ਏਸ਼ੀਆ ਕੱਪ ਲਈ ਸ਼੍ਰੀਲੰਕਾ ਮਹਿਲਾ ਟੀਮ ਦਾ ਐਲਾਨ
ਸ਼੍ਰੀਲੰਕਾ ਨੇ ਏਸ਼ੀਆ ਕੱਪ ਲਈ ਆਪਣੀ ਮਹਿਲਾ ਟੀਮ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਵਾਰ ਏਸ਼ੀਆ ਕੱਪ 19 ਜੁਲਾਈ ਤੋਂ ਸ਼੍ਰੀਲੰਕਾ ‘ਚ ਖੇਡਿਆ ਜਾਣਾ ਹੈ। ਪਹਿਲਾ ਮੈਚ ਨੇਪਾਲ ਅਤੇ ਯੂਏਈ ਵਿਚਾਲੇ ਖੇਡਿਆ ਜਾਣਾ ਹੈ। ਇਸੇ ਦਿਨ ਦੂਜਾ ਮੈਚ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਖੇਡਿਆ ਜਾਵੇਗਾ। ਸ਼੍ਰੀਲੰਕਾ ਨੇ ਬੁੱਧਵਾਰ ਨੂੰ ਟੀਮ ਦਾ ਐਲਾਨ ਕੀਤਾ। ਉਸ ਨੇ ਆਪਣੀ ਟੀਮ ਦੀ ਕਮਾਨ ਚਮਾਰੀ ਅਥਾਪੱਥੂ ਨੂੰ ਸੌਂਪ ਦਿੱਤੀ ਹੈ।
ਇਹ ਵੀ ਪੜ੍ਹੋ: ਬਾਲੀਵੁੱਡ ਦੀ ਦੇਸੀ ਗਰਲ ਪ੍ਰਿਯੰਕਾ ਚੋਪੜਾ ਨੇ ਰਚਾ ਇਤਿਹਾਸ, ਹਾਲੀਵੁੱਡ ਅਦਾਕਾਰਾਂ ਦੇ ਬਰਾਬਰ ਲਈ ਫੀਸ
ਤਜਰਬੇਕਾਰ ਤਿਕੜੀ ਉਦੇਸ਼ਿਕਾ ਪ੍ਰਬੋਧਨੀ, ਅਚਿਨੀ ਕੁਲਸੂਰੀਆ ਅਤੇ ਅਨੁਸ਼ਕਾ ਸੰਜੀਵਨੀ ਨੂੰ ਸ਼੍ਰੀਲੰਕਾ ਦੀ ਟੀ-20 ਟੀਮ ‘ਚ ਸ਼ਾਮਲ ਕੀਤਾ ਗਿਆ ਹੈ। ਤਿੰਨਾਂ ਨੂੰ ਵੈਸਟਇੰਡੀਜ਼ ਖਿਲਾਫ ਹਾਲ ਹੀ ‘ਚ ਖੇਡੀ ਗਈ ਸੀਰੀਜ਼ ‘ਚ ਆਰਾਮ ਦਿੱਤਾ ਗਿਆ ਸੀ। ਰਸ਼ਮਿਕਾ ਸੇਵਾਂਦੀ ਅਤੇ ਇਮੇਸ਼ਾ ਦੁਲਾਨੀ ਦੀ ਜੋੜੀ ਨੂੰ ਵੀ ਟੀਮ ‘ਚ ਸ਼ਾਮਲ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਤਜਰਬੇਕਾਰ ਸਪਿਨਰ ਓਸ਼ਾਦੀ ਰਣਸਿੰਘੇ ਅਤੇ ਵਿਕਟਕੀਪਰ ਬੱਲੇਬਾਜ਼ ਕੌਸ਼ਿਨੀ ਨੁਥਯਾਂਗਨਾ ਨੂੰ ਵੀ ਟੀਮ ‘ਚ ਜਗ੍ਹਾ ਨਹੀਂ ਮਿਲੀ ਹੈ। ਖੱਬੇ ਹੱਥ ਦੀ ਸਪਿਨਰ ਸ਼ਸ਼ਿਨੀ ਗਿਮਹਾਨੀ ਸਭ ਤੋਂ ਛੋਟੀ ਉਮਰ ਦੀ ਮੈਂਬਰ ਹੈ, ਜੋ ਇਸ ਸਾਲ ਦੇ ਅੰਤ ਵਿੱਚ 16 ਸਾਲ ਦੀ ਹੋ ਜਾਵੇਗੀ।
ਸ਼੍ਰੀਲੰਕਾ ਟੀਮ
