ਅੰਡਰ-23 ਵਿਸ਼ਵ ਕੱਪ ‘ਚ ਭਾਰਤੀ ਪਹਿਲਵਾਨ ਸਾਜਨ ਭਾਨਵਾਲ ਨੇ ਇਤਿਹਾਸ ਰਚ ਦਿੱਤਾ ਹੈ। ਭਾਰਤ ਦੇ ਸਾਜਨ ਭਾਨਵਾਲਾ ਨੇ ਵਿਸ਼ਵ ਕੁਸ਼ਤੀ ਸੀ.ਸ਼ਿਪ ਦੇ ਅੰਡਰ 23 ਦੇ 77 ਕਿਲੋਗ੍ਰਾਮ ਵਿਚ ਭਾਰਤ ਲਈ ਪਹਿਲਾ ਗ੍ਰੀਕੋ ਰੋਮਨ ਤਮਗਾ ਜਿੱਤਿਆ ਹੈ। ਉਹ ਵਿਸ਼ਵ ਕੁਸ਼ਤੀ ਚੈਂਪੀਅਨਸ਼ਿਪ ਵਿੱਚ ਗ੍ਰੀਕੋ-ਰੋਮਨ ਵਰਗ ਵਿੱਚ ਤਗ਼ਮਾ ਜਿੱਤਣ ਵਾਲਾ ਪਹਿਲਾ ਭਾਰਤੀ ਬਣ ਗਿਆ ਹੈ।
ਸਾਜਨ ਨੇ ਮੈਚ ਦੇ ਸ਼ੁਰੂਆਤੀ ਦੌਰ ਵਿੱਚ ਯੂਕਰੇਨ ਦੇ ਦਿਮਿਤਰੋ ਵੈਸੇਟਸਕੀ ਵਿਰੁੱਧ 4-10 ਨਾਲ ਜਿੱਤ ਦਰਜ ਕੀਤੀ। ਦੂਜੇ-ਤੀਜੇ ਦੌਰ ‘ਚ ਭਾਰਤੀ ਪਹਿਲਵਾਨ 10-10 ਨਾਲ ਬਰਾਬਰੀ ‘ਤੇ ਰਹੇ। ਬਾਅਦ ਵਿੱਚ ਮੈਚ ਪੁਆਇੰਟ ਤੋਂ ਬਾਅਦ ਰੈਫਰੀ ਨੇ ਉਸ ਨੂੰ ਜੇਤੂ ਐਲਾਨ ਦਿੱਤਾ।
