ ਪਹੁੰਚਾਉਂਦੇ ਹਨ। ਜਦੋਂ ਤੁਸੀਂ ਵੈਬਸਾਈਟ ਜਾਂ ਫ੍ਰੇਜ ਨਾਲ ਜੁੜਿਆ ਕੁੱਝ ਸਰਚ ਕਰਦੇ ਹੋ, ਤਾਂ ਤੁਹਾਨੂੰ ਕਈ ਸਰਚ ਰਿਜ਼ਲਟ ਮਿਲਦੇ ਹਨ। ਇੱਕ ਤਰ੍ਹਾਂ ਨਾਲ ਇਹ ਸਰਚ ਇੰਜਣ ਦੀ ਮਦਦ ਕਰਦੇ ਹਨ। ਗੁੱਡ Bots ਨੂੰ ਆਮ ਤੌਰ ’ਤੇ ਫੇਸਮ ਕੰਪਨੀਆਂ ਬਣਾਉਂਦੀਆਂ ਹਨ। ਹਾਲਾਂਕਿ ਬੈਡ Bots ਨੂੰ ਸਾਈਬਰ ਹਮਲਿਆਂ, ਨਾਜਾਇਜ਼ ਕੰਮ ਲਈ ਬਣਾਇਆ ਜਾਂਦਾ ਹੈ।
ਸਾਈਬਰ ਸਕਿਓਰਿਟੀ ਫਰਮ Barracuda ਦੀ ਰਿਪੋਰਟ ਅਨੁਸਾਰ ਬੈਡ bots ਦੀ ਗਿਣਤੀ ਇੰਟਰਨੈੱਟ ਟ੍ਰੈਫਿਕ ’ਚ ਤੇਜ਼ੀ ਨਾਲ ਵਾਧਾ ਹੋ ਰਿਹਾ ਹੈ। ਇਹ ਸੰਖਿਆ ਮੌਜੂਦਾ ਸਮੇਂ ਵੱਧ ਕੇ ਕਰੀਬ 40 ਫ਼ੀਸਦ ਹੋ ਗਈ ਹੈ। Barracuda ਵੱਲੋਂ ਹਾਲ ਹੀ ’ਚ Bot attacks: Top Threats and Trends ਟਾਈਟਲ ਤੋਂ ਇੱਕ ਰਿਪੋਰਟ ਜਾਰੀ ਕੀਤੀ ਗਈ ਹੈ।
ਇਸ ਰਿਪੋਰਟ ’ਚ ਦੱਸਿਆ ਗਿਆ ਹੈ ਕਿ ਕਿਵੇਂ ਇੰਟਰਨੈੱਟ ’ਤੇ ਆਟੋਮੇਟਿਡ ਸਾਈਬਰ ਹਮਲਿਆਂ ਦੀ ਸੰਖਿਆ ਵੱਧ ਰਹੀ ਹੈ, ਜੋ ਇੰਟਰਨੈੱਟ ’ਤੇ ਤੇਜ਼ੀ ਨਾਲ ਵੱਧਣ ਵਾਲੇ ਟ੍ਰੈਫਿਕ ਲਈ ਖ਼ਤਰਨਾਕ ਸਾਬਿਤ ਹੋ ਸਕਦਾ ਹੈ। ਅਜਿਹੇ ’ਚ ਲੋਕਾਂ ਨੂੰ ਇੰਟਰਨੈੱਟ ’ਤੇ ਕੁੱਝ ਵੀ ਸਰਚ ਕਰਦੇ ਸਮੇਂ ਸਾਵਧਾਨ ਰਹਿਣ ਦੀ ਜ਼ਰੂਰਤ ਹੈ। Barracuda ਰਿਸਰਚ ਨੇ ਸਾਲ 2021 ਦੇ ਸ਼ੁਰੂਆਤੀ 6 ਮਹੀਨਿਆਂ ਦੇ ਵਿਸ਼ਲੇਸ਼ਣ ਤੋਂ ਇਹ ਪਤਾ ਕੀਤਾ ਹੈ।
ਇਸ ਰਿਪੋਰਟ ਅਨੁਸਾਰ ਈ-ਕਾਮਰਸ ਐਪਲੀਕੇਸ਼ਨ ਅਤੇ ਲਾਗਇਨ ਪੋਰਟਲ ’ਤੇ ਸਭ ਤੋਂ ਵੱਧ Bots ਹਮਲੇ ਹੋਏ ਹਨ। ਜ਼ਿਆਦਾਤਰ Bots ਟ੍ਰੈਫਿਕ ਦੋ ਵੱਡੇ ਕਲਾਊਟ AWS ਅਤੇ Microsoft Azure ਵੱਲੋਂ ਆਉਂਦਾ ਹੈ।
ਉੱਤਰੀ ਅਮਰੀਕਾ ’ਚ 67 ਫ਼ੀਸਦ ਬੈਡ ਬੋਟਸ ਟ੍ਰੈਫਿਕ ਪਾਇਆ ਗਿਆ ਹੈ। ਇਸ ਤਰ੍ਹਾਂ ਦਾ ਜ਼ਿਆਦਾਤਰ ਟ੍ਰੈਫਿਕ ਪਬਲਿਕ ਡਾਟਾ ਸੈਂਟਰ ਵੱਲੋਂ ਆਉਂਦਾ ਹੈ। ਇਸ ’ਚ ਯੂਰਪ ’ਚ ਬੈਡ ਬੋਟਸ ਟ੍ਰੈਫਿਕ ਹੋਸਟਿੰਗ ਸਰਵਿਸ ਜਾਂ ਫਿਰ ਰੇਜਿਡੇਸ਼ੀਅਲ IPs (ਇੰਟਰਨੈੱਟ ਪ੍ਰੋਟੋਕਾਲ) ਤੋਂ ਆਉਂਦਾ ਹੈ।
