ਸੁਰੱਖਿਆ ‘ਚ ਕੁਤਾਹੀ! ਸੁਰੱਖਿਆ ਘੇਰਾ ਤੋੜ ਕੇ ਕੋਹਲੀ ਨੂੰ ਮਿਲਣ ਮੈਦਾਨ ‘ਚ ਪੁੱਜੇ 3 Fans
ਨਵੀ ਦਿੱਲੀ,1 ਫਰਵਰੀ: ਦਿੱਲੀ ਦੇ ਅਰੁਣ ਜੇਤਲੀ ਮੈਦਾਨ ‘ਤੇ ਰਣਜੀ ਟਰਾਫੀ ਮੈਚ ਦੌਰਾਨ ਸੁਰੱਖਿਆ ਵਿਚ ਵੱਡੀ ਕੁਤਾਹੀ ਦੇਖਣ ਨੂੰ ਮਿਲੀ। ਇਸ ਮੈਚ ਦੇ ਨਾਲ ਵਿਰਾਟ ਨੇ 12 ਸਾਲਾਂ ਤੋਂ ਵੱਧ ਦੇ ਸਮੇਂ ਤੋਂ ਬਾਅਦ ਰਣਜੀ ਟਰਾਫੀ ਵਿੱਚ ਵਾਪਸੀ ਕੀਤੀ ਹੈ। ਇਸ ਲਈ ਵੱਡੀ ਗਿਣਤੀ ਵਿੱਚ ਪ੍ਰਸ਼ੰਸਕ ਉਨ੍ਹਾਂ ਨੂੰ ਦੇਖਣ ਲਈ ਦਿੱਲੀ ਦੇ ਅਰੁਣ ਜੇਤਲੀ ਸਟੇਡੀਅਮ ਵਿੱਚ ਪਹੁੰਚੇ।
ਵਿਰਾਟ ਕੋਹਲੀ ਨੂੰ ਮਿਲਣ ਪੁੱਜੇ 3 ਪ੍ਰਸ਼ੰਸਕ
ਇਸ ਦੌਰਾਨ ਉਨ੍ਹਾਂ ਦੀ ਵਧਦੀ ਲੋਕਪ੍ਰਿਅਤਾ ਦੀ ਮਿਸਾਲ ਵੀ ਦੇਖਣ ਨੂੰ ਮਿਲੀ, ਮੈਚ ਦੇ ਪਹਿਲੇ ਦਿਨ ਇਕ ਪ੍ਰਸ਼ੰਸਕ ਸੁਰੱਖਿਆ ਪ੍ਰਬੰਧਾਂ ਨੂੰ ਤੋੜ ਕੇ ਮੈਦਾਨ ‘ਚ ਆ ਗਿਆ ਅਤੇ ਵਿਰਾਟ ਕੋਹਲੀ ਨੂੰ ਜੱਫੀ ਪਾ ਲਈ। ਅੱਜ ਇਸ ਮੈਚ ਦੇ ਤੀਜੇ ਦਿਨ 3 ਪ੍ਰਸ਼ੰਸਕ ਸੁਰੱਖਿਆ ਘੇਰਾ ਤੋੜ ਕੇ ਮੈਦਾਨ ‘ਚ ਦਾਖਲ ਹੋਏ। ਉਹ ਵਿਰਾਟ ਕੋਹਲੀ ਨੂੰ ਮਿਲੇ ਅਤੇ ਉਨ੍ਹਾਂ ਦੇ ਪੈਰ ਛੂਹੇ, ਜਿਸ ਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਦੱਸ ਦਈਏ ਕਿ ਕੋਹਲੀ ਦੀ ਮੌਜੂਦਗੀ ਕਾਰਨ ਇਸ ਮੈਚ ਲਈ ਸਖ਼ਤ ਸੁਰੱਖਿਆ ਪ੍ਰਬੰਧ ਕੀਤੇ ਗਏ ਸਨ ਪਰ ਇਸ ਦੇ ਬਾਵਜੂਦ ਤਿੰਨ ਪ੍ਰਸ਼ੰਸਕ 20 ਤੋਂ ਵੱਧ ਗਾਰਡਾਂ ਦੇ ਗਰੁੱਪ ਨੂੰ ਚਕਮਾ ਦੇ ਕੇ ਮੈਦਾਨ ਵਿੱਚ ਦਾਖ਼ਲ ਹੋਣ ਵਿੱਚ ਕਾਮਯਾਬ ਰਹੇ। ਹਾਲਾਂਕਿ, ਇਹ ਤਿੰਨੇ ਪ੍ਰਸ਼ੰਸਕ ਜਲਦ ਹੀ ਫੜੇ ਗਏ।
Jio ਨੇ ਪ੍ਰੀਪੇਡ ਯੂਜ਼ਰਸ ਨੂੰ ਦਿੱਤਾ ਵੱਡਾ ਝਟਕਾ; ਇਨ੍ਹਾਂ 2 ਸਸਤੇ Plans ਦੀ ਵੈਧਤਾ ਘਟਾਈ