ਏਆਰ ਰਹਿਮਾਨ ਨੇ ਕਮਲਾ ਹੈਰਿਸ ਲਈ ਰਿਕਾਰਡ ਕੀਤਾ ਗੀਤ, ਅੱਜ ਹੋਵੇਗਾ YouTube ਚੈਨਲ ‘ਤੇ ਲਾਈਵ
ਭਾਰਤੀ ਸੰਗੀਤਕਾਰ ਏ.ਆਰ. ਰਹਿਮਾਨ ਨੇ ਕਮਲਾ ਹੈਰਿਸ ਦੇ ਸਮਰਥਨ ਵਿੱਚ 30 ਮਿੰਟ ਦਾ ਵੀਡੀਓ ਪ੍ਰਦਰਸ਼ਨ ਰਿਕਾਰਡ ਕੀਤਾ ਹੈ। ਇਹ ਵੀਡੀਓ ਏਸ਼ੀਅਨ ਅਮਰੀਕਨ ਐਂਡ ਪੈਸੀਫਿਕ ਆਈਲੈਂਡਰਜ਼ (ਏ.ਏ.ਪੀ.ਆਈ.) ਵਿਕਟਰੀ ਫੰਡ ਸੰਸਥਾ ਵੱਲੋਂ ਰਿਕਾਰਡ ਕੀਤਾ ਗਿਆ ਹੈ। ਇਹ ਵੀਡੀਓ 13 ਅਕਤੂਬਰ ਨੂੰ ਰਾਤ 8 ਵਜੇ (14 ਅਕਤੂਬਰ ਨੂੰ ਸਵੇਰੇ 5 ਵਜੇ ਭਾਰਤੀ ਸਮੇਂ ਅਨੁਸਾਰ) AAPI ਦੇ YouTube ਚੈਨਲ ‘ਤੇ ਲਾਈਵ ਕੀਤਾ ਜਾਵੇਗਾ।
ਇਹ ਵੀ ਪੜ੍ਹੋ- ਮੁੰਬਈ ਵਿੱਚ ਇੱਕ ਜੰਕਸ਼ਨ ਦਾ ਨਾਮ ‘ਸ਼੍ਰੀਦੇਵੀ ਕਪੂਰ ਚੌਕ’ ਰੱਖਿਆ
ਏ ਆਰ ਰਹਿਮਾਨ ਹੈਰਿਸ ਦਾ ਸਮਰਥਨ ਕਰਨ ਵਾਲੇ ਦੱਖਣੀ ਏਸ਼ੀਆ ਦੇ ਪਹਿਲੇ ਅੰਤਰਰਾਸ਼ਟਰੀ ਕਲਾਕਾਰ ਹਨ। ਅਮਰੀਕਾ ‘ਚ 5 ਨਵੰਬਰ ਨੂੰ ਰਾਸ਼ਟਰਪਤੀ ਚੋਣਾਂ ਹੋਣ ਜਾ ਰਹੀਆਂ ਹਨ। ਭਾਰਤੀ ਮੂਲ ਦੀ ਕਮਲਾ ਇਸ ਚੋਣ ਵਿੱਚ ਡੈਮੋਕ੍ਰੇਟਿਕ ਪਾਰਟੀ ਵੱਲੋਂ ਉਮੀਦਵਾਰ ਹੈ। ਉਹ ਅਮਰੀਕਾ ਦੀ ਪਹਿਲੀ ਮਹਿਲਾ ਰਾਸ਼ਟਰਪਤੀ ਬਣਨ ਦੀ ਦਾਅਵੇਦਾਰ ਹੈ।
ਪ੍ਰੋਗਰਾਮ ਦਾ ਵੀਡੀਓ ਟੀਜ਼ਰ ਰਿਲੀਜ਼ ਕੀਤਾ ਗਿਆ
AAPI ਵਿਕਟਰੀ ਫੰਡ ਇੱਕ ਸਿਆਸੀ ਕਮੇਟੀ ਹੈ ਜੋ ਏਸ਼ੀਅਨ-ਅਮਰੀਕਨਾਂ ਨੂੰ ਇੱਕਜੁੱਟ ਕਰਨ ਦੀ ਕੋਸ਼ਿਸ਼ ਕਰਦੀ ਹੈ।
ਇਸ ਤੋਂ ਪਹਿਲਾਂ ਏਆਰ ਰਹਿਮਾਨ ਅਤੇ ਇੰਡੀਆਸਪੋਰਾ ਦੇ ਚੇਅਰਮੈਨ ਐਮਆਰ ਰੰਗਾਸਵਾਮੀ ਦਾ ਵੀਡੀਓ ਟੀਜ਼ਰ ਵੀ ਜਾਰੀ ਕੀਤਾ ਗਿਆ ਸੀ। ਖਬਰਾਂ ਮੁਤਾਬਕ ਇਸ ਸ਼ੋਅ ‘ਚ ਰਹਿਮਾਨ ਦੇ ਕੁਝ ਮਸ਼ਹੂਰ ਗੀਤ ਚੱਲਣਗੇ। ਇਸ ਦੇ ਨਾਲ ਹੀ ਹੈਰਿਸ ਨੂੰ ਵੋਟ ਪਾਉਣ ਦੀ ਅਪੀਲ ਵੀ ਕੀਤੀ ਜਾਵੇਗੀ।
