ਏਅਰਪੋਰਟ ‘ਤੇ ਇਹ 5 ਸ਼ਬਦ ਬੋਲਣੇ ਪੈ ਸਕਦੇ ਭਾਰੀ , ਹੋ ਸਕਦੀ ਹੈ ਜੇਲ੍ਹ

ਹੁਣ ਸਫ਼ਰ ਦੌਰਾਨ ਏਅਰਪੋਰਟ ‘ਤੇ ਇਹ ਸ਼ਬਦ ਬੋਲਣੇ ਭਾਰੀ ਪੈ ਸਕਦੇ ਹਨ | ਹੁਣ ਤੁਹਾਨੂੰ ਕੁਝ ਵੀ ਕਹਿਣ ਤੋਂ ਪਹਿਲਾਂ ਸੋ ਵਾਰੀ ਸੋਚਣਾ ਪਵੇਗਾ | ਕਿਤੇ ਇਹ ਨਾ ਹੋਵੇ ਕਿ ਤੁਹਾਡੇ ਮੂੰਹ ‘ਚੋਂ ਕੁਝ ਅਜਿਹਾ ਨਿਕਲ ਜਾਵੇ ਜੋ ਤੁਹਾਡੇ ਲਈ ਆਮ ਹੋਵੇ ਪਰ ਤੁਹਾਨੂੰ ਇਸ ਦਾ ਖਮਿਆਜ਼ਾ ਜੇਲ੍ਹ ਜਾ ਕੇ ਭੁਗਤਣਾ ਪਵੇ |

ਦੱਸ ਦਈਏ ਕਿ ਦੋ ਦਿਨ ਪਹਿਲਾਂ ਕੋਚੀ ਹਵਾਈ ਅੱਡੇ ਤੋਂ ਇਸੇ ਤਰ੍ਹਾਂ ਦੇ ਇੱਕ ਮਾਮਲੇ ਵਿੱਚ ਇੱਕ ਯਾਤਰੀ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਕੁਝ ਮਹੀਨੇ ਪਹਿਲਾਂ ਵੀ ਇਸੇ ਤਰ੍ਹਾਂ ਦੇ ਮਾਮਲੇ ‘ਚ ਦਿੱਲੀ ਏਅਰਪੋਰਟ ਤੋਂ ਦੋ ਯਾਤਰੀਆਂ ‘ਤੇ ਕਾਰਵਾਈ ਕੀਤੀ ਜਾ ਚੁੱਕੀ ਹੈ।

ਕਈ ਵਾਰ ਯਾਤਰੀ ਹੋ ਜਾਂਦੇ ਪਰੇਸ਼ਾਨ

ਹਵਾਈ ਅੱਡੇ ਦੀ ਸੁਰੱਖਿਆ ਨਾਲ ਜੁੜੇ ਇਕ ਸੀਨੀਅਰ ਅਧਿਕਾਰੀ ਮੁਤਾਬਕ ਯਾਤਰੀ ਅਕਸਰ ਚਿੜਚਿੜੇਪਨ ਵਿਚ ਅਜਿਹੇ ਸ਼ਬਦ ਬੋਲਦੇ ਹਨ, ਜਿਸ ਕਾਰਨ ਉਹ ਆਪਣੇ ਲਈ ਵੱਡੀ ਮੁਸੀਬਤ ਖੜ੍ਹੀ ਕਰ ਲੈਂਦੇ ਹਨ। ਉਦਾਹਰਨ ਲਈ, ਪੂਰਵ-ਸੁਰੱਖਿਆ ਜਾਂਚ ਦੌਰਾਨ ਐਕਸ-ਰੇ ਮਾਨੀਟਰ ‘ਤੇ ਬੈਠੇ CISF ਸਕ੍ਰੀਨਰ ਨੂੰ ਬੈਗ ਵਿੱਚ ਰੱਖੀ ਕਿਸੇ ਵੀ ਵਸਤੂ ‘ਤੇ ਸ਼ੱਕ ਹੁੰਦਾ ਹੈ। ਅਜਿਹੇ ਵਿੱਚ ਉੱਥੇ ਮੌਜੂਦ CISF ਅਧਿਕਾਰੀ ਸਬੰਧਤ ਯਾਤਰੀ ਨੂੰ ਬੈਗ ਖੋਲ੍ਹ ਕੇ ਦਿਖਾਉਣ ਲਈ ਕਹਿੰਦਾ ਹੈ। ਅਜਿਹੇ ‘ਚ ਕਈ ਵਾਰ ਯਾਤਰੀ ਪਰੇਸ਼ਾਨ ਹੋ ਜਾਂਦੇ ਹਨ ਅਤੇ ਕਹਿੰਦੇ ਹਨ, ‘‘ਦੇਖ ਲੋ ਬੈਗ ‘ਚ ਕਿਹੜਾ ਬੰਬ ਹੈ।’’

