ਗੂਗਲ ਵੱਲੋਂ ਯੂਜ਼ਰਸ ਦੀ ਸੁਵਿਧਾ ਲਈ ਨਵੇਂ-ਨਵੇਂ ਫੀਚਰਜ਼ ਨੂੰ ਰੋਲਆਊਟ ਕੀਤਾ ਜਾਂਦਾ ਹੈ। ਇਸ ਦੇ ਨਾਲ ਹੀ ਗੈਰ-ਜ਼ਰੂਰੀ ਫੀਚਰਜ਼ ਨੂੰ ਗੂਗਲ ਵੱਲੋਂ ਬੰਦ ਕਰ ਦਿੱਤਾ ਜਾਂਦਾ ਹੈ। ਜਾਣਕਾਰੀ ਅਨੁਸਾਰ ਗੂਗਲ ਨੇ ਇੱਕ ਫੀਚਰ ਬੰਦ ਕਰ ਦਿੱਤਾ ਹੈ। ਗੂਗਲ ਨੇ ਆਪਣੇ ਪ੍ਰਸਿੱਧ ਫੀਚਰ ਗੂਗਲ ਸਨੈਪਸ਼ੋਟ ਨੂੰ ਬੰਦ ਕਰ ਦਿੱਤਾ ਹੈ। ਇਸ ਫੀਚਰ ਨੂੰ ਗੂਗਲ ਨੇ ਕਰੀਬ 4 ਸਾਲ ਪਹਿਲਾਂ 2018 ’ਚ ਪੇਸ਼ ਕੀਤਾ ਸੀ। ਜਿਸਨੂੰ ਫਿਲਹਾਲ ਐਂਡਰਾਇਡ ਸਮਾਰਟਫੋਨ ਤੋਂ ਹਟਾ ਦਿੱਤਾ ਗਿਆ ਹੈ। ਰਿਪੋਰਟ ਮੁਤਾਬਕ ਗੂਗਲ ਸਨੈਪਸ਼ੋਟ ਫੀਚਰ ਕਾਫੀ ਯੂਜ਼ਫੁਲ ਸੀ ਪਰ ਇਸ ਫੀਚਰ ਬਾਰੇ ਲੋਕਾਂ ਨੂੰ ਬੇਹੱਦ ਘੱਟ ਜਾਣਕਾਰੀ ਸੀ। ਅਜਿਹੇ ’ਚ ਕੰਪਨੀ ਨੇ ਇਸ ਫੀਚਰ ਨੂੰ ਹਟਾ ਦਿੱਤਾ ਹੈ।
ਗੂਗਲ ਸਨੈਪਸ਼ੋਟ ਫੀਚਰ ਤੁਹਾਡੇ ਗੂਗਲ ਅਸਿਸਟੈਂਟ ਸਕਰੀਨ ’ਤੇ ਇਨਬਾਕਸ ਦੀ ਤਰ੍ਹਾਂ ਨਜ਼ਰ ਆਉਂਦਾ ਸੀ। ਇਸ ’ਤੇ ਕਲਿੱਕ ਕਰਦੇ ਯੂਜ਼ਰਸ ਰੀਅਰ ਟਾਈਮ ਇਨਫਾਰਮੇਸ਼ਨ ਜਿਵੇਂ ਮੌਸਮ ਅਤੇ ਟ੍ਰੈਫਿਕ ਨਾਲ ਜੁੜੀ ਜਾਣਕਾਰੀ ਹਾਸਿਲ ਕਰ ਸਕਦੇ ਸਨ। ਗੂਗਲ ਸਨੈਪਸ਼ੋਟ ਫੀਚਰ ਦੀ ਮਦਦ ਨਾਲ ਸਿੰਗਲ ਕਲਿੱਕ ਕਰਕੇ ਜਾਣਕਾਰੀ ਮਿਲਦੀ ਸੀ। ਇਸ ਵਿਚ ਸਕ੍ਰੋਲੇਬਲ ਇੰਟਰਫੇਸ ਰਾਹੀਂ ਜਾਣਕਾਰੀ ਨੂੰ ਐਕਸੈੱਸ ਕੀਤਾ ਜਾ ਸਕਦਾ ਸੀ। ਇਹ ਫੀਚਰ ਗੂਗਲ ਦੇ ਡਿਸਕਵਰ ਪੇਜ ’ਤੇ ਮਿਲਦਾ ਸੀ।
ਰਿਪੋਰਟ ਮੁਤਾਬਕ ਇਸ ਸਾਲ ਅਪ੍ਰੈਲ ਤੋਂ ਬਾਅਦ ਸਮਾਰਟਫੋਨ ’ਚ ਗੂਗਲ ਸਨੈਪਸ਼ੋਟ ਦਾ ਸਪੋਰਟ ਮਿਲਣਾ ਬੰਦ ਹੋ ਜਾਵੇਗਾ। ਦੱਸ ਦੇਈਏ ਕਿ ਇਸ ਸਾਲ ਦੀ ਸ਼ੁਰੂਆਤ ’ਚ ਗੂਗਲ ਨੇ ਇੰਨ-ਐਪ ਨੋਟੀਫਿਕੇਸ਼ਨ ਜਾਰੀ ਕਰਕੇ ਯੂਜ਼ਰਸ ਨੂੰ ਜਾਣਕਾਰੀ ਦਿੱਤੀ ਸੀ ਕਿ ਜਲਦ ਤੁਹਾਡਾ ਸਨੈਪਸ਼ੋਟ ਫੀਚਰ ਬੰਦ ਹੋਣ ਜਾ ਰਿਹਾ ਹੈ।
