ਬੈਂਗਲੁਰੂ, 11 ਅਪ੍ਰੈਲ 2026 : ਭਾਰਤ ਦੇਸ ਦੇ ਸੂਬੇ ਬੈਂਗਲੁਰੂ (Bangalore) ਵਿਖੇ ਇਕ ਸਕੂਲ ਵਿਦਿਆਰਥਣ ਵਲੋਂ ਪ੍ਰੀਖਿਆ ਨਤੀਜਿਆਂ ਦੇ ਐਲਾਨ ਹੋਣ ਪਿੱਛੋ ਖੁਦਕੁਸ਼ੀ (Suicide) ਕੀਤੇ ਜਾਣ ਦਾ ਸਮਾਚਾਰ ਹੈ ।
ਕੀ ਨਾਮ ਹੈ ਇਸ ਵਿਦਿਆਰਥਣ ਦਾ
ਸੈਕੰਡਰੀ ਪ੍ਰੀਖਿਆ ਦੇ ਨਤੀਜੇ ਐਲਾਨੇ ਜਾਣ ਤੋਂ ਕੁਝ ਘੰਟਿਆਂ ਬਾਅਦ ਹੀ ਇਕ ਵਿਦਿਆਰਥਣ ਨੇ ਬੈਂਗਲੁਰੂ ‘ਚ ਆਪਣੇ ਘਰ ‘ਚ ਛੱਤ ਦੇ ਪੱਖੇ ਨਾਲ ਲਟਕ ਕੇ ਉਦੋਂ ਕਥਿਤ ਤੌਰ ‘ਤੇ ਖੁਦਕੁਸ਼ੀ ਕਰ ਲਈ ਜਦੋਂ ਘਰ ‘ਚ ਕੋਈ ਨਹੀਂ ਸੀ । ਪੁਲਸ ਨੇ ਕਿਹਾ ਕਿ ਵਿਦਿਆਰਥਣ ਤਨਸ਼ੀ (Student Tanshi) (17) ਵਿਗਿਆਨ ਦੀ ਵਿਦਿਆਰਥਣ ਸੀ । ਉਹ 3 ਵਿਸ਼ਿਆਂ ‘ਚ ਫੇਲ ਹੋ ਗਈ ਸੀ । ਸ਼ੱਕ ਹੈ ਕਿ ਇਹ ਹੀ ਉਸ ਦੀ ਖੁਦਕੁਸ਼ੀ ਦਾ ਕਾਰਨ ਹੈ ।
ਘਟਨਾ ਵਾਲੀ ਥਾਂ ਤੇ ਪੁਲਸ ਨੂੰ ਕੋਈ ਸੁਸਾਈਡ ਨੋਟ ਨਹੀਂ ਮਿਲਿਆ
ਪੁਲਸ ਅਨੁਸਾਰ ਘਟਨਾ ਵਾਲੀ ਥਾਂ ‘ਤੇ ਉਸ ਦਾ ਐਡਮਿਟ ਕਾਰਡ ਹੀ ਮਿਲਿਆ । ਕੋਈ ਸੁਸਾਈਡ ਨੋਟ (Suicide note) ਨਹੀਂ ਮਿਲਿਆ । ਐਡਮਿਟ ਕਾਰਡ ਬਿਸਤਰੇ ‘ਤੇ ਪਿਆ ਸੀ । ਇਹ ਘਟਨਾ ਵੀਰਵਾਰ ਦੁਪਹਿਰ ਵੇਲੇ ਪ੍ਰੀ-ਯੂਨੀਵਰਸਿਟੀ ਕੋਰਸ ਦੇ ਦੂਜੇ ਸਾਲ ਦੇ ਨਤੀਜੇ ਐਲਾਨੇ ਜਾਣ ਤੋਂ ਬਾਅਦ ਵਾਪਰੀ ।
