ਜੇਕਰ ਤੁਹਾਡੇ ਕੋਲ ਵੀ ਪੁਰਾਣਾ ਐਂਡਰਾਇਡ ਸਮਾਰਟਫੋਨ ਹੈ, ਤਾਂ ਇਹ ਤੁਹਾਡੇ ਲਈ ਬਹੁਤ ਅਹਿਮ ਖ਼ਬਰ ਹੈ ਕਿਉਂਕਿ ਗੂਗਲ ਉਨ੍ਹਾਂ ਐਂਡਰਾਇਡ ਸਮਾਰਟਫੋਨਸ ਲਈ ਸਪੋਰਟ ਬੰਦ ਕਰ ਰਿਹਾ ਹੈ ਜਿਨ੍ਹਾਂ ਦਾ ਐਂਡਰਾਇਡ ਵਰਜਨ 2.3.7 ਜਾਂ ਇਸ ਤੋਂ ਘੱਟ ਹੈ। ਇਹ 27 ਸਤੰਬਰ, 2021 ਤੋਂ ਸ਼ੁਰੂ ਹੋਵੇਗਾ, ਜਿਸ ਤੋਂ ਬਾਅਦ ਅਜਿਹੇ ਉਪਭੋਗਤਾ ਆਪਣੇ ਫੋਨ ਵਿੱਚ ਗੂਗਲ ਡਰਾਈਵ, ਗੂਗਲ ਅਕਾਊਂਟ, ਜੀਮੇਲ ਤੇ ਯੂਟਿਬ ਨੂੰ ਐਕਸੈਸ ਨਹੀਂ ਕਰ ਸਕਣਗੇ।
ਦੱਸ ਦਈਏ ਕਿ ਉਪਭੋਗਤਾਵਾਂ ਦੇ ਫੋਨਾਂ ਵਿੱਚ ਹੁਣ ਐਂਡਰਾਇਡ ਦਾ ਘੱਟੋ-ਘੱਟ 3.0 ਹਨੀਕੌਮ ਵਰਜਨ ਹੋਣਾ ਲਾਜ਼ਮੀ ਹੈ, ਹਾਲਾਂਕਿ ਗੂਗਲ ਨੇ ਇਹ ਵੀ ਰਾਹਤ ਦਿੱਤੀ ਹੈ ਕਿ ਪੁਰਾਣੇ ਵਰਜਨ ਵਾਲੇ ਯੂਜ਼ਕ ਬ੍ਰਾਉਜ਼ਰ ਰਾਹੀਂ ਆਪਣੇ ਜੀਮੇਲ ਖਾਤੇ ਨੂੰ ਐਕਸੈਸ ਕਰਨ ਦੇ ਯੋਗ ਹੋਣਗੇ।
9to5Google ਨੇ ਇੱਕ ਉਪਭੋਗਤਾ ਨੂੰ ਗੂਗਲ ਵਲੋਂ ਭੇਜੀ ਗਈ ਇੱਕ ਈ-ਮੇਲ ਦਾ ਸਕ੍ਰੀਨਸ਼ਾਟ ਵੀ ਸਾਂਝਾ ਕੀਤਾ ਹੈ। ਐਂਡਰਾਇਡ ਵਰਜਨ 2.3.7 ਤੇ ਇਸ ਤੋਂ ਘੱਟ ਦੇ ਉਪਭੋਗਤਾਵਾਂ ਨੂੰ ਜੀਮੇਲ ਵਿੱਚ ਲੌਗਇਨ ਕਰਦੇ ਸਮੇਂ ਉਪਭੋਗਤਾ ਨਾਂਅ ਜਾਂ ਪਾਸਵਰਡ ਦੀ ਗਲਤੀ ਦਾ ਮੈਸੇਜ ਮਿਲ ਰਿਹਾ ਹੈ।
ਇਸ ਮੇਲ ਵਿੱਚ ਯੂਜ਼ਰਸ ਨੂੰ ਚੇਤਾਵਨੀ ਦਿੱਤੀ ਗਈ ਹੈ ਤੇ ਉਨ੍ਹਾਂ ਦੇ ਫੋਨ ਅਪਗ੍ਰੇਡ ਕਰਨ ਲਈ ਕਿਹਾ ਗਿਆ ਹੈ। 27 ਸਤੰਬਰ ਤੋਂ ਬਾਅਦ ਐਂਡਰਾਇਡ ਦੇ ਅਜਿਹੇ ਵਰਜਨ ਵਾਲੇ ਸਾਰੇ ਯੂਜ਼ਰਸ ਨੂੰ ਗੂਗਲ ਦੇ ਐਪਸ- ਜੀਮੇਲ, ਯੂਟਿਬ, ਗੂਗਲ ਮੈਪ, ਯੂਟਿਬ ਆਦਿ ਵਿੱਚ ਲੌਗਇਨ ਕਰਨ ਦੌਰਾਨ ਐਰਰ ਮਿਲੇਗਾ।
ਇਸ ਤੋਂ ਇਲਾਵਾ ਜੇ ਕੋਈ ਉਪਭੋਗਤਾ ਉਸ ਫੋਨ ਵਿੱਚ ਨਵਾਂ ਗੂਗਲ ਖਾਤਾ ਬਣਾਏਗਾ ਜਾਂ ਨਵੇਂ ਖਾਤੇ ਨਾਲ ਲੌਗਇਨ ਕਰੇਗਾ ਜਾਂ ਫੈਕਟਰੀ ਰੀਸੈਟ ਕਰੇਗਾ, ਤਾਂ ਹਰ ਸਥਿਤੀ ਵਿੱਚ ਉਸਨੂੰ ਐਰਰ ਮਿਲੇਗਾ। ਇਸ ਤੋਂ ਇਲਾਵਾ, ਪੁਰਾਣੇ ਵਰਜਨ ਵਾਲੇ ਯੂਜ਼ਰਸ ਨੂੰ ਗੂਗਲ ਖਾਤੇ ਦਾ ਪਾਸਵਰਡ ਬਦਲਣ ਵੇਲੇ ਵੀ ਐਰਰ ਮਿਲੇਗਾ।