Gionee ਜਲਦ ਹੀ ਆਪਣਾ ਨਵਾਂ ਐਂਡਰਾਇਡ ਟੈਬਲੇਟ Gionee M61 ਲਾਂਚ ਕਰ ਸਕਦੀ ਹੈ। ਗੂਗਲ ਪਲੇਅ ਕੰਸੋਲ ਲਿਸਟਿੰਗ ’ਤੇ ਇਸ ਦੇ ਕੁੱਝ ਫੀਚਰਜ਼ ਲਿਸਟ ਕੀਤੇ ਗਏ ਹਨ। ਗੂਗਲ ਪਲੇਅ ਕੰਸੋਲ ’ਤੇ ਦਿੱਤੀ ਗਈ ਲਿਸਟਿੰਗ ’ਚ ਇਸ ਦਾ ਰੈਂਡਰ ਵੀ ਸ਼ਾਮਲ ਹੈ। ਐਂਡਰਾਇਡ ਟੈਬਲੇਟ ਦੇ ਫੀਚਰਜ਼ ’ਚ ਇਸ ਦਾ ਪ੍ਰੋਸੈਸਰ ਸਪ੍ਰੈਡਟ੍ਰਮ ਟੀ610 ਦੱਸਿਆ ਗਿਆ ਹੈ ਜਿਸ ਵਿਚ 2+6 ਕੋਰ ਦਾ ਕੰਬੀਨੇਸ਼ਨ ਦਿੱਤਾ ਗਿਆ ਹੈ।
ਇਸ ਦੇ ਨਾਲ ਹੀ ਇਹ ਵੀ ਦੱਸਿਆ ਗਿਆ ਹੈ ਕਿ ਇਸ ਵਿਚ ਸਿਰਫ 4 ਜੀ.ਬੀ. ਦਾ ਇੱਕ ਹੀ ਮਾਡਲ ਲਾਂਚ ਕੀਤਾ ਜਾਵੇਗਾ ਜੋ ਅੱਜ ਦੇ ਸਮੇਂ ਦੇ ਸਟੈਂਡਰਡ ਦੇ ਹਿਸਾਬ ਨਾਲ ਫਿਟ ਕਿਹਾ ਜਾ ਸਕਦਾ ਹੈ। ਹੁਣ ਕੰਪਨੀ ਇੱਕ ਸਸਤਾ ਟੈਬਲੇਟ ਬਾਜ਼ਾਰ ’ਚ ਲਿਆਉਣ ਦੀ ਤਿਆਰੀ ’ਚ ਹੈ।
Gizmochina ਦੀ ਰਿਪੋਰਟ ਅਨੁਸਾਰ Gionee M61 ਦੇ ਕੁੱਝ ਖਾਸ ਫੀਚਰ ਇਸ ਲਿਸਟਿੰਗ ’ਚ ਦਿੱਤੇ ਗਏ ਹਨ। ਇਸ ‘ਚ ਇੱਕ ਸਪ੍ਰੈਡਟ੍ਰਮ ਟੀ610 ਪ੍ਰੋਸੈਸਰ ਸ਼ਾਮਲ ਹੈ। ਜਿਸ ਵਿਚ ਦੋ ARM Cortex-A77 ਕੋਰ ਅਤੇ 6 ARM Cortex-A55 ਹੋਣਗੇ ਅਤੇ ਸਾਰੇ 1800Mhz ’ਤੇ ਕਲਾਕ ਕੀਤੇ ਗਏ ਹਨ। ਪ੍ਰੋਸੈਸਰ 12nm ਆਰਕੀਟੈਕਚਰ ’ਤੇ ਬੇਸਡ ਹੈ ਅਤੇ ਇਸ ਨੂੰ 614Mhz ’ਤੇ ਕਲਾਕ ਕੀਤੇ ਗਏ Mali-G52 GPU ਨਾਲ ਪੇਅਰ ਕੀਤਾ ਜਾਵੇਗਾ।
ਡਿਸਪਲੇਅ ’ਚ 1200×1920 ਪਿਕਸਲ ਦੀ ਫੁਲ ਐੱਚ.ਡੀ. ਪਲੱਸ ਰੈਜ਼ੋਲਿਊਸ਼ਨ ਅਤੇ 320 ਡੀ.ਪੀ.ਆਈ. ਸਕਰੀਨ ਡੈਂਸਿਟੀ ਹੈ। ਸਕਰੀਨ ਸਾਈਜ਼ ਬਾਰੇ ਜਾਣਕਾਰੀ ਨਹੀਂ ਦਿੱਤੀ ਗਈ ਪਰ ਇਹ 7 ਜਾਂ 8 ਇੰਚ ਦੇ ਕਰੀਬ ਹੋ ਸਕਦੀ ਹੈ।