ਯਾਤਰੀ ਖਿਲਾਫ ਕੀਤੀ ਜਾਂਦੀ ਕਾਨੂੰਨੀ ਕਾਰਵਾਈ

ਕਿਉਂਕਿ ਹਵਾਬਾਜ਼ੀ ਸੁਰੱਖਿਆ ਅੰਤਰਰਾਸ਼ਟਰੀ ਮਾਪਦੰਡਾਂ ਨਾਲ ਬੱਝੀ ਹੋਈ ਹੈ ਅਤੇ ਉਨ੍ਹਾਂ ਮਾਪਦੰਡਾਂ ਦੇ ਤਹਿਤ ‘ਬੰਬ’ ਇੱਕ ਪਾਬੰਦੀਸ਼ੁਦਾ ਸ਼ਬਦ ਹੈ ਅਤੇ ਇਸ ਸ਼ਬਦ ਨੂੰ ਸੁਣਨ ਉਤੇ ਪੂਰੀ ਪ੍ਰਕਿਰਿਆ ਹੁੰਦੀ ਹੈ। ਇਸ ਲਈ, ਹਵਾਬਾਜ਼ੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਇਸ ਪ੍ਰਕਿਰਿਆ ਨੂੰ ਨਜ਼ਰਅੰਦਾਜ਼ ਨਹੀਂ ਕੀਤਾ ਜਾ ਸਕਦਾ ਹੈ। ਅਜਿਹੇ ‘ਚ ਯਾਤਰੀ ਖਿਲਾਫ ਕਾਨੂੰਨੀ ਕਾਰਵਾਈ ਵੀ ਕੀਤੀ ਜਾਂਦੀ ਹੈ।

ਕਿਹੜੇ ਸ਼ਬਦ ਨਹੀਂ ਬੋਲ ਸਕਦੇ ?

ਹਵਾਈ ਅੱਡੇ ਦੀ ਸੁਰੱਖਿਆ ਨਾਲ ਜੁੜੇ ਇਕ ਸੀਨੀਅਰ ਅਧਿਕਾਰੀ ਨੇ ਕਿਹਾ ਕਿ ਬੰਬ ਵਾਂਗ ਕੁਝ ਹੋਰ ਸ਼ਬਦ ਵੀ ਹਨ, ਜੇਕਰ ਬੋਲੇ ​​ਜਾਣ ਤਾਂ ਤੁਸੀਂ ਵੱਡੀ ਮੁਸੀਬਤ ਵਿਚ ਫਸ ਸਕਦੇ ਹੋ। ਇਨ੍ਹਾਂ ਵਿੱਚ ਅੱਤਵਾਦੀ, ਬੰਬ, ਮਿਜ਼ਾਈਲ, ਬੰਦੂਕ ਜਾਂ ਕਿਸੇ ਵੀ ਤਰ੍ਹਾਂ ਦਾ ਹਥਿਆਰ, ਫਾਇਰ, ਹਾਈਜੈਕ ਵਰਗੇ ਸ਼ਬਦ ਸ਼ਾਮਲ ਹਨ। ਹਵਾਈ ਯਾਤਰਾ ਦੌਰਾਨ ਯਾਤਰੀਆਂ ਨੂੰ ਇਹ ਸ਼ਬਦ ਗਲਤੀ ਨਾਲ ਵੀ ਨਹੀਂ ਬੋਲਣੇ ਚਾਹੀਦੇ। ਜੇਕਰ ਉਸ ਨੇ ਇਹ ਸ਼ਬਦ ਬੋਲੇ ​​ਅਤੇ ਕਿਸੇ ਨੇ ਸੁਣ ਲਏ ਤਾਂ ਉਸ ਵਿਰੁੱਧ ਕਾਨੂੰਨੀ ਕਾਰਵਾਈ ਯਕੀਨੀ ਹੈ।

