Apple ਨੇ ਕਈ ਪ੍ਰੋਡਕਟਸ ਲਾਂਚ ਕੀਤੇ ਹਨ। Apple ਵੱਲੋਂ ਨਵੇਂ AirPods ਨੂੰ ਵੀ ਲਾਂਚ ਕੀਤਾ ਗਿਆ। ਇਹ AirPods Spatial Audio ਦੇ ਬੈਨਿਫਿਟਸ ਦੇ ਨਾਲ ਆਉਂਦੇ ਹਨ। ਇਸ ਨਵੇਂ AirPods ਦਾ ਡਿਜ਼ਾਈਨ AirPods Pro ਨਾਲ ਕਾਫ਼ੀ ਜ਼ਿਆਦਾ ਮਿਲਦਾ ਹੈ। ਮਿਊਜ਼ਿਕ ਅਤੇ ਫੋਨ ਕਾਲ ਕੰਟਰੋਲ ਕਰਨ ਲਈ ਇੱਕ ਫੋਰਸ ਸੈਂਸਰ ਦੀ ਵਰਤੋਂ ਕੀਤੀ ਗਈ ਹੈ। ਪਾਵਰਫੁਲ ਬੇਸ ਅਤੇ ਕ੍ਰਿਸਟਲ ਕਲੀਅਰ ਹਾਈ ਲਈ ਲੋ-ਡਿਸਟ੍ਰੋਟੇਸ਼ਨ ਡਰਾਈਵਰ ਦਾ ਇਸਤੇਮਾਲ ਕੀਤਾ ਗਿਆ ਹੈ।
ਇਸਦਾ contoured ਡਿਜ਼ਾਈਨ ਬਿਹਤਰ ਸਾਉਂਡ ਆਫਰ ਕਰਨ ਲਈ ਆਪਟਿਮਾਇਜ਼ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਇਸ ਵਿੱਚ ਅਡੈਪਟਿਵ EQ ਵੀ ਦਿੱਤਾ ਗਿਆ ਹੈ। ਇਸ ਦੀ ਬੈਟਰੀ ਲਾਈਫ ਨੂੰ ਲੈ ਕੇ ਕੰਪਨੀ ਨੇ ਦਾਅਵਾ ਕੀਤਾ ਹੈ ਇਹ 6 ਘੰਟੇ ਤੱਕ ਚੱਲੇਗੀ। ਚਾਰਜਿੰਗ ਕੇਸ ਦੇ ਨਾਲ AirPods 30 ਘੰਟੇ ਤੱਕ ਦੀ ਬੈਟਰੀ ਬੈਕਅਪ ਦੇ ਸਕਦੇ ਹਨ।
AirPods 3 ਦੀ ਕੀਮਤ 179 ਡਾਲਰ (18,500 ਰੁਪਏ) ਰੱਖੀ ਗਈ ਹੈ। ਇਸ ਨੂੰ ਅੱਜ ਤੋਂ ਹੀ ਆਰਡਰ ਕੀਤਾ ਜਾ ਸਕਦਾ ਹੈ। ਇਸ ਦੀ ਡਿਲਿਵਰੀ ਅਗਲੇ ਹਫਤੇ ਤੋਂ ਸ਼ੁਰੂ ਹੋਵੇਗੀ। ਐਪਲ ਮਿਊਜ਼ਿਕ ਦੇ ਤਹਿਤ ਕੰਪਨੀ ਨੇ ਐਪਲ ਮਿਊਜ਼ਿਕ ਵਾਇਸ ਸਬਸਕ੍ਰਿਪਸ਼ਨ ਸਰਵਿਸ ਦਾ ਐਲਾਨ ਕੀਤਾ ਹੈ। ਇਸ ਤੋਂ ਇਲਾਵਾ HomePod mini ਨੂੰ ਤਿੰਨ ਨਵੇਂ ਕਲਰ ਐਲੋ, ਆਰੈਂਜ ਅਤੇ ਬਲੂ ਵਿੱਚ ਪੇਸ਼ ਕੀਤਾ ਗਿਆ ਹੈ।
M1 Pro ਅਤੇ M1 Pro Max ਚਿਪਸੈਟ ਦੇ ਨਾਲ ਆਏ ਨਵੇਂ MacBook Pro ਦਾ ਆਰਡਰ 18 ਅਕਤੂਬਰ ਤੋਂ ਸ਼ੁਰੂ ਹੋ ਗਿਆ ਹੈ। 14 ਇੰਚ ਵਾਲੇ ਮਾਡਲ ਦੀ ਕੀਮਤ 1,999 ਡਾਲਰ (1,94,900 ਰੁਪਏ) ਰੱਖੀ ਗਈ ਹੈ। ਜਦੋਂ ਕਿ 16 ਇੰਚ ਵਾਲੇ ਨਵੇਂ ਮੈਕਬੁੱਕ ਪ੍ਰੋ ਦੀ ਕੀਮਤ 2,499 ਡਾਲਰ (2,39,900 ਰੁਪਏ) ਰੱਖੀ ਗਈ ਹੈ। ਇਨ੍ਹਾਂ ਦੀ ਸ਼ਿਪਿੰਗ ਅਗਲੇ ਹਫਤੇ ਤੋਂ ਸ਼ੁਰੂ ਹੋਵੇਗੀ।
ਨਵੇਂ MacBook Pro ਫਾਸਟ ਚਾਰਜ ਸਪੋਰਟ ਦੇ ਨਾਲ ਆਏ ਹਨ। 30 ਮਿੰਟ ਵਿੱਚ ਇਹ 50 ਫੀਸਦੀ ਤੱਕ ਚਾਰਜ ਹੋ ਜਾਂਦੇ ਹਨ। 14 ਇੰਚ ਵਾਲਾ ਮਾਡਲ 17 ਘੰਟੇ ਦਾ ਵੀਡੀਓ ਪਲੇਬੈਕ ਦਿੰਦਾ ਹੈ। ਉੱਥੇ ਹੀ, 16 ਇੰਚ ਵਾਲਾ ਮਾਡਲ 21 ਘੰਟੇ ਦਾ ਵੀਡੀਓ ਪਲੇਬੈਕ ਦਿੰਦਾ ਹੈ। ਨਵੇਂ MacBook Pro ਸਿਲਵਰ ਅਤੇ ਸਪੇਸ ਗ੍ਰੇ ਕਲਰ ਆਪਸ਼ੰਸ ਵਿੱਚ ਆਏ ਹਨ।