ਚਮਾਰੀ ਅਥਾਪੱਥੂ (ਕਪਤਾਨ), ਵਿਸ਼ਮੀ ਗੁਣਾਰਤਨੇ, ਹਰਸ਼ਿਤਾ ਸਮਰਾਵਿਕਰਮਾ, ਹਸੀਨੀ ਪਰੇਰਾ, ਕਵੀਸ਼ਾ ਦਿਲਹਾਰੀ, ਨੀਲਾਕਸ਼ੀ ਡੀ ਸਿਲਵਾ, ਅਨੁਸ਼ਕਾ ਸੰਜੀਵਨੀ, ਸੁਗੰਧੀਕਾ ਕੁਮਾਰੀ, ਉਦੇਸ਼ਿਕਾ ਪ੍ਰਬੋਧਨੀ, ਅਚਿਨੀ ਕੁਲਸੂਰੀਆ, ਇਨੋਸ਼ੀ ਪ੍ਰਿਯਾਦਰਸ਼ੀ, ਸ਼ਾਨਦੀਮਾਨੀ, ਸ਼ਾਨਦੀਨਾਨੀ, ਕਵਿਸ਼ਾ ਦਿਲਾਰੀ, ਸੁਗੰਧੀਕਾ ਕੁਮਾਰੀ। ਅਮਾ ਕੰਚਨਾ
ਮਹਿਲਾ ਏਸ਼ੀਆ ਕੱਪ ‘ਚ 8 ਟੀਮਾਂ ਹਿੱਸਾ ਲੈ ਰਹੀਆਂ ਹਨ
ਸ਼੍ਰੀਲੰਕਾ ਦੇ ਦਾਂਬੁਲਾ ‘ਚ ਸ਼ੁੱਕਰਵਾਰ ਤੋਂ ਮਹਿਲਾ ਏਸ਼ੀਆ ਕੱਪ ਦਾ ਨੌਵਾਂ ਸੀਜ਼ਨ ਸ਼ੁਰੂ ਹੋ ਰਿਹਾ ਹੈ। ਟੂਰਨਾਮੈਂਟ ਵਿੱਚ 8 ਟੀਮਾਂ 10 ਦਿਨਾਂ ਵਿੱਚ 15 ਮੈਚ ਖੇਡਣਗੀਆਂ। ਇਸ ਵਾਰ ਥਾਈਲੈਂਡ, ਮਲੇਸ਼ੀਆ, ਨੇਪਾਲ ਅਤੇ ਯੂਏਈ ਵਰਗੀਆਂ ਉਭਰਦੀਆਂ ਟੀਮਾਂ ਨੂੰ ਵੀ ਐਂਟਰੀ ਮਿਲੀ ਹੈ। ਇਹ ਥਾਈਲੈਂਡ ਦਾ ਚੌਥਾ ਟੂਰਨਾਮੈਂਟ ਹੈ। ਜਦਕਿ ਮਲੇਸ਼ੀਆ ਅਤੇ ਨੇਪਾਲ ਦੋ-ਦੋ ਵਾਰ ਖੇਡ ਚੁੱਕੇ ਹਨ। ਇਹ ਯੂਏਈ ਦਾ ਦੂਜਾ ਸੀਜ਼ਨ ਹੋਵੇਗਾ।
ਟੀਮਾਂ ਨੂੰ ਦੋ ਗਰੁੱਪਾਂ ਵਿੱਚ ਵੰਡਿਆ ਗਿਆ ਹੈ
8 ਟੀਮਾਂ ਨੂੰ ਦੋ ਗਰੁੱਪਾਂ ਵਿੱਚ ਵੰਡਿਆ ਗਿਆ ਹੈ। ਮਹਿਲਾ ਟੀਮ ਇੰਡੀਆ ਨੂੰ ਪਾਕਿਸਤਾਨ, ਸੰਯੁਕਤ ਅਰਬ ਅਮੀਰਾਤ (ਯੂਏਈ) ਅਤੇ ਨੇਪਾਲ ਦੇ ਨਾਲ ਗਰੁੱਪ ਏ ਵਿੱਚ ਰੱਖਿਆ ਗਿਆ ਹੈ। ਮੇਜ਼ਬਾਨ ਸ਼੍ਰੀਲੰਕਾ, ਮਲੇਸ਼ੀਆ, ਥਾਈਲੈਂਡ ਅਤੇ ਬੰਗਲਾਦੇਸ਼ ਨੂੰ ਗਰੁੱਪ ਬੀ ਵਿੱਚ ਰੱਖਿਆ ਗਿਆ ਹੈ।
ਪਿਛਲੀ ਵਾਰ ਥਾਈਲੈਂਡ ਪਾਕਿਸਤਾਨ ਨੂੰ ਹਰਾ ਕੇ ਸੈਮੀਫਾਈਨਲ ‘ਚ ਪਹੁੰਚਿਆ ਸੀ
ਪਿਛਲੇ ਸਾਲ ਏਸ਼ੀਆ ਕੱਪ ‘ਚ ਪਾਕਿਸਤਾਨ ਨੂੰ ਹਰਾ ਕੇ ਸੈਮੀਫਾਈਨਲ ‘ਚ ਪਹੁੰਚੀ ਸੀ। 20 ਸਾਲਾ ਥਿਪਾਚ ਪੁਟਾਵੋਂਗ ਕਪਤਾਨੀ ਕਰਨਗੇ। ਮਹਾਰਾਸ਼ਟਰ ਕ੍ਰਿਕਟ ਸੰਘ ਦੇ ਸਾਬਕਾ ਖਿਡਾਰੀ ਨਿਤੀਸ਼ ਸਾਲੇਕਰ ਕੋਚ ਹਨ। ਟੀਮ ਬੰਗਲਾਦੇਸ਼, ਮਲੇਸ਼ੀਆ ਅਤੇ ਸ਼੍ਰੀਲੰਕਾ ਦੇ ਨਾਲ ਗਰੁੱਪ ਬੀ ਵਿੱਚ ਹੈ।