ਇਹ ਵੀ ਪੜ੍ਹੋ : PGI ਚੰਡੀਗੜ੍ਹ ਜਾਣ ਵਾਲੇ ਮਰੀਜ਼ਾਂ ਦਾ ਨਹੀਂ ਹੋਵੇਗਾ ਇਲਾਜ , ਜਾਣੋ ਪੂਰਾ ਮਾਮਲਾ

ਮੈਂ ਪਰਮਾਣੂ ਬੰਬ ਲੈ ਕੇ ਜਾ ਰਿਹਾ …

ਇਸੇ ਤਰ੍ਹਾਂ ਦੀ ਘਟਨਾ ਦੀ ਉਦਾਹਰਨ ਦਿੰਦੇ ਹੋਏ ਹਵਾਈ ਅੱਡੇ ਦੇ ਇਕ ਸੀਨੀਅਰ ਸੁਰੱਖਿਆ ਅਧਿਕਾਰੀ ਨੇ ਦੱਸਿਆ ਕਿ 4 ਅਪ੍ਰੈਲ ਨੂੰ ਜਿਗਨੇਸ਼ ਮਾਲਨ ਅਤੇ ਕਸ਼ਯਪ ਕੁਮਾਰ ਨਾਂ ਦੇ ਦੋ ਯਾਤਰੀ ਆਕਾਸਾ ਏਅਰਲਾਈਨਜ਼ ਦੀ ਫਲਾਈਟ ਨੰਬਰ QP-1334 ‘ਤੇ ਅਹਿਮਦਾਬਾਦ ਜਾ ਰਹੇ ਸਨ। ਦਿੱਲੀ ਏਅਰਪੋਰਟ ‘ਤੇ ਸੈਕੰਡਰੀ ਲੈਡਰ ਪੁਆਇੰਟ ਚੈੱਕ (ਐੱਸ.ਐੱਲ.ਪੀ.ਸੀ.) ਦੌਰਾਨ ਇਨ੍ਹਾਂ ਯਾਤਰੀਆਂ ਨੇ ਗੁੱਸੇ ‘ਚ ਕਿਹਾ ਸੀ, ‘ਕੀ ਕਰ ਲਵੋਗੇ, ਮੈਂ ਪਰਮਾਣੂ ਬੰਬ ਲੈ ਕੇ ਜਾ ਰਿਹਾ ਹਾਂ।’ ਇੰਨਾ ਹੀ ਨਹੀਂ ਇਨ੍ਹਾਂ ਦੋਵਾਂ ਯਾਤਰੀਆਂ ਖਿਲਾਫ ਆਈਪੀਸੀ ਦੀ ਧਾਰਾ 505 (1) (ਬੀ) ਅਤੇ 182 ਤਹਿਤ ਐਫਆਈਆਰ ਦਰਜ ਕਰਕੇ ਕਾਰਵਾਈ ਵੀ ਕੀਤੀ ਗਈ।